மின்வெட்டுப் பிரச்சனைஇப்போதைக்கு தீராது: ஹைகோர்ட்டில் மின்வாரியம் பதில்!

by **Powenraj** Tue Dec 04, 2012 11:55 am

சென்னை: புதிய மின் திட்டங்கள் செயல்படத் தொடங்கினால் மட்டுமேமின்வெட்டினை குறைக்க முடியும் எனவும், அதுவரை தமிழ்நாட்டில் மின்வெட்டு தவிர்க்கமுடியாதது என்றும் தமிழக மின்சார வாரியம் சென்னை உயர் நீதிமன்றத்தில் மனு தாக்கல் செய்துள்ளது.

தமிழ்நாட்டின் தலையாய பிரச்சினை மின்வெட்டுதான். 18 மணிநேரம் வரை மின்சாரம் தடைபடுகிறது. இதனையடுத்து 'குடிமக்களுக்கான பாதுகாப்பு'எனும் அமைப்பு, மின்வெட்டு தொடர்பாக உயர்நீதிமன்றத்தில் மனுதாக்கல் செய்தது. இந்த மனுவுக்கு பதில் அளிக்க தமிழ்நாடு மின்சார வாரியத்திற்கு சென்னை உயர் நீதிமன்றம் உத்தரவிட்டிருந்தது.

அதன்படி தமிழ்நாடு மின்சார வாரியம் தாக்கல் செய்த பதில் மனுவில் கூறப்பட்டுள்ளதாவது:

தமிழ்நாட்டில் மின்வெட்டு தவிர்க்கமுடியாதது. நெய்வேலி,வல்லூர், மேட்டூர் மற்றும் வட சென்னை ஆகிய இடங்களில் புதிய மின் திட்டங்கள் செயல்படுத்தப்பட உள்ளதாகவும், இந்த புதிய மின் திட்டங்களில் மின் உற்பத்தி தொடங்கினால் மட்டுமே, மின்வெட்டை ஓரளவு குறைக்க முடியும் என்றும் மின்சார வாரியம் அந்த மனுவில் குறிப்பிட்டுள்ளது. இதனையடுத்து இந்த வழக்கு ஒத்திவைக்கப்பட்டது.

by Guest Tue Dec 04, 2012 11:57 am

by பாலாஜி Tue Dec 04, 2012 12:03 pm

நல்ல அரசு , நல்ல பதில் என்ன கொடுமை சார் இது

...

அடுத்த சட்ட மன்ற தேர்தல் வரை பிரச்சனை தீராது என்று சொல்லாமல் சொல்லிவிட்டார்கள்

by **krishnaamma** Tue Dec 04, 2012 12:29 pm

by Arunjk Tue Dec 04, 2012 12:33 pm

இது தற்காப்பு வாதமே ஒழிய நிச்சயமான முடிவு அல்ல , மின்வாரியத்தில் தலைமை அதிகாரியான என் சித்தப்பாவிடம் இருந்து வந்த செய்தி என்னவெனில் அடுத்த வருடம் ஜூன் , ஜூலையில் இருந்து மின்வெட்டு சரியாகும் என்பதே

by **krishnaamma** Tue Dec 04, 2012 12:39 pm

Arunjk wrote:இது தற்காப்பு வாதமே ஒழிய நிச்சயமான முடிவு அல்ல , மின்வாரியத்தில் தலைமை அதிகாரியான என் சித்தப்பாவிடம் இருந்து வந்த செய்தி என்னவெனில் அடுத்த வருடம் ஜூன் , ஜூலையில் இருந்து மின்வெட்டு சரியாகும் என்பதே

இது நிஜமா அருண்? புன்னகை

by DERAR BABU Tue Dec 04, 2012 12:50 pm

நாடாளுமன்ற தேர்தல் வருவதற்குள் கொஞ்சம் கரண்ட் கொடுப்பார்கள் . இல்லேன்னா ஓட்டு கேட்டு வரமுடியதுள்ள .

by Guest Tue Dec 04, 2012 12:53 pm

Arunjk wrote:இது தற்காப்பு வாதமே ஒழிய நிச்சயமான முடிவு அல்ல , மின்வாரியத்தில் தலைமை அதிகாரியான என் சித்தப்பாவிடம் இருந்து வந்த செய்தி என்னவெனில் அடுத்த வருடம் ஜூன் , ஜூலையில் இருந்து மின்வெட்டு சரியாகும் என்பதே

ஆமாம் அருண் என் மாமா மின் துறை அமைச்சரும் அப்படிதான் சொன்னார் (சும்மா தமாசு )... என்ன கொடுமை சார் இது