அர்த்தமற்றுப்போகுமா...........?

by மீனு Wed Oct 14, 2009 11:34 am

விடுதலையின் பிரசவிப்பிற்காய்
வடுக்களை ஏற்றாய்
வசந்தத்தை தொலைத்து
வடிவிழந்து கிடக்கிறாய்
துடிக்கிறது மனசு

பாதகர் கால்கள்
பதிகிறது உன்னில்
வெஞ்சினம் கொள்வாய்
வேதனை வேண்டாம்
தேற்றிடு மனதை

நீதிக்கான யுத்தம்
அர்த்தமற்றுப்போகுமா.....?
நிறைந்து கிடக்கும் வரலாறு
மறைந்திடுமா..........?

கொடுதலை என்னும்
நிலை வந்த போதும்
விடுதலை நிலை மாறா
தலைவன்............
உயிர் நீக்கத்தயங்காத
உத்தமர்கள்........
குடும்பச் சுமையோடு
விடுதலைச் சுமையை
முழுதாய்ச் சுமந்த மக்கள்.......
குடும்பமே எல்லையில் நின்று
கடுங்சமர் புரிந்த வரலாறு.......

இப்படி இப்படி
எத்தனையோ சுமந்தாய்
எல்லாமே அழிந்துபோகுமா.....?
உன் தேகமெங்கும்
திட்டுத்திட்டாய்
கொட்டுண்டு கிடக்கிறது
உயிர் விலைகள்
அத்தனையும் வீணாகிப்போய் விடுமா?

கிட்ட நின்று
எட்டிப்பார்த்தோம்
தொட்டிடத்தான் முடியவில்லை
ஆனாலும்.........
பாதைகள் மாறலாம்
உனக்கான
பயணம் ஓய்ந்திடுமா........????

ஸ். எம் ஜீவாங்கனி
கிளிநொச்சி

by kirupairajah Wed Oct 14, 2009 12:41 pm

நல்ல கவிதை. நன்றி மீனு!

by வித்யாசாகர் Wed Oct 14, 2009 1:17 pm

மீனு wrote:உன் தேகமெங்கும்
திட்டுத்திட்டாய்
கொட்டுண்டு கிடக்கிறது
உயிர் விலைகள்
அத்தனையும் வீணாகிப்போய் விடுமா?

அபாரம். நன்றி மீனு!

உயிர்கள் தொலைந்ததை கண்ணீரில் எடுத்து சொல்லும், மீண்டும் மீண்டும் நம்மை சபதமேற்க செய்யும் உயிருள்ள கவிதை!

by யமுனாஸ் Wed Oct 14, 2009 1:23 pm

பாதைகள் மாறலாம்
உனக்கான
பயணம் ஓய்ந்திடுமா........????
ஆம் மீனு அக்கா செயலும் சிந்தனையும் ஓயாது .

யமுனா

by வித்யாசாகர் Wed Oct 14, 2009 1:25 pm

இனிய அன்பு வணக்கம் யமுனா அர்த்தமற்றுப்போகுமா...........? 154550

உயிரோட்டமான கவிதையை தந்த மீனுவுக்கு நன்றி!
அர்த்தமற்றுப்போகுமா...........? 154550

by யமுனாஸ் Wed Oct 14, 2009 2:37 pm

வியாசகர் அண்ணா நான் ஒன்று கேட்கலாமா ? உங்கள் போட்டோ பினால் இருபது யார்?

யமுனா

by வித்யாசாகர் Wed Oct 14, 2009 3:10 pm

கேட்க தவறிருப்பின் இட்டிருப்பேனா தங்கையே, ஆயினும் சிலர் தங்கையோடு வரும் போது கூட அவசரத்தில் இது உங்கள் மனைவியா என்று கேட்டு விடுகிறார்கள்.

ஓரு முறை அப்படி தான், என் தங்கையோடு கோவிலுக்கு சென்றிருந்த போது பூசாரி "நல்ல குடும்பமாக மகிழ்வோடு வாழுங்களென" தம்பதியரை வாழ்த்துவது போல் வாழ்த்திவிட்டார், நான் அவரின் நல்ல உள்ளத்தை மட்டும் மெச்சியவாறு வருத்தத்தோடு வெளியேறினேன். எனவே இவர் யார் என்று மட்டும் கேட்பது நல்ல பண்பு.

அது என்னை (சுவாசத்திற்கு இணையாகவும் இருந்து) இயக்கிக் கொண்டிருக்கும் என் அன்பு மனைவி.

by அபிராமிவேலூ Wed Oct 14, 2009 3:19 pm

அது என்னை (சுவாசத்திற்கு இணையாகவும் இருந்து) இயக்கிக் கொண்டிருக்கும் என் அன்பு மனைவி.[/quote]
நான் இன்னமும் சுவாசித்துக்கொண்டுதான் இருக்கிறேன்..
உயிர் வாழ வேண்டும் என்ற ஆசையினால் அல்ல!!!
என் இத‌ய‌த்தில் இருக்கும் உனக்கு
வேர்க்காம‌ல் இருப்ப‌த‌ற்காக‌!!!