துண்டிக்கப்படும் மொபைல் இணைப்புகள்

**Powenraj** · **Powenraj** Sun Dec 02, 2012 7:38 pm

மொபைல் ஃபோன் இணைப்பு குறிப்பிட்ட காலத்துக்கு மேல் பயன்படுத்தப்படாமல் இருந்தால் அந்த இணைப்பை துண்டித்து விடுவதை தொலைத் தொடர்பு நிறுவனங்கள் வழக்கமாக கொண்டுள்ளன. இந்நிலையில் இது குறித்த ஒரு விவாதத்தை தொலைத் தொடர்பு ஒழுங்கு முறை ஆணையமான டிராய் தொடக்கி வைத்துள்ளது.
மொபைல் நிறுவனங்கள் இணைப்பைஒருதலைப்பட்சமாக துண்டிப்பதாகவும் முன்னறிவிப்பு எதுவும் செய்வதில்லை என்றும் டிராய்தனது விவாத அறிக்கையில் கூறியுள்ளது. இதனால் ஏராளமான வாடிக்கையாளர்கள் பாதிக்கப்படுவதாகவும் குறிப்பாக தொழில் நிமித்தம்வெளிநாடு சென்று திரும்புபவர்களுக்கு பாதிப்பு அதிகம் என்றும் டிராய் கூறியுள்ளது.

மொபைல் ஃபோன் இணைப்பை குறித்த காலத்துக்கு மேல் பயன்படுத்தாமல் வைத்திருக்க வேண்டிய நிலையில் இருப்பவர்கள் சற்றே கூடுதல் கட்டணம் செலுத்தி இணைப்பை தக்க வைத்துக் கொள்ளும் வசதி வழங்கப்பட வேண்டும் என்றும்டிராய் கூறியுள்ளது.

எனினும் விதிமுறைகளுக்குட்பட்டே தாங்கள் செயல்படுவதாகவும் தொலைபேசி எண்களை திறம்பட நிர்வகிக்க வேண்டியிருப்பதும் இணைப்பு துண்டிப்புக்கு ஒரு காரணம் என்றும் தொலைத் தொடர்பு நிறுவனங்கள் தரப்பில் கூறப்படுகிறது.
தொலைத் தொடர்பு நிறுவனங்களின் இச்செயல் குறித்த தங்கள் கருத்துக்களை மக்கள் www.trai.gov.inஎன்ற இணையத்தளத்தில் தெரிவிக்கலாம். அல்லது raj.pal.@nic.in என்ற மின்னஞ்சல் முகவரிக்கும் அனுப்பலாம். வரும் 21ம் தேதிக்குள் கருத்துக்கள் அனுப்பப்பட வேண்டும் என்றும் டிராய் கூறியுள்ளது.
கடந்த சில ஆண்டுகளில் சுமார் 20 கோடி இணைப்புகள் துண்டிக்கப்பட்டுள்ளதாகவும் இந்த இணைப்புகளின் கணக்கில் இருந்த பயன்படுத்தப்படாத பணம் ரூ.129 கோடி என்றும் தெரிய வந்துள்ளது.நன்றி புதிய தலைமுறை...

**ரா.ரா3275** · **ரா.ரா3275** Sun Dec 02, 2012 8:08 pm

அடப்பாவிகளா...என்னமா கொள்ளை அடிச்சிருக்காணுங்க?... என்ன கொடுமை சார் இது

மிக மிக நல்ல பதிவு-பகிர்வு பவுன்...

**கரூர் கவியன்பன்** · 23/09/2012

நானும் எனக்கு மிக விருப்பமான எண்ணை இதுபோல் தவறவிட்டுவிட்டேன்.அதை மீண்டும் வாங்க பலமுறை முயன்றும் பலன் ஏதும் இல்லை.கேட்டால் அதுதான் நடைமுறை என்று கூறுகிறார்கள். அந்த எண்ணை தவறவிட்டதை எண்ணி பல நாள் வருந்தி இருக்கிறேன்

**ரா.ரா3275** · **ரா.ரா3275** Sun Dec 02, 2012 8:34 pm

கரூர் கவியன்பன் wrote:நானும் எனக்கு மிக விருப்பமான எண்ணை இதுபோல் தவறவிட்டுவிட்டேன்.அதை மீண்டும் வாங்க பலமுறை முயன்றும் பலன் ஏதும் இல்லை.கேட்டால் அதுதான் நடைமுறை என்று கூறுகிறார்கள். அந்த எண்ணை தவறவிட்டதை எண்ணி பல நாள் வருந்தி இருக்கிறேன்

அந்தப் பொண்ணுக்கு அந்த நம்பர் மட்டும்தான் தெரியுமா?...பரவால்ல விடுங்க... சிரி

பூவன் · பூவன் Sun Dec 02, 2012 8:37 pm

அந்தப் பொண்ணுக்கு அந்த நம்பர் மட்டும்தான் தெரியுமா?...பரவால்ல விடுங்க...

ஆமாம் ஆனால் என்ன அது தொலைபேசி வாடிக்கையாளர் சேவை எண்ணாம் .....

**கரூர் கவியன்பன்** · 23/09/2012

பூவன் wrote:
அந்தப் பொண்ணுக்கு அந்த நம்பர் மட்டும்தான் தெரியுமா?...பரவால்ல விடுங்க...

ஆமாம் ஆனால் என்ன அது தொலைபேசி வாடிக்கையாளர் சேவை எண்ணாம் .....

நான் அடிக்கடி போன் செய்வது அந்தப் வாடிக்கையாளர் பெண்ணுக்குத்தான்.என்ன கடைசி வரை அந்த பொண்ணு புருஞ்சுக்கவே இல்ல . கடைசில தான் சொன்னாங்க அது கணினி குரலாம்

Sponsored content · Sponsored content

துண்டிக்கப்படும் மொபைல் இணைப்புகள்

துண்டிக்கப்படும் மொபைல் இணைப்புகள்

Re: துண்டிக்கப்படும் மொபைல் இணைப்புகள்

Re: துண்டிக்கப்படும் மொபைல் இணைப்புகள்

www.karurkaviyanban.blogspot.in

Re: துண்டிக்கப்படும் மொபைல் இணைப்புகள்

Re: துண்டிக்கப்படும் மொபைல் இணைப்புகள்

Re: துண்டிக்கப்படும் மொபைல் இணைப்புகள்

www.karurkaviyanban.blogspot.in

Re: துண்டிக்கப்படும் மொபைல் இணைப்புகள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக