ஜப்பானில் தங்கி இலவசமாக பயிற்சி பெற ஓர் வாய்ப்பு

உலகில் மிகப்பெரிய மின்னணுத் தொழில் நிறுவனங்களில் ஒன்றான ஹிட்டாச்சியும், இந்து நாளிதழும் இணைந்து ஜப்பானில் இலவசப் பயிற்சி பெறும் வாய்ப்புகளை வழங்குகின்றது.
இதற்கு இளநிலை பொறியியல் அல்லது ஏதேனும் ஒரு துறையில் இளநிலைப் பட்டம் பெற்றுள்ளவர்கள் விண்ணப்பிக்கலாம். அனுபவம் உள்ளவர்களுக்கு முன்னுரிமை வழங்கப்படும். விண்ணப்பிப்பவர் 30 வயதிற்கு உட்பட்டவராக இருக்க வேண்டும். கடந்த ஆண்டுகளில் இந்த உதவித்தொகைதிட்டத்தின் கீழ் விண்ணப்பித்தவர்கள் மீண்டும் விண்ணப்பிக்கக் கூடாது.
தேர்வு செய்யப்படும் மாணவர்களுக்கு அவர்களின் கல்வித் தகுதிக்கு ஏற்ப ஹிட்டாச்சி நிறுவனத்தில் ITSolution & Services, Thermal Power, Power Generation Plant, Power Create Control Systems Engineering, Rail Systems, Transportation Control System Engineering போன்ற ஏதேனுமொரு பிரிவில் ஆறு மாதங்கள் பயிற்சி அளிக்கப்படும். தேர்வு செய்யப்படும் மாணவர்களுக்கு விமானச் சீட்டு, தங்கும் இடம், உணவு வசதிகள் அனைத்தும் இலவசம்.
பயிற்சிக் காலத்தில் பயணச் செலவு மற்றும் இதர செலவுகளுக்கும் உதவித்தொகை வழங்கப்படும். விண்ணப்பங்கள் இந்தியாவில் உள்ள அனைத்து இந்து பத்திரிக்கை அலுவலகங்களிலும் கிடைக்கும். டிசம்பர் 31-ம் தேதிக்குள் விண்ணப்பிக்க சமர்பிக்கவும்.
விண்ணப்பங்களை அனுப்ப வேண்டிய முகவரி
The Hindu - Hitachi Training Scheme, The Hindu, எண் : 859,860, Anna Salai, Chennai - 600 002.

மாணவர்களுக்கான திருக்குறள் கட்டுரைப் போட்டி...

உலகத் திருக்குறள் பேரவை சார்பில் தமிழகம் மற்றும் புதுவையில் உள்ள கல்லூரி மாணவர்களுக்கு திருக்குறள் கட்டுரைப் போட்டி டிசம்பர் மாதம் நடைபெறுகிறது. கலை மற்றும் அறிவியல் கல்லூரிகள், பொறியியல் மற்றும் மருத்துவக் கல்லூரிகள் உட்பட மொத்தம் 1,500 கல்லூரிகளுக்கு இதற்கான சுற்றறிக்கை அனுப்பப்பட்டு உள்ளதாக உலகத் திருக்குறள் பேரவை தெரிவித்துள்ளது.
வள்ளுவத்தில் அறிவியல், வள்ளுவத்தில் சமூகவியல், வள்ளுவத்தில் அறம் ஆகிய தலைப்புகளில் கல்லூரிகளிலேயே மாணவர்களுக்கான கட்டுரைப் போட்டிகள் டிசம்பர் மாதம் நடைபெற உள்ளன.
இவற்றில் ஏதேனும் ஒரு தலைப்பில் எட்டு பக்கங்களுக்கு மிகாமல் கட்டுரைகளை எழுத வேண்டும். இவற்றில் தகுதியான மூன்று கட்டுரைகளை கல்லூரி ஆசிரியர்களே தேர்வு செய்து டிசம்பர் 25-ம் தேதிக்குள் அனுப்ப வேண்டும். இந்தக் கட்டுரைகளை மூவர் குழு ஆய்வு செய்து மாநில அளவில் மூன்று பேரையும், மாவட்ட அளவில் ஒருவரையும் தேர்வு செய்யும்.
தேர்வு செய்யப்பட்டவர்களின் பட்டியல், பரிசு வழங்கும் நாள் ஆகியவை ஜனவரி மாதத்தில் வெளியிடப்படும். மாநில அளவில் முதல் 3 இடங்களை பிடிக்கும் மாணவர்களுக்கு பரிசுத் தொகையாக தலா 1500 ரூபாய் முதல் 1000 ரூபாய் வரை வழங்கப்படும். மாவட்ட அளவில் பரிசு பெறும் கட்டுரைக்கு 500 ரூபாயும் பரிசாக வழங்கப்படும்.
கட்டுரைகளை அனுப்ப வேண்டிய முகவரி மு.பழனியப்பன், மன்னர் துரைசிங்கம் அரசு கலைக் கல்லூரி, சிவகங்கை.
மேலும் விவரங்களுக்கு 9442913985 எனும் தொலைபேசி எண்ணைத் தொடர்பு கொள்ளலாம்.

உதவித்தொகையுடன் கூடிய ஆராய்ச்சிப் படிப்பு வழங்குகிறது பெரியார் பல்கலைக்கழகம்...

சேலத்தில் உள்ள பெரியார் பல்கலைக்கழகம் உதவித்தொகையுடன் ஆராய்ச்சிப் படிப்பை வழங்க உள்ளது. தமிழ், கணிதம், உளவியல், உணவு அறிவியல், கல்வியியல், ஆங்கிலம், கணினி அறிவியல், புவியியல், வர்த்தகம், உயிரி தொழில்நுட்பம், Sociology, Journalism & Mass Communication போன்ற ஏதேனும்ஒரு துறையில் ஆராய்ச்சிப் படிப்பில் பயில விரும்புபவர்கள் விண்ணப்பிக்கலாம்.
www.periyaruniversity.ac.in எனும் இணையதளத்தின் மூலமாக விண்ணப்பங்களை டவுன்லோட் செய்து கொள்ளலாம். விண்ணப்பங்களை அனுப்ப வேண்டிய முகவரி,
பெரியார் பல்கலைக்கழகம், பெரியார் பல்கலை. நகர், சேலம்-636 011.
மேலும் விவரங்களை www.periyaruniversity.ac.inஎனும் இணையதளத்தில் பெற்றுக் கொள்ளலாம்.
நன்றி புதியதலைமுறை...

நல்ல பகிர்வு பவன்ராஜ்.

தங்களது வேலைவாய்ப்பு மற்றும் கல்வி சம்பந்தமான விடயங்களை இரண்டு திரிகளாக பதிந்து அந்தந்த செய்திகளை அதன் கீழேயே பதிந்தால் மேலும் எளிதாக இருக்கும்.

அருமையான பதிவு பவுன்ராஜ்.
பலருக்கு உதவியாக இருக்கும் என நம்புகிறேன்.