சின்ன சின்ன ஆசை - 2

காயத்ரி வைத்தியநாதன் · 23/09/2012

தகப்பனாய்
நீ தலைகோதிவிட
குழந்தையாய் உன்மடிமீது
நானுறங்க ஆசை...

தாயாய்
உன் ருசியறிந்து
பசியாற்றி...
உன் கவலைதுறந்து
உறங்கவைக்க ஆசை...

தோழியாய்
உன் தோள்சாய்ந்து
தோல்வி தொலைக்க ஆசை...

சகோதரியாய்
உன்னிடம்
சண்டைபிடிக்க ஆசை...

மாணவியாய்
நின் பெயர்
தழைக்கச் செய்ய ஆசை...

காதலியாய்
காதல்மொழி கேட்டு
நின் காதலில்
கசிந்துருக ஆசை...

மந்திரியாய்
ஆலோசனை
வழங்கிட ஆசை...

மனைவியாய்
உன் மனம் நிறைத்து
நின்கரு சுமக்க ஆசை...

பக்தையாய்
நின் பாதமலர்களை
கண்ணீர்முத்துக்களால்
அலங்கரிக்க ஆசை...

நின் கரம்கோர்த்து
சிகரம் தொட ஆசை...

இறக்கும் வரை
நம் கரங்கள்
இணைந்திருக்க ஆசை..

முதுமையிலும்
முன்னுதாரணமாய்
வாழ்ந்துவிட ஆசை...

மரணமில்லா
என் மன்னவன்
உன்மார் சாய்ந்து
உயிர்துறக்க ஆசை...!!!

பூவன் · பூவன் Sun Dec 02, 2012 10:08 am

ஆசையாய் ஆசைகள் சொன்ன விதம் அருமை ....

சூப்பருங்க

ச. சந்திரசேகரன் · 16/09/2012

உங்கள் சின்னச் சின்ன ஆசைகள் அனைத்தும் நிறைவேற வாழ்த்துக்கள்.

யினியவன் · யினியவன் Sun Dec 02, 2012 10:48 am

சிறகடித்து உயரே பறக்கும் ஆசை
மார் சாய்ந்து உயிர் துறக்கும் ஆசை
என முடிவது வரை அதிகம் இல்லைதான் ஆசை

ஆசைகள் அழகு

**கரூர் கவியன்பன்** · 23/09/2012

தங்களின் சிந்தனை அழகு

இது ஏன் நகைச்சுவைப் பகுதில் பதியப்பட்டிருக்கிறது.

**கா.ந.கல்யாணசுந்தரம்** · 28/02/2009

கவிதையின் ஆரம்பம் முதல் முடிவு வரை கவிதையின் வரிகள் சிறப்பாக அமைந்துள்ளன. பாராட்டுகள்.

பூவன் · பூவன் Sun Dec 02, 2012 1:59 pm

கவி அறிய தந்தமைக்கு நன்றி , கவிதைகள் பகுதிக்கு மாற்ற பட்டது

**Ahanya** · **Ahanya** Sun Dec 02, 2012 2:05 pm

வாழ்த்துக்கள்!

**கரூர் கவியன்பன்** · 23/09/2012

பூவன் wrote:கவி அறிய தந்தமைக்கு நன்றி , கவிதைகள் பகுதிக்கு மாற்ற பட்டது

நன்றி பூவன்

**ரா.ரா3275** · **ரா.ரா3275** Sun Dec 02, 2012 2:13 pm

பெண்களின் பார்வையில் எப்போதுமே தமிழ் அழகுதான்...ஆண்களின் மொழியில் இருக்கும் ஆணவமும் திமிரும் எப்போதும் இருந்ததில்லை இந்தப் பெண்களின் தமிழில்...
பெண்கள் தமிழ் என்பது பெண் மொழி (பெண் பயன்படுத்தும் மொழி) என்று பொருள் கொள்க...
(இதற்காய் யாரும் போர் தொடுத்து விடாதீர்)

காயத்ரி வைத்யநாதன் சின்னச் சின்ன ஆசைகள்...செல்லச் செல்ல ஆசைகள்...அழகு அழகு அழகு... சூப்பருங்க