கையெழுத்து சரி இல்லாமல் காசோலை திரும்பினால் ஜெயில் தண்டனை

by **Muthumohamed** Mon Dec 03, 2012 12:34 pm

புதுடெல்லி, டிச. 3-

காசோலையில் கையெழுத்து தவறாக போடப்பட்டது தொடர்பான ஒரு வழக்கு சுப்ரீம் கோர்ட்டில் எடுத்துக் கொள்ளப்பட்டது. அந்த வழக்கில் நீதிபதிகள் தாக்கூர் மற்றும் கியான்சுதா கூறியதாவது:-

காசோலைகளில் பலர் தங்கள் கையெழுத்தை சரியாக போடுவதில்லை. இதுவும் ஒரு வகையில் குற்றம்தான். சேமிப்பு கணக்கில் பணம் இல்லாதபோது காசோலை திரும்புவது எந்த அளவுக்கு குற்றமோ அதே அளவுக்கு கையெழுத்து சரி இல்லாததும் குற்றம்தான்.

காசோலையில் கையெழுத்து சரி இல்லாதபோது பணம் கொடுப்பதை நிறுத்தி வைக்கலாம். காசோலையில் கையெழுத்து சரியாக இல்லாவிட்டால் அது சட்டப்பிரிவு 138-ன் கீழ் தண்டனைக்குரியது.

இந்த பிரிவின்படி தவறாக கையெழுத்து போட்டவருக்கு 2 ஆண்டுகள் வரை ஜெயில் தண்டனை அளிக்க சட்டத்தில் இடம் உள்ளது. மேலும் அந்த காசோலையில் உள்ள தொகையைபோல 2 மடங்கு அபராதமும் விதிக்கலாம்.

இவ்வாறு சுப்ரீம் கோர்ட்டு நீதிபதிகள் தெரிவித்தனர்.

தினகரன்