குறுங்கவிதைகள் ....அந்தாதி - பகுதி 1

by பூவன் Sun Dec 02, 2012 7:47 pm

First topic message reminder :

குறுங்கவிதைகளின் அந்தாதி - நண்பர்களே தங்களின் கவிதைகளை இங்கே தாருங்கள் - முந்தைய கவிதையின் கடைசி வார்த்தை அல்லது கடைசி வரியை வைத்து உங்கள் கவிதையை துவங்குங்கள்

- பூவன்

தடுக்கி விழுந்தாலும்
மிடுக்காக ஓடுகிறது
நடை வண்டி .....

உயரத்தில் இருந்து
உருண்டாலும் தெருவெல்லாம்
உருளுது நுங்கு வண்டி ....

சுவைத்து படித்திடவே தமிழ் மொழி
நாவசைத்தும் பாடிடலாம் நற்றமிழை
தேமதுரத் தமிழ் என்று முன்னோர்கள்
தெவிட்டாமல் பகன்றிட்டார் பாரினிலே!

by பூவன் Mon Dec 24, 2012 2:54 pm

தெவிட்டாமல் பகன்றிட்டார் பாரினிலே!
தெவிட்டாமல் பகன்றிட்டார் பாரினிலே!
தெவிட்டிடும் தேன்சுவை காட்டிலும்
தெவிட்டும் தேன்தமிழ்
என் தமிழ் என்பதில்
எனக்கோர் பெருமிதம் ....

எனக்கோர் பெருமிதம் ஈகரையில்
குறுங்கவிதை பதிவுகளில் பூவன்
சலிக்காது பதிவிட்டு படிப்போரின்
உளம்கவர்ந்து சன்மானம் பெற்றிடுவார்!

by பூவன் Mon Dec 24, 2012 3:03 pm

உளம்கவர்ந்து சன்மானம் பெற்றிடுவார்!

உளம்கவர்ந்து சன்மானம் பெற்றிடுவார்!
தினம் மலரும் மலர் போலவே
தினம் தினம் இங்கு மலர்வதில்
மனம் கொள்ளும் மகிழ்ச்சி
மணம் கொண்ட மலராய்
எந்நாளும் வாசம் வீசிடவே
உங்கள் மனம் தரும் ஊக்குவிப்பே
எந்தன் கவிதை உணர்ச்சி ...

கவிதை உணர்ச்சியில் காதல் வயப்படுவோர்
காலம் காலமாய் கவியமுதுண்டு வாழ்வார்
தொல்லுலகில் மானுடம் தழைக்கும் கவிபடைக்க
அல்லும் பகலும் உழைத்திடுவீர் இனிதே!

by யினியவன் Mon Dec 24, 2012 3:22 pm

உழைத்திடுவீர் இனிதே
திளைத்திடுவீர் மகிழ்ந்தே
உழைப்பினிர் சிறந்த மகிழ்விங்கில்லை
என உணர்ந்தே உழைத்திடுவீர் இனிதே

by பூவன் Mon Dec 24, 2012 3:43 pm

என உணர்ந்தே உழைத்திடுவீர் இனிதே
என உணர்ந்தே உழைத்திடுவீர் இனிதே
உணர்ந்தே உழைத்திடுவோம்
உள்ளம் மகிழவே
உறவுகள் மகிழவே
பகைகள் அகலவே
நகைகள் கொண்டே
நட்பாய் நாளும்
தப்பாமல் ஈகரையில் இணைந்தே
இன்முகம் காண்போம் ...

by பூவன் Mon Dec 24, 2012 4:07 pm

இன்முகம் காண்போம் ...
இன்முகம் காண்போம் ...
இனிமையாய் அனைவரும் வாரீர் .
தனிமை என்பதை மறந்தே
கனி போல பேசியே
பிணி எல்லாம் போக்கிடவே
அணிசெய்து வாரீர் .....

by **நாகசுந்தரம்** Mon Dec 24, 2012 4:27 pm

பிணி எல்லாம் போக்கிடவே அணி செய்து வாரீர்
மணிமணியாய் பாக்களை பாரிலே யாத்திடுவே வாரீர்
கண்மணியாம் தமிழ்மொழியால் உரையாற்ற வாரீர்
எண்ணெழுத்து என்தமிழில் எழுதிடவே வாரீர்
பண்ணமைத்து பாடிடலாம் பரசவமே பாரீர்

by **நாகசுந்தரம்** Mon Dec 24, 2012 4:36 pm

பரவசமே பாரீர் பாக்கள் இயற்றுவது
நவரசத்தை நற்றமிழில் நன்றாய் ஆக்குவது
சுவைகூடும் தேனைப்போல் தீந்தமிழைப் பேசுவது
அவைஅனைத்தும் அடங்கிவிடும் ஆங்குதமிழ் உரைத்திட்டால்
கவையினிலே இடைப்படினும் காதல்கொள்வார் தமிழினிலே
எவைதான் இல்லை இந்த இனிய தமிழ் மொழியினிலே