சிறந்த சிந்தனைகள்.........

by பூவன் Mon Dec 03, 2012 10:41 am

First topic message reminder :

வலைப்பதிவில் படித்து மனங்கவர்ந்த சிந்தனைகளை இங்கே பதிவிடுகின்றேன் ......

அன்பு
உபசரிப்பு இல்லாத உணவு மருந்துக்குச் சமம்.
தாயின் காலடியில் சொர்க்கம் உள்ளது.
அன்பான வார்த்தைகளை விட உயர்ந்தது ஏதுமில்லை.

by பூவன் Mon Dec 03, 2012 1:05 pm

வேற்றி அடைய ஐந்து வழிகள்
1. சான்றோர்களுடன் மட்டுமே நட்பு கொள்.
2. நேரத்தை நல்ல வகையில் பயன்படுத்து.
3. குறிக்கோளை (இலட்சியம்) அடைய கடினமாகப் பாடுபடு.
4. உன்னை எப்பொழுதும் குறைத்து மதிப்பிட்டுக் கொள்ளாதே.
5. எதிர்ப்புகளைக் கண்டு கலங்காதே.

by பூவன் Mon Dec 03, 2012 1:05 pm

வழிபாட்டுச் சிந்தனை
இறைவழிபட்டின் போது சிந்திக்க வேண்டிய மூன்று உண்மைகள்:
1. எல்லாத் திசைகளிலிருந்தும் தூய்மையான எண்ணங்கள் என் மனதை வந்தடையட்டும்.
2. எல்லா உயிர்களும் இன்பமாய் வாழட்டும்.
3. உலகின் பகைமை ஒழிந்து அன்பும் இன்பமும் விளங்கட்டும்.

by பூவன் Mon Dec 03, 2012 1:07 pm

முளையும் இறைவனது திருநாமமும்

விதையிலிருந்து வெளிவரும் ‘முளை’ மிக மெல்லியது. ஆனால், கடினமான பூமியைத் துளைக்கும் ஆற்றல் அதற்குண்டு. இதைப் போலத்தான் இறைவனுடைய திருநாமமும் (சிவாயநம) அளவிலா ஆற்றல் கொண்டது.

by பூவன் Mon Dec 03, 2012 1:10 pm

குருவின் அவசியம்

கட்டையுடன் கட்டையை உரசினால் நெருப்பு (ஒளி) வெளியே வருகின்றது. நம் உள்ளே இருக்கும் ஆன்ம ஒளியை, வேறு ஒரு மனித வடிவம் தாங்கி வந்துள்ள குருவால் தான் வெளிக் கொணர முடியும்.

by பூவன் Mon Dec 03, 2012 1:14 pm

வாழும் விதம்
தினமும் பிறருக்கு நம்மாலான ஒரு சிறிய உதவியைப் பலன் கருதாமல் செய்து வந்தால், வழ்க்கை அர்த்தமுள்ளதாக விளங்கும்.

by பூவன் Mon Dec 03, 2012 1:15 pm

கொடுப்பது
கொடுப்பது தெய்வகுணம். இரவு பகல் என்று பாராமல் கொடுங்கள். கொடுப்பதால் உயிர் வீடு பேறடைகின்றது. நீஙகள் பிறருக்குக் கொடுக்கும் பொழுது, இறைவன் உங்களுக்குத் தவறாமல் கொடுக்கிறார்.

by **ஜாஹீதாபானு** Mon Dec 03, 2012 2:56 pm

by பூவன் Mon Dec 03, 2012 10:28 pm

ஜாஹீதாபானு wrote:

நன்றி

by பூவன் Tue Dec 04, 2012 11:36 am

ஆணவமும் நாமும்
ஆணவம், இருள்மயமானது. இருளை போக்க ஞானப் பேரொளியாகிய இறையருள் வேண்டும். ஒளிவந்தால் இருள் தானே விலகுவது போல, இறையருள் ஆன்மாவில் பதிந்தால் ஆணவம் தானே கெடும்.

by பூவன் Tue Dec 04, 2012 11:36 am

துன்பங்கள் நீங்கும் வழி
குழந்தை தன் தாயையே முழுவதும் சார்ந்திருப்பது போல நாமும் நமது வழிபாடும் கடவுளைச் சார்த்திருக்க வேண்டும். கடவுள் நாட்டம் உண்டாகும் பொழுது துன்பங்கள் தாமே விலகும்.