சிறந்த சிந்தனைகள்.........

by பூவன் Mon Dec 03, 2012 10:41 am

First topic message reminder :

வலைப்பதிவில் படித்து மனங்கவர்ந்த சிந்தனைகளை இங்கே பதிவிடுகின்றேன் ......

அன்பு
உபசரிப்பு இல்லாத உணவு மருந்துக்குச் சமம்.
தாயின் காலடியில் சொர்க்கம் உள்ளது.
அன்பான வார்த்தைகளை விட உயர்ந்தது ஏதுமில்லை.

by பூவன் Tue Dec 04, 2012 11:37 am

நீங்களும் ஞானிகளாகலாம்
தயவே (கருணையே) வடிவாக வாழுங்கள் !
எல்லா உயிர்களிடத்தும் இறைமையைக் காணுங்கள் !
நாம் ஆண்டவனின் கருவிகள் என்பதை மறவாதீர்கள் !
உங்களால் உலகம் நன்மை அடையட்டும் !

by பூவன் Tue Dec 04, 2012 11:38 am

பக்தியின் நோக்கம்
நல்ல குணங்களைப் பெருவது தான் பக்தியின் குறிக்கோள். நம்மிடம் உள்ள தீய குணங்கள் விலக விலக உண்மைப் பொருளான இறைவனை நெருங்கிப் போய்க் கொண்டிருக்கிறோம்.

by பூவன் Tue Dec 04, 2012 11:39 am

ஞானிகளும் நாமும்
இந்த உலகைப் பயன்படுத்தி நாம் மேலும் வினைகளைப் பெருக்கிக் கொள்கிறோம். ஆனால், ஞானிகள், இவ்வுலகைப் பயன்படுத்தி வினைகளைப் போக்கிக் கொள்கிறார்கள்.

by யினியவன் Tue Dec 04, 2012 11:40 am

நல்ல சிந்தனை

by பூவன் Tue Dec 04, 2012 11:40 am

பொறாமை
மரப்பொந்திலிருக்கும் சிறிய நெருப்புப் பொறியே யாயினும் அம்மரத்தை முழுவதுமாக வேருடன் அழித்துவிடும். அதைப் போலவே, பொறாமையும் மனிதனை அழித்து விடும்.

by யினியவன் Tue Dec 04, 2012 11:44 am

பொறாமை பெறாமை நன்று

by பூவன் Tue Dec 04, 2012 11:54 am

நாம் உயர்வடைய வழி

நம்முடைய சிந்தனையிலிருந்து முற்றிலுமாகத் தோல்வி மனப்பான்மையைத் தவிர்த்துவிட வேண்டும். நல்லதே நடக்கும் என்ற நம்பிக்கை உடையவராய் வாழ வேண்டும். நாம் உயர்வடைவது உறுதி.

by பூவன் Tue Dec 04, 2012 11:55 am

கற்பதன் நோக்கம்

கற்பதும் கேட்பதும் மனம் அடங்குவதற்கே. மனம் அடங்கினால் சினம் அடங்கும். சினம் அடங்கினால் சிவம் விளங்கும். எனவே, கற்பதன் நோக்கம் கடவுளை அடைவதே ஆகும்.

by பூவன் Tue Dec 04, 2012 11:56 am

நிந்திக்கின்றவர்களையும் வந்தியுங்கள்

காரணமில்லாமல் (போறாமையினால்) ஒருவர் நம்மை நிந்தித்தால், நாம் செய்த பாவத்தில் ஒரு பகுதி அவரைச் சென்று சேரும். அத்துடன் அவர் செய்த புண்ணியத்தில் ஒரு பகுதி நம்மை வந்தடையும். எனவே நம்மை நிந்திக்கின்றவர் களையும் நாம் வந்திக்க (வணங்க) வேண்டும்.

by பூவன் Tue Dec 04, 2012 11:56 am

பயனற்ற செயல்கள்
௧. கடலில் பெய்த மழை.
௨. பசியில்லத்வனுக்கு அளித்த உணவு.
௩. சூரிய வெளிச்சத்தில் வைத்த விளக்கு.
௪. நன்றி கெட்டவனுக்கு செய்த உதவி.
௫. பணக்காரனுக்கு அளித்த தானம்.