பஸ்சில் ஓசி பயணம் செய்த 1200 பயணிகளுக்கு அபராதம்

by அச்சலா Sun Dec 02, 2012 11:17 am

போலீஸ் மற்றும் அதிகாரிகளும் தப்பவில்லை

பஸ்சில் ஓசி பயணம் செய்த 1200 பயணிகளுக்கு அபராதம் Tamil-Daily-News-Paper_53632318974

புதுடெல்லி: டெல்லி போக்குவரத்து கழக பஸ்களில் ஓசி பயணம் செய்த உயர் அதிகாரிகள் மற்றும் போலீசார் உட்பட 1,200 பேருக்கு அபராதம் விதிக்கப்பட்டது. டெல்லி போக்குவரத்து கழக பஸ்களில் ஆயிரக்கணக்கான பயணிகள் தினமும் சென்று வருகின்றனர். அலுவலகம் செல்லும் அதிகாரிகளும் போலீ சாரும் டிடீசி பஸ்களில் செல்வது வழக்கம். இப்படி பயணம் செய்யும் உயர் அதிகாரிகளும் போலீசாரும் டிக்கெட் எடுக்காமல் ஓசி பயணம் மேற்கொள்வதாக போக்குவரத்து கழக உயர் அதிகாரிகளுக்கு புகார்கள் வந்ததையடுத்து டிடீசி பஸ்களில் அதிரடி ஆய்வு செய்ய நிர்வாகம் முடிவு செய்தது. அதன்படி ஓசி பயணம் செய்பவர்களை பிடிக்க சிறப்பு டிக்கெட் பரிசோதகர்கள் நியமிக்கப்பட்டனர். அவர்கள் கடந்த 5 நாட்களாக நகரின் பல வழித்தடங்களில் ஓடும் டிடீசி பஸ்களில் அதிரடி சோதனை நடத்தினார்கள். அப்போது மத்திய மற்றும் மாநில அரசில் பணி புரியும் உயர் அதிகாரிகள், போலீசார் ஆகியோர் டிக்கெட் எடுக்காமல் ஓசியில் பயணம் செய்வது கண்டுபிடிக்கப்பட்டது. ஓசி பயணம் செய்த 1,200 பேர் பிடிபட்டனர். அவர்களில் 165 பேர் உயர் அதிகாரிகள் மற்றும் போலீசார் என்று தெரிய வந்துள்ளது.ஓசி பயணம் செய்தவர்களிடம் இருந்து கடந்த 5 நாட்களில் மட்டும் அபராதமாக ஸி3.08 லட்சம் வசூலிக்கப்பட்டு இருக்கிறது.அதேபோல நிறுத்தங்களில் பஸ்ஸை நிறுத்தாமலும் கவனக்குறைவா கவும் படு வேகமாகவும் பஸ் ஓட்டிய 165 டிரைவர்கள் மற்றும் பயணிகளிடம் கேட்டு டிக்கெட் கொடுக்காத 17 நடத்துனர்கள் மீதும் வழக்கு பதிவு செய்யப்பட்டுள்ளது.இவ்வாறு டெல்லி போக்குவரத்து கழக அதிகாரி ஒருவர் கூறினார்.

நன்றி:தினகரன்