காதலும்...அகாதலும்.

by **rameshnaga** Tue Dec 04, 2012 12:36 pm

First topic message reminder :

மிரளும் உன் பார்வைகள்
துள்ளி விலகுகின்றன...
என்னிடமிருந்து.

பிறகு...
விழுந்து விடுகின்றன...
என் நிழலின் மீது...

யாரும் அறியாதபடி.
************************************************************
உனக்காக....
உருகி...உருகி....
எழுதிய கவிதையில்....
ஏன் இத்தனை துயரங்கள்?

எந்த விழியால்....
என்ன சொல்லிச்
சுட்டெரித்தாய்
நீ என் கவிதையின் மொழியை?.
*******************************************************************
சாம்பலாகி இருக்கிறேன்...
பார்த்துவிடாதே.
உயிர்த்தெழுந்து விடுவேன்.

என்றாலும்....
விருப்பமில்லை எனக்கு...
மீண்டும் ஒருமுறை
சாம்பலாவதற்கு.
*********************************************************************
காதல்....
சிகரெட்டைப் போல....

இன்பம் என்றாலும்...
சாம்பலாக்கி விடுகிறது..
வாழ்வை.
**********************************************************************

by **பார்த்திபன்** Wed Dec 05, 2012 3:42 pm

rameshnaga wrote:மிரளும் உன் பார்வைகள்
துள்ளி விலகுகின்றன...
என்னிடமிருந்து.

பிறகு...
விழுந்து விடுகின்றன...
என் நிழலின் மீது...

யாரும் அறியாதபடி.
************************************************************
உனக்காக....
உருகி...உருகி....
எழுதிய கவிதையில்....
ஏன் இத்தனை துயரங்கள்?

எந்த விழியால்....
என்ன சொல்லிச்
சுட்டெரித்தாய்
நீ என் கவிதையின் மொழியை?.
*******************************************************************
சாம்பலாகி இருக்கிறேன்...
பார்த்துவிடாதே.
உயிர்த்தெழுந்து விடுவேன்.

என்றாலும்....
விருப்பமில்லை எனக்கு...
மீண்டும் ஒருமுறை
சாம்பலாவதற்கு.
*********************************************************************
காதல்....
சிகரெட்டைப் போல....

இன்பம் என்றாலும்...
சாம்பலாக்கி விடுகிறது..
வாழ்வை.
**********************************************************************

கலக்கிடீங்க நண்பரே! மகிழ்ச்சி

by **ரா.ரா3275** Wed Dec 05, 2012 3:46 pm

ரமேஷ் நாகாவின் கவிதையில் ராக்கெட் வேகம்-உயரம்...
ரசித்தேன்...வாழ்த்துகள்...

by சதாசிவம் Wed Dec 05, 2012 4:08 pm

கவிதைகள் அருமை நாகா, சூப்பருங்க

இங்கே அகாதல் என்பதற்கு என்ன அர்த்தம், தமிழில் இப்படி ஒரு வார்த்தை உள்ளதா?

by **ஜாஹீதாபானு** Wed Dec 05, 2012 4:22 pm

அனைத்தும் அருமை....

சாம்பல் கவி ரொம்ப அருமை அருமையிருக்கு

by **rameshnaga** Wed Dec 05, 2012 5:49 pm

ரொம்பவும் நன்றி! பார்த்திபன்., ரா.ரா., சதாசிவம்., ஜாஹீதாபானு.

"அகாதல்"...நான் உருவாக்கியிருக்கும்...வார்த்தைதான். காலம்,அகாலம்..போன்று..
காதல் அல்லாததைச் சொல்ல...அகாதல் என்ற வார்த்தையை உபயோகித்து இருக்கிறேன்.

by சதாசிவம் Wed Dec 05, 2012 8:00 pm

rameshnaga wrote:ரொம்பவும் நன்றி! பார்த்திபன்., ரா.ரா., சதாசிவம்., ஜாஹீதாபானு.

"அகாதல்"...நான் உருவாக்கியிருக்கும்...வார்த்தைதான். காலம்,அகாலம்..போன்று..
காதல் அல்லாததைச் சொல்ல...அகாதல் என்ற வார்த்தையை உபயோகித்து இருக்கிறேன்.

தங்கள் பதிலுக்கு மிக்க நன்றி.

இவ்வார்த்தை தமிழ் மரபு ஏற்குமா என்று தெரியவில்லை. வடமொழியில் இம்மரபு உண்டு. ஆயினும் அனைத்து வார்த்தைகளுக்கும் இவை பொருந்தாது.

ஹிம்சை = அஹிம்சை
சத்தியம் =அசத்தியம்
சுத்தம் = அசுத்தம்

ஆசை = நிராசை

ஆங்கிலத்தில் impossible, mismatch, uncontrolled, discontinue என்று ஒவ்வொரு பதத்திற்கும்
வெவ்வேறு எதிர்மறைச் சொற்களின் பயன்பாடு உள்ளது. அனைத்துக்கும் ஒரே பயன்பாடு இல்லை. இதைப்போல் அ என்ற ஒரு வார்த்தை சேர்த்தால் தமிழிலும் வடமொழியிலும் எதிர்மறைப் பொருள் எல்லா இடங்களிலும் வருவதில்லை.

தமிழ் அறிந்தவர்கள் மேலும் விளக்கட்டும்.

இது என் தாழ்மையான வேண்டுகோள். சற்று சிந்திக்கவும்.

by **rameshnaga** Thu Dec 06, 2012 11:05 am

ரொம்பவும் நன்றி! சதாசிவம் உங்களின் விளக்கத்திற்கு. "அகாதல்" என்ற வார்த்தை...சரியா தவறா என்றெல்லாம் எனக்குத் தெரியாது. ஒரு புது முயற்சியாய்த்தான் செய்து பார்த்தேன்.
உங்களின் தெளிவான விளக்கத்திற்கு...நன்றி.

by **பார்த்திபன்** Thu Dec 06, 2012 1:37 pm

"காதலும்....காதலற்றதும்"

இது எப்படி இருக்கு? :idea:

by **rameshnaga** Thu Dec 06, 2012 2:50 pm

நன்றாய் இருக்கிறது...பார்த்திபன்.

by சதாசிவம் Thu Dec 06, 2012 4:34 pm

மிக்க நன்றி.

காதல் என்ற வார்த்தைக்கு நேர் எதிர்மறை வெறுப்பு என்ற வார்த்தை தான். காதல் அற்ற என்பது இருந்த காதல் அற்றுப்போய் விடுவதையும் குறிக்கும். நீங்கள் என்ன கருத்தில் சொல்ல விரும்புகிறீர் என்பதை பொறுத்து வார்த்தையை தேர்ந்தெடுக்கவும்.

சிலர் நண்பன் நண்பி என்றும் கூறுகிறார்கள். இவையும் ஆராயப்படவேண்டியவை.