ரேஷன் கடையில் மலைப்பாம்பு புகுந்ததால் பரபரப்பு

by DERAR BABU Mon Dec 03, 2012 5:03 pm

ஆர்.கே.பேட்டை:ரேஷன் கடையில் மலைப் பாம்பு புகுந்ததால் பரபரப்பு ஏற்பட்டது. வனத்துறையினர் பாம்பை பிடித்து காட்டில் விட்டனர்.ஆர்.கே.பேட்டை அடுத்து உள்ளது சந்திரவிலாச
புரம் கிராமம். மலைகள் மற்றும் வயல் சார்ந்த பகுதி. அங்கு உள்ள ரேஷன் கடை வளாகத்தில், அங்கு பணிபுரியும் ஊழியர் சுப்ரமணி என்பவர், நேற்று முன்
தினம், மாலை, அமர்ந்து இருந்தார்.அப்போது, தனது காலை யாரோ சீண்டுவது போல உணர்ந்தார். அந்த சமயத்தில், மின்தடை ஏற்பட்டு இருந்ததால், இருட்டில் யார் என அவருக்கு தெரியவில்லை. அப்போது, அவ்வழியாக சென்ற டிராக்டரின் முகப்பு விளக்கு வெளிச்சத்தில் பார்த்தபோது, கால் அருகே மலைப் பாம்பு ஒன்று படுத்து
கிடந்ததைக் கண்டார்.உடனே, அலறி அடித்துக்கொண்டு ஓடிய அவர், இதுகுறித்து, ஊராட்சித் தலைவர் கீதாவுக்கு தகவல் கொடுத்தார். அவர், பள்ளிப்பட்டு வனத்துறைக்கு தகவல் தெரிவித்தார். வனச்சரகர் சேகர், வனக் காப்பாளர்கள் தனசேகர், ஏழுமலை உள்ளிட்டோர் வந்து பாம்பை பிடித்தனர்.பின்னர், அதை பள்ளிப்பட்டு அடுத்த, புல்லூர் கிழக்கு காப்புக் காட்டில் கொண்டு சென்று விட்டனர்.பிடிபட்ட மலைப் பாம்பு, 10 அடி நீளமும், 25 கிலோ எடையும் கொண்டது. மலைப் பாம்பு விஷத் தன்மை இல்லாதது என்பதால், ரேஷன் கடை ஊழியர் சுப்பிரமணி அதிர்ஷ்டவசமாக உயிர் தப்பினார ..

ரேசன் கடையவே முழுங்கும் மலைப்பாம்புகள் நிறைய இருக்கும் போது இதுக்கு அங்க என்ன கிடைக்கபோகுது .

தினமலர் . .