குறுங்கவிதைகள் ....அந்தாதி - பகுதி 1

by பூவன் Sun Dec 02, 2012 7:47 pm

First topic message reminder :

குறுங்கவிதைகளின் அந்தாதி - நண்பர்களே தங்களின் கவிதைகளை இங்கே தாருங்கள் - முந்தைய கவிதையின் கடைசி வார்த்தை அல்லது கடைசி வரியை வைத்து உங்கள் கவிதையை துவங்குங்கள்

- பூவன்

தடுக்கி விழுந்தாலும்
மிடுக்காக ஓடுகிறது
நடை வண்டி .....

உயரத்தில் இருந்து
உருண்டாலும் தெருவெல்லாம்
உருளுது நுங்கு வண்டி ....

நமக்கென வாழ்ந்திடுவோம் நானிலத்தில்
என்றெண்ணி பிறர்க்குதவி செய்திடலை
மறந்தும் மறவாதீர் மாநிலத்தே!
உதவும் கரங்களோடு உழைத்திடுவீர்!

by பூவன் Tue Dec 25, 2012 8:18 pm

உதவும் கரங்களோடு உழைத்திடுவீர்!
உதவும் கரங்களோடு உழைத்திடுவீர்!
உலகம் யாவும் உழைப்பு செழித்திடவே
உரக்க யாவரும் உழைப்பின்
உண்மையை உரைத்திடுவோம் ..
இன்மைகள் போக்கிடும் தன்மை அறிந்தே
இன்பமாய் எந்நாளும் வாழ்ந்திடுவோம் ....

இன்பமாய் எந்நாளும் வாழ்ந்திடுவோம்
ஈகரையில் பதிவிட நேரம் இதுவில்லைஎன
இல்லத்தரசி சொல்லிடினும் இடையிடையே
பதிவிட்டு நெஞ்சுக்கு நிம்மதி சேர்த்திடுவோம்!

(வீட்டில் அழைப்பு....மீண்டும் சிந்திப்போம்..பூவன் ...அருமை , சிறப்பு )

by பூவன் Tue Dec 25, 2012 8:50 pm

பதிவிட்டு நெஞ்சுக்கு நிம்மதி சேர்த்திடுவோம்!
பதிவிட்டு நெஞ்சுக்கு நிம்மதி சேர்த்திடுவோம்!
பதிவிடும் நேரம் கிட்டும் போதெல்லாம்
பதிந்திடுவோம் நட்பை பகிர்ந்திடுவோம்
அன்பாய் அழைப்பு வந்திடவே
பண்பாய் கூறி பாங்குடனே சென்றிடுவீர் ..

by ச. சந்திரசேகரன் Tue Dec 25, 2012 10:51 pm

பண்பாய் கூறி பாங்குடனே சென்றிடுவீர்
அன்பாய் கூறி அகிலமெல்லாம் சென்றிடுவீர்
வம்பாய் பேசும் வாய்தனை அடைத்திடுவீர்
அம்பாய் பறந்து அற்பர்களை அழித்திடுவீர்

by **பார்த்திபன்** Wed Dec 26, 2012 10:44 am

அற்பர்களை அழித்திடுவீர்
அன்பெனும் ஆயுதமிருந்தால்!
நற்பேறுகள் பெற்றிடுவீர்
நல்லதையே நினைத்திருந்தால்!
சொர்போர்களைத் தவிர்த்திடுவீர்
சொல்லும் சொல்லில் பணிவிருந்தால்!
கற்றோரையும் கவர்ந்திடுவீர்
கர்வமதை களைந்துவிட்டால்!

by பூவன் Wed Dec 26, 2012 11:14 am

கர்வமதை களைந்துவிட்டால்!
கர்வமதை களைந்துவிட்டால்!
சர்வமும் நம் கையில்
தலைகணங்கள் வேண்டாமே
தலைவணங்கியே வந்திடுவோம்
கலைகள் யாவும் கற்றே
கலைஞன் எனவே வாழ்ந்திடுவோம் .....

by **நாகசுந்தரம்** Wed Dec 26, 2012 1:26 pm

கர்வமதை களைந்து விட்டால்
பாரிதிலே பண்புவரும்
பண்பதுவும் வந்துவிட்டால்
துன்பமெலாம் அகன்று விடும்
துன்பமெலாம் அகன்றுவிட்டால்
இனியமனம் பெற்றிடலாம்
இனியமனம் பெற்றிடலே
மண்ணதிலே சிறப்பாகும்
மண்ணதுவும் சிறப்பானால்
விண்ணுலகம் வாய்திறக்கும்

by ச. சந்திரசேகரன் Wed Dec 26, 2012 1:37 pm

விண்ணுலகம் வாய்திறக்கும்
விண்மீன்கள் கண்மறையும்
மின்னலது கைநீட்டும்
இடியது வாய்பிளக்கும்
மண்ணுலகம் மலர்ந்திடவே
மாரியது பெய்திடுமே

by பூவன் Wed Dec 26, 2012 1:41 pm

மாரியது பெய்திடுமே
மாரியது பெய்திடுமே
மக்கள் எல்லாம் மகிழ்ந்திடவே
மண்ணெல்லாம் மகிழ்ந்தே
பொன்னாக விளைந்திடனும்
எண்ணாத செல்வங்கள் சேரவே
எந்நாளும் பொய்க்காமல் பெய்திடுவாய் ....