குறுங்கவிதைகள் ....அந்தாதி - பகுதி 1

by பூவன் Sun Dec 02, 2012 7:47 pm

First topic message reminder :

குறுங்கவிதைகளின் அந்தாதி - நண்பர்களே தங்களின் கவிதைகளை இங்கே தாருங்கள் - முந்தைய கவிதையின் கடைசி வார்த்தை அல்லது கடைசி வரியை வைத்து உங்கள் கவிதையை துவங்குங்கள்

- பூவன்

தடுக்கி விழுந்தாலும்
மிடுக்காக ஓடுகிறது
நடை வண்டி .....

உயரத்தில் இருந்து
உருண்டாலும் தெருவெல்லாம்
உருளுது நுங்கு வண்டி ....

by ச. சந்திரசேகரன் Fri Dec 07, 2012 11:42 pm

நாணயத்திற்காக
நாணயம் மறந்து
நா நயம் துறக்கும்
நாயகர்கள்.

by பூவன் Fri Dec 07, 2012 11:50 pm

நீ நீயாக
நீ நானாக
நீ நான் நாம் ஆக
நீ மட்டும் தீயாய்
நீயாகவே நீங்கி
நீ நின்றாயே ஏன் ???

by ச. சந்திரசேகரன் Fri Dec 07, 2012 11:54 pm

ஏன்? என்ற கேள்வி
எழுந்ததால்
மாற்றங்கள்.
ஏன்? என்ற கேள்வி
எழாதவர்க்கு
ஏமாற்றங்கள்.

by பூவன் Sat Dec 08, 2012 12:00 am

ஏமாற்றங்கள் ......
மாற்றங்கள் வந்து
தோற்றங்கள் மாறி
ஏற்றங்கள் என
போற்றும் காலம் வரை
இந்த ஏமாற்றங்கள் தொடரும் .....

by ச. சந்திரசேகரன் Sat Dec 08, 2012 12:06 am

தொடரும் தோல்விகள்
வெற்றியின் படிகள்
படரும் வலிகள்
வெற்றியின் படிக்கல்.

by பூவன் Sat Dec 08, 2012 11:56 am

படைத்தவருக்கும் புரியவில்லை
படித்தவருக்கும் புரியவில்லை
வாழ்ந்தவருக்கும் புரியவில்லை
வாழ்பவருக்கும் புரிவதில்லை
வயதும் வாலிபமும் .......

by **கரூர் கவியன்பன்** Sat Dec 08, 2012 1:17 pm

என் வயதும் வாழ்வும்
நான் வாழம் காலம் தொட்டே
கண்களின் வழியே கசியும் கண்ணீராக
உருண்டோடிக் கொண்டிருக்கிறது
கண்ணே உனைக் காணும் நாள் வரை

by பூவன் Sat Dec 08, 2012 1:30 pm

என் கண்கள் உன்னை
காண விரும்புவதை விட
கண்ணீரையே அதிகம் விரும்புகிறது
இது தான் காதலோ ???

by Arunjk Sat Dec 08, 2012 1:43 pm

கண்ணீரின் இடையிலும் காதல் இனிக்கிறது
பன்னீரின் வாசனையாய் நெஞ்சம் மணக்கிறது
உன்னை நினைத்தால் கவிதை சுரக்கிறது
காதலி உன்னை பிரிந்தால் உயிரும் கனக்கிறது !