சிறந்த சிந்தனைகள்.........

by பூவன் Mon Dec 03, 2012 10:41 am

First topic message reminder :

வலைப்பதிவில் படித்து மனங்கவர்ந்த சிந்தனைகளை இங்கே பதிவிடுகின்றேன் ......

அன்பு
உபசரிப்பு இல்லாத உணவு மருந்துக்குச் சமம்.
தாயின் காலடியில் சொர்க்கம் உள்ளது.
அன்பான வார்த்தைகளை விட உயர்ந்தது ஏதுமில்லை.

by **Ahanya** Mon Dec 03, 2012 10:55 am

நல்ல கருத்துக்கள் அண்ணா

வாழ்த்துக்கள் மகிழ்ச்சி

by பூவன் Mon Dec 03, 2012 10:59 am

புனிதமடைதல்

வாய் வாழ்த்துவதால் புனிதமைடைகிறது,
கை பிறர்க்கு உதவுவதால் புனிதமைடைகிறது!
பார்க்கும் பொருளில் எல்லாம் பரம்பொருளைக் காண்பது ‘சிவயோகம்’ ஆகும்

by பூவன் Mon Dec 03, 2012 11:01 am

புறங்கூறல்

உன்னிடம் பிறரைப் பற்றி குறைக் கூறுபவன்
-உன்னைப் பற்றியும் பிறரிடம் குறை கூறுவான்!
புறங்கூறுவதால் நமது புண்ணியம் குறைந்து விடும்!

by பூவன் Mon Dec 03, 2012 11:01 am

எண்ணம்

விதையைப் போலவே மரம் வளர்கிறது!
எண்ணங்களைப் போலவே வாழ்வு அமைகிறது!

by பூவன் Mon Dec 03, 2012 11:03 am

அர்த்தமற்ற சடங்கு

தினமும் ஏதாவது ஒரு புண்ணியச் செயலைச் செய்துவிடு!
வெற்றுச் சடங்குகளால் மட்டும் இறைவனை உணர்ந்துவிட முடியாது!
அர்த்தமற்ற பழக்க வழக்கங்கள் சமுதாயக் கேட்டையே அளிக்கும்!

by பூவன் Mon Dec 03, 2012 11:08 am

உயர்ந்த குணம்

பிறர் வாழப் பாடுபட்டால் நாம் நன்றாக வாழ்வோம்!
உயர்ந்த குணங்களால் நம்மை அழகுபடுத்திக் கொள்ள வேண்டும்!
தருமம் தான் மனித வாழ்வைப் புனிதமாக்கும்!

by பூவன் Mon Dec 03, 2012 11:11 am

விதி

உடன் வராதது பொருள்! உடன் வருவது இறையருள்!
நாம் செய்யும் செயல்களே நமக்கு விதியாய் அமைகின்றன!
நாம் வாழும் வாழ்க்கையே தெய்வ வழிபாடாக அமைய வேண்டும்!

by பூவன் Mon Dec 03, 2012 11:13 am

அழியாத உண்மைப் பொருள்

அழியாத உண்மைப் பொருள் ஆண்டவன் ஒருவனே!
ஆழ்ந்த வழிபாட்டினை ஆண்டவன் ஏற்கிறார்!
விடையனை (சிவனை) வழிபட்டால் வினைகள் விலகிவிடும்!

by பூவன் Mon Dec 03, 2012 11:19 am

கசக்கும் கடவுள் பக்தி

காய்ச்சல் வந்தவனுக்கு கற்கண்டு கசக்கும்.
உலகப் பற்றுள்ளவனுக்கு கடவுள் பக்தி கசக்கும்.
ஆசையில்லா வாழ்வில் அவலம்(துன்பம்) இருப்பதில்லை.
ஆசையுள்ள வாழ்வில் இன்பம் இருப்பதில்லை.