விவாத மேடை 2 : இது கருத்துகளுக்கான உச்சக்கட்டப் போர்

by **கரூர் கவியன்பன்** Tue Dec 04, 2012 7:47 am

நண்பர்களே

இந்தத் திரியில் நாம் விடை காணா பல்வேறு வினாக்களுக்கு விடை தேடும் முயற்சியாக அமைய விரும்புகிறேன்.

இங்கு கேட்கப்படும் கேள்விகளுக்கு உங்களது கருத்துகளை வாதமாகவும் எதிர்வாதமாகவும் பகிர வேண்டுகிறேன்.இவை இன்றுவரை நாம் விடை தெரியாமல் திரிந்துக்கொண்டிருக்கும் பல கேள்விகளுக்கு நிச்சயமாக விடை தராவிட்டாலும் நமது உள்ளங்களில் ஒரு புரிந்துனர்தலை ஏற்படுத்தும் என நம்புகிறேன்.அதற்கு தங்களின் நல்லாதரவு கோருகிறேன்

இங்கு கேட்கப்படும் கேள்விகள் சில கிறுக்குத்தனமாக இருந்தாலும் நிச்சயம் அதற்க்கான பதில் அவ்வாறு இருக்காது என்பது என் எண்ணம்.

நண்பர்களுக்கு ஒரு வேண்டுகோள், தயவுசெய்து யாரும் அரட்டியடிப்பது போன்ற (எனக்கு அதை எவ்வாறு இங்கு கூறுவது என தெரியவில்லை அதனாலேயே அவ்வாறு குறிப்பிட்டேன்) பதிவுகளை இட வேண்டாமென கேட்டுக்கொள்கிறேன்.காரணம் இது சீரிய கருத்துகளை எடுத்துரைக்கும் திரியாக மட்டும் அமைய விரும்புகிறேன்.

இனி தங்களின் கருத்துகளை பகிரப்போகும் தங்களுக்கு என் மனமார்ந்த நன்றியையும் வாழ்த்துகளையும் தெரிவித்துக்கொள்கிறேன்.

(இங்கு தலைப்பினில் போர் என்று குறிப்பிட்டதன் நோக்கம் திறமையான செயல்பாடுகள் அதாவது நற்கருத்துகளை கொண்ட வலிமைமிகுந்த கருத்துக்களுக்கான களம் என்ற அடிப்படையிலேயே மட்டுமே)

விவாத மேடை 2: இன்றைய விவாதம்

தற்போது உள்ள சூழலில் அதிக புரிதில் எங்கு காணப்படுகிறது ?

காதலிலா ? அல்லது நட்பினிலா ?

by **Ahanya** Tue Dec 04, 2012 7:50 am

நிச்சயமாக நட்பில்தான் அண்ணா!

எதிர்பார்ப்புகளுடன் கூடியது காதல். ஆதலால் அங்கு புரிதலுக்கு இடமில்லை
எந்த எதிர்பார்ப்புகளும் அற்றது நட்பு. அங்கு புறிதலுக்குதான் முதலிடம்.

by **கரூர் கவியன்பன்** Tue Dec 04, 2012 7:54 am

இத்தலைப்பிற்க்கான காரணம் நமது நாட்டில் தற்போது உள்ள சூழலில் இந்த இரு வட்டத்திற்குள் தான் மிகப்பெரிய போராட்டங்களும், இவற்றிற்கிடையே மிகச் சிறிய அளவிலான வேறுபாடுகளும் கொண்டு இளையதலைமுறை இடையே பல்வேறு குழப்பங்களும் வாதங்களும் ஏற்படுகின்றன.அவற்றில் ஏதேனும் புரிதல் ஏற்படவேண்டின் இக்கேள்வி எழுப்பப்பட்டது . கருத்துகளை பதிவிடுங்கள் நண்பர்களே

by Arunjk Tue Dec 04, 2012 10:11 am

புரிதல் என்று வந்துவிட்டால் அது நட்பு தான் முதலில் நிற்கும் ! எந்த ஒரு உறவும் கட்டாயத்துக்குள்ளும், ஒரு கட்டத்துக்குள்ளும் நம்மை தள்ளிவிடும் ஆனால் நட்பு எந்த ஒரு கட்டாயத்தையும் நம்முள் திணிக்காது அது முழுக்க முழுக்க புரிந்து அனுபவிக்கும் ஒரு விஷயம்.

by **krishnaamma** Tue Dec 04, 2012 10:15 am

Arunjk wrote:புரிதல் என்று வந்துவிட்டால் அது நட்பு தான் முதலில் நிற்கும் ! எந்த ஒரு உறவும் கட்டாயத்துக்குள்ளும், ஒரு கட்டத்துக்குள்ளும் நம்மை தள்ளிவிடும் ஆனால் நட்பு எந்த ஒரு கட்டாயத்தையும் நம்முள் திணிக்காது அது முழுக்க முழுக்க புரிந்து அனுபவிக்கும் ஒரு விஷயம்.

