நல்லதோர் காதல் செய்தேன்....!!! (Mano Red)

Mano Red · Mano Red Wed Sep 25, 2013 5:01 pm

உறைகின்ற நின் முழுமதியில் மயங்கி, சரிந்து
மறைகின்ற என் திருவுருவம் அதிர்வடைய, வந்து
நிறைகின்ற வெண் பால் நிலவே, நெஞ்சத்து
அறைகின்ற கண்மலர் பூவே, என் சிறு கொடியே..!!

கொடியே சூழும் இளந்தளிரே பெண்ணே, பாடும்
படியே என்னை சுருக்கிவிரிக்கும் சுடரே, அன்புப்
பிடியே அர்த்தம் ஆயிரம் கொண்ட காதலே, உன்னை
அடியேன் தொழ காத்திருக்கிறேன், என் ஆழ்ந்த ஆசையே..!!

ஆசைப் பட்ட அடி நெஞ்சம் ஆருயிர் தேட, உன்
பாசச் சிறையில் என்னுயிர் வேர் அகல, கூந்தல்
வாசம் பட்டு உடல் சிலிர்த்து தெறிக்க, மெல்ல
நேசக் கரம் நீட்டி காதல் தந்தாய், என் பூத்தவளே..!!

பூத்தவளே புதிதாய் வெக்கம் கொண்டவளே, என்னை
காத்தவளே காதல் கருவாக்கியவளே, அத்தனைக்கும்
மூத்தவளே முழுமுதல் காதலியே, ஒப்பனையில்லா
மாத்தவளே நின் காதல் பற்றி கொண்டேன்,என் பேரழகே..!!

அழகே அச்சம் மடம் நாணம் மறைய, களிப்பில் காதல்
பழகி காணாத் தேசம் சுற்றக் கண்டோம், மிரட்சியின்றி
உழவு கண்ட பயிர் நிலமாய் இன்புறவே, எங்கேனும்
இழவு கொடியதாய் துன்பம் காணலையே, என் விழிக்கே..!!

விழிக்கே விழியால் வினையொன்று வந்து, காதல் வெறுத்த
வழிக்கே காதல் மீள் பதிக்குமாயின், அன்பே இப்படியொரு
பழிக்கே பாவம் சுமந்து காதல் கல்லறை ஏற, தேள் நரகக்
குழிக்கே பிறந்தோமென எண்ணாதே, என் முத்துமாலையே.!!

மாலை வேலை மாலை சூட நான் வருவேன், காக்கை கரையும்
காலையில் புரவி கொண்டு உன்னை மீட்டு, அச்சம் துறந்து
வேலைக் கையில் ஏந்தி கானகம் சேர்ந்து, மிச்ச உயிருடன்
பாலையும் தேனையும் உனக்களிப்பேன், என் சிறந்தவளே..!!

சிறக்கும் காதல் ஏற்று பூமி சுழல, அந்த நிலவெல்லாம்
பறக்கும் நம் இதயம் கண்டு பசிகொள்ள, என்னுடம்போடு
உறக்கம் கொண்டு கண் அமர்ந்தால் போதும், சுய அறிவு
மறக்கும் நிலை ஏற்பினும் எந்நிலை மாறாது என் காதலே..!!

17/02/2013

தங்களின் சிலேட்டுக் கவிதை அருமை
இதுபோல வித்தியாசமாய்த் தொடருங்கள்
வாழ்த்துக்கள் ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! ! !

Mano Red · Mano Red Wed Sep 25, 2013 5:12 pm

மிக்க நன்றி சார்....

**கரூர் கவியன்பன்** · 23/09/2012

கவிதை அருமை நண்பரே வாழ்த்துகள்

Mano Red · Mano Red Wed Sep 25, 2013 5:15 pm

நன்றி நண்பா....

பூவன் · பூவன் Wed Sep 25, 2013 5:32 pm

சிறக்கும் காதல் ஏற்று பூமி சுழல, அந்த நிலவெல்லாம்
பறக்கும் நம் இதயம் கண்டு பசிகொள்ள, என்னுடம்போடு
உறக்கம் கொண்டு கண் அமர்ந்தால் போதும், சுய அறிவு
மறக்கும் நிலை ஏற்பினும் எந்நிலை மாறாது என் காதலே..!!

கவிதை அருமை நண்பரே ....

நிலை மாறாத காதல் , நிலையாக நிலைகட்டும் நித்தம் நீங்காமல் ...

Mano Red · Mano Red Wed Sep 25, 2013 5:34 pm

நன்றி ....பூவன்,...

Sponsored content · Sponsored content

நல்லதோர் காதல் செய்தேன்....!!! (Mano Red)

நல்லதோர் காதல் செய்தேன்....!!! (Mano Red)

Re: நல்லதோர் காதல் செய்தேன்....!!! (Mano Red)

Re: நல்லதோர் காதல் செய்தேன்....!!! (Mano Red)

Re: நல்லதோர் காதல் செய்தேன்....!!! (Mano Red)

www.karurkaviyanban.blogspot.in

Re: நல்லதோர் காதல் செய்தேன்....!!! (Mano Red)

Re: நல்லதோர் காதல் செய்தேன்....!!! (Mano Red)

Re: நல்லதோர் காதல் செய்தேன்....!!! (Mano Red)

Re: நல்லதோர் காதல் செய்தேன்....!!! (Mano Red)

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக