323 இணைப்புகள்-தயாநிதி மாறன் மீது எஸ்.குருமூர்த்தி வழக்கு!

by DERAR BABU Tue Dec 04, 2012 8:36 pm

தி.மு.க.வின் முன்னாள் மத்திய அமைச்சர் தயாநிதி மாறன் 323 தொலைபேசி இணைப்பௌகளை துஷ்பிரயோகம் செய்துள்ளதாகவும் இதனால் அரசுக்கு ரூ.440 கோடி இழப்பு ஏற்பட்டுள்ளதாகவும் எஸ்.குருமூர்த்தி உச்சநீதிமன்றத்தில் வழக்கு தொடர்ந்துள்ளார். சுப்ரீம் கோர்ட் இதனை விரைவில் விசாரிக்கவுள்ளது.

குருமூர்த்தி தொடர்ந்துள்ள வழக்கின் விவரம் வருமாறு:

தொலைத் தொடர்புத் துறை அமைச்சர் என்ற முரையில் தயாநிதிமாறனுக்கு தொலைபேசி இணைப்புகள் பிரத்யேகமாக வழங்கப்பட்டன. இவ்வாறு சிறப்பு ஒதுக்கீட்டின் மூலம் அளிக்கப்பட்ட பி.எஸ்.என்.எல்-இன் 323 இணைப்புகளை தயாநிதிமாறன் துஷ்பிரயோகம் செய்துள்ளார்.

சன் நெட்வொர்க் கலாநிதிமாறன், மற்றும் தயாநிதிமாறன் சகோதரர்களின் குடும்ப நிறுவனமாகும். மந்திரி என்ற முறையில் அவருக்கு அளிக்கப்பட்ட 323 இணைப்புகளையும் அவர் சன் நெட் வொர்க்கிற்கு பயன்படுத்தியுள்ளார்.

இதனால் அரசுக்கு ரூ.440 கோடி இழப்பு ஏற்பட்டுள்ளது. இதனால் தயாநிதி மாறன் மீது நடவடிக்கை எடுக்கவேண்டும் என்று அந்த மனுவில் குருமூர்த்தி குறிப்பிட்டுள்ளார்.

ஏற்கனவே ஏர்செல்-மாக்சிஸ் விவகாரத்தில் சிக்கியுள்ள தயாநிதி மாறன் தற்போது குருமூர்த்தியின் இந்த வழக்கு விசாரணை விரைவில் நடக்கவிருப்பதால் மேலும் சிக்கலுக்குள்ளாகியுள்ளார்.

வெப்துனியா