எனக்கும் அப்படித்தான் தோன்றுகிறது, நட்பில் 'ஈகோ' வராது. ஆனால் காதலில் வரும். நண்பன் அடித்தால் கூட 'நீ என் நண்பன்டா ' என்று கூறி கூட இருப்பார்கள் காதலில் யார் மன்னிப்பு கேட்பது என்று துவங்கி வம்பு வரும். இது என் தாழ்மையான கருத்து தான் புன்னகை

தவறானால் மன்னிக்கவும் புன்னகை

by **Ahanya** Tue Dec 04, 2012 10:20 am

எனக்கும் அப்படித்தான் தோன்றுகிறது, நட்பில் 'ஈகோ' வராது. ஆனால் காதலில் வரும். நண்பன் அடித்தால் கூட 'நீ என் நண்பன்டா ' என்று கூறி கூட இருப்பார்கள் காதலில் யார் மன்னிப்பு கேட்பது என்று துவங்கி வம்பு வரும். இது என் தாழ்மையான கருத்து தான் புன்னகை

தவறானால் மன்னிக்கவும் புன்னகை

[/quote]

சரியான கருத்துதான் krisnaammaa ! நான் இதை வரவேற்கிறேன்.

by **krishnaamma** Tue Dec 04, 2012 10:25 am

நன்றி அகன்யா புன்னகை

by Arunjk Tue Dec 04, 2012 10:26 am

krishnaamma wrote:
Arunjk wrote:புரிதல் என்று வந்துவிட்டால் அது நட்பு தான் முதலில் நிற்கும் ! எந்த ஒரு உறவும் கட்டாயத்துக்குள்ளும், ஒரு கட்டத்துக்குள்ளும் நம்மை தள்ளிவிடும் ஆனால் நட்பு எந்த ஒரு கட்டாயத்தையும் நம்முள் திணிக்காது அது முழுக்க முழுக்க புரிந்து அனுபவிக்கும் ஒரு விஷயம்.

எனக்கும் அப்படித்தான் தோன்றுகிறது, நட்பில் 'ஈகோ' வராது. ஆனால் காதலில் வரும். நண்பன் அடித்தால் கூட 'நீ என் நண்பன்டா ' என்று கூறி கூட இருப்பார்கள் காதலில் யார் மன்னிப்பு கேட்பது என்று துவங்கி வம்பு வரும். இது என் தாழ்மையான கருத்து தான் தவறானால் மன்னிக்கவும்

நட்பிலும் ஈகோ உண்டு ஆனால் அது மட்டுப்படுத்தப்படும். மற்ற உறவுகளில் ஈகோ நம்மை ஆளும்.

by சதாசிவம் Tue Dec 04, 2012 10:38 am

அழகான விவாதத் திரியை தொடங்கியமைக்கு மிக்க நன்றி.

முதற்கண் தற்பொழுதுள்ள சூழ்நிலையில் உண்மையான நட்பு, காதல் இவை இரண்டுமே காலாவதியாகிவிட்டது. எதிரில் இருக்கும் மனிதருடன் பேசுவதைவிட virtual friends வுடன் பேசும் போக்கு பெருகிவிட்டது. இன்றைய சமூக இணையதளங்கள் வாழ்வது இதை நம்பித்தான். உங்களுக்கு என்ன என்ன கொடுக்க முடியுமோ அவை அனைத்தையும் கொடுக்க முயலுகிறது. நாம் நாள்தோறும் இணைய தளங்களில் செலவு செய்யும் நேரம் அதிகரித்து, மனிதர்களுடன் செலவும் செய்யும் நேரம் குறைந்து விட்டது.

தற்காலத்தில் தேவையின் பொருட்டே நட்பு, காதல் வளர்கிறது அல்லது தேய்கிறது. எதிர்ப்பார்ப்பில்லாமல் இவை இரண்டுமே நடைபெறுவதில்லை.

வள்ளுவரோ, தமிழ் இலக்கியங்கள் சொன்ன நட்பு இலக்கணம் இன்று இல்லை. நண்பன் தவறு செய்தால் அவனை கண்டிக்கும் உண்மையான நட்பு இன்றில்லை. நம்மை போற்றிப் பாராட்டுபவனே சிறந்த நண்பன் என்ற எண்ணம் இன்று வலுத்திருக்கிறது. இணைய உலகிலும் லைக் பட்டன் தட்டும் ஒருவரைத் தான் நமக்கு மிகவும் பிடிக்கிறது. நம் தவறை எடுத்துக் கூறும் ஒருவனையோ, விமர்சனம் செய்யும் ஒருவரையோ நம்மால் அவ்வளவு சுலபமாக ஏற்க இயலவில்லை. "முக நக நட்பது நட்பன்று" ஆனால் இதுதான் இன்றைய நட்பு.

காதல் இதை விட மோசம். இன்றைக்கு காதல் தோல்வி என்ற வார்த்தை கூட இளசுகளின் மத்தியில் பேசப்படுவதில்லை லவ் பிரேக், ஏதோ திரைப்பட இண்டர்வல் பிரேக் போல், பத்து நாள்கள் கழித்து அடுத்த காதல் தொடர்கிறது.

இன்றைய சுழலில் நட்பு, காதல் என்ற இரண்டு வார்த்தையுமே அதன் சென்ற தலைமுறை அர்த்தத்தை இழந்துவிட்டது.

by **கரூர் கவியன்பன்** Tue Dec 04, 2012 10:40 am

Arunjk wrote:புரிதல் என்று வந்துவிட்டால் அது நட்பு தான் முதலில் நிற்கும் ! எந்த ஒரு உறவும் கட்டாயத்துக்குள்ளும், ஒரு கட்டத்துக்குள்ளும் நம்மை தள்ளிவிடும் ஆனால் நட்பு எந்த ஒரு கட்டாயத்தையும் நம்முள் திணிக்காது அது முழுக்க முழுக்க புரிந்து அனுபவிக்கும் ஒரு விஷயம்.

நட்பிலும் நிச்சயம் கட்டாயம் வேண்டுமல்லாவா நண்பா?
நண்பன் தவறான பாதையில் செல்லும்போது அந்த இடத்தில் நண்பனுக்கு ஒரு வரையறை அளித்து நல்வழிப்படுத்துவது ஒரு நண்பனின் கடமை அல்லவா?

அப்படி இருக்கையில் காதலில் மட்டும் எப்படி கட்டாயம் இருக்க முடியும்?