குறுங்கவிதைகள் ....அந்தாதி - பகுதி 1

by பூவன் Sun Dec 02, 2012 7:47 pm

First topic message reminder :

குறுங்கவிதைகளின் அந்தாதி - நண்பர்களே தங்களின் கவிதைகளை இங்கே தாருங்கள் - முந்தைய கவிதையின் கடைசி வார்த்தை அல்லது கடைசி வரியை வைத்து உங்கள் கவிதையை துவங்குங்கள்

- பூவன்

தடுக்கி விழுந்தாலும்
மிடுக்காக ஓடுகிறது
நடை வண்டி .....

உயரத்தில் இருந்து
உருண்டாலும் தெருவெல்லாம்
உருளுது நுங்கு வண்டி ....

by யினியவன் Mon Dec 17, 2012 6:38 pm

கழிந்தபின் வருதே கிழவன் கிழவிகாலம்
மீண்டும் பிறக்குமே வசந்தகாலம்
வசந்தகாலம் காத்திட வேணுமே
வசதிகோலம் பிள்ளையை
நம்பிட்டால் ஆகுமே
அலங்கோலம்

by பூவன் Mon Dec 17, 2012 6:58 pm

அலங்கோலம்

அலங்கோலம் ஆனது ஏன்
நீ போடும் கோலங்களோ
அழகு அழகாக தான்
நீ என்னுள் போட்ட
காதல் கோலம் மட்டும்
அழகிழந்து அலங்கோலம்
ஆனது ஏன் ???

by **Ahanya** Mon Dec 17, 2012 6:59 pm

அருமையாக உள்ளது அண்ணாமார்களே. சூப்பருங்க

என்ன பூவன் அண்ணா ஆளையே காணோம்?

by யினியவன் Mon Dec 17, 2012 7:17 pm

ஆனது ஏன் என்ற கேள்வியே
பதிலறியாமல் போனது ஏன்
எனக்குமட்டும் ஏன் என
கேள்விகள் மட்டுமே
என்றாகிப் போனேனே
உணதாகிப் போகாமல்

by **Ahanya** Mon Dec 17, 2012 7:33 pm

போகாமல் போயின என் பொழுதுகள்
புலம்பெயர்ந்து நின்றன என் விடியல்கள்
உனக்காக உருகிய அந்த இனிய நாட்கள்
மரித்தாலும் மறக்காதடி
மனதின் பதிவுகளாய்.

by பூவன் Mon Dec 17, 2012 7:36 pm

உணதாகிப் போகாமல்

உனதாகி போகாமல்
தினம் தினம் பூக்கும்
பூக்கள் கூட
உன் நேசம் நாடியே
உன் கூந்தல் ஏறி வாசம்
வீசியது வசந்தமாக ....
நான் மட்டும் ஏனோ
உன் நேசம் நாடியே
வாசம் இழந்து தவிக்கிறேன் ....

by ச. சந்திரசேகரன் Mon Dec 17, 2012 10:53 pm

இழந்து தவிக்கிறேன்
இதயந்தன்னை
இனியவளே இலகுவாயா?
உழுது பார்க்கிறேன்
உருவந்தன்னை
உற்றவளே உருகுவாயா?
எழுதிப் பார்க்கிறேன்
எழிலாள்கவிதை
என்னவளே ஏற்பாயா?

by யினியவன் Tue Dec 18, 2012 10:16 am

ஏற்பாயான்னு கேட்டு நீ தோற்பாயா?
தோற்றால் கண்டு துவழ்வாயா?
போற்றிடும் செயல்கள் செய்வாயே
செயல்கள் கண்டு அவள் ஏற்பாளே
ஏற்பது கண்டு மகிழ்வாயே

by **நாகசுந்தரம்** Tue Dec 18, 2012 11:43 am

(தமிழ் தாய் பற்றி)
மகிழ் வாயே மகிழ் மனமே
மனமே திகழ்ந்திடும் அவள் திறம் கண்டு
கண்டு கற்கண்டாய் சுகம்தரும் சொல் உண்டு
உண்டு உறங்காமல் உற்றதரம் தருவாயே
தருவாயே தரணிமுழுதும் சுழல்வாயே
வாயே நீ இனி தமிழ் ஒன்றே பேசுவாயே
பேசுவாயே பொருளுடன் அருளும் தமிழ்த்தாயே