அடுத்த 20 ஆண்டில் அழிந்து போகும்: எஸ்.எம்.எஸ்-க்கு வயது 20

**Muthumohamed** · **Muthumohamed** Mon Dec 03, 2012 1:02 am

புதுடெல்லி, டிச. 3-

செல்போன் மூலம் நாம் அனுப்புகிற எஸ்.எம்.எஸ்-க்கு இன்றோடு 20 வயதாகிறது. ஆம் கடந்த 1992-ம் ஆண்டு டிசம்பர்-3ல் இங்கிலாந்து நாட்டைச் சேர்ந்த 22 வயதான 'நீல் பாப் வொர்த்' என்ற என்ஜினீயர் முதன் முதலாக செல்போன் மூலம் ஒரு எஸ்.எம்.எஸ். அனுப்பினார். இன்று உலகில் ஒரு நொடிக்கு சுமார் 2 லட்சம் எஸ்.எம்.எஸ்-க்கள் அனுப்பப்படுகிறன்றன.

பருவ வயதினரை பைத்தியம் பிடிக்க வைத்துள்ள இந்த தகவல் முறை பாப் வொர்த்தினால் முதல் முறையாக, இங்கிலாந்து நெட் வொர்க்கின் வோடஃபோன் மூலம் ஆர்பிட்டல் 901-வகை செல்போனுக்கு அனுப்பப்பட்டது. இந்த முதல் தகவலில் தெரிவிக்கப்பட்டது என்ன தெரியுமா? ஆனால் முதல் எஸ்.எம்.எஸ். மேட்டி மேக்கனன் என்பவரால் 1984-ல் அனுப்பப்பட்டதாக மற்றொரு தகவல் தெரிவிக்கிறது.

இவர் இங்கிலாந்தில் பின்னிஸ் நிறுவன ஊழியர் ஆவார். வர்த்தக ரீதியிலான எஸ்.எம்.எஸ்கள் முதன் முதலில் அமெரிக்கா மற்றும் இங்கிலாந்து நாடுகளில் இருந்து 1993-ல் அனுப்பப்பட்டன. அதைத் தொடர்ந்து ஸ்வீடன் நாட்டில் இது அமலுக்கு வந்தது. ஆனால் காலப்போக்கில் உருவான அறிவியல், விஞ்ஞான வளர்ச்சி காரணமாக தற்போது, மக்கள் தகவல் பரிமாற்றத்திற்காகப் பல்வேறு அதி நவீன தொழில் நுட்பங்களை பயன்படுத்தித் தொடங்கி உள்ளனர். குறிப்பாக இன்டர்நெட்டுடன் தொடர்புடைய ஸ்மார்ட் போன்கள், வாட்ஸ் ஏப், ப்ளாக் பெர்ரி மெசஞ்சர்ஸ் மற்றும் கூகுள் டாக் தொழில் நுட்பங்களையே தற்போது மக்கள் பெரும்பாலும் தகவல் பரிமாற்றத்திற்குப் பயன்படுத்துகின்றனர்.

இந்த நிலையில் பி.பி.சி. டெலிவிஷனுக்கு அளித்த பேட்டி ஒன்றில், மேட்டி மேக்கனன், நவீனத் தொழில் நுட்பப் புரட்சியால், எஸ்.எம்.எஸ். முறை அடுத்த 20 ஆண்டுகளில் அழிந்து போகும். ஆனால் “டெக்ஸ்ட்” தகவல் தொழில் நுட்பத்துக்கு என்றும் அழிவில்லை எனக் கூறினார்.

மாலைமலர்

அடுத்த 20 ஆண்டில் அழிந்து போகும்: எஸ்.எம்.எஸ்-க்கு வயது 20

அடுத்த 20 ஆண்டில் அழிந்து போகும்: எஸ்.எம்.எஸ்-க்கு வயது 20

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக