கர்நாடக வனத்துறை அட்டூழியம் எல்லை கிராமங்களில் வசிக்கும் தமிழர்கள் விரட்டியடிப்பு

கர்நாடக வனத்துறை அட்டூழியம் எல்லை கிராமங்களில் வசிக்கும் தமிழர்கள் விரட்டியடிப்பு

மேட்டூர்: தமிழகத்திற்கு தர வேண்டிய காவிரி நீரை கர்நாடகத்திடம் தமிழக அரசு கேட்பதால் கடுப்படைந்துள்ள கர்நாடக வனத்துறை, எல்லைப்பகுதியில் வசிக்கும் தமிழ் மக்களை விரட்டியடிக்கும் முயற்சியில் ஈடுபட்டுள்ளது. தமிழக-கர்நாடக எல்லையில் காவிரி கரையை ஒட்டி கோபிநத்தம் அருகில் புதுக்காடு, தேங்காகோம்பு, பூங்கோம்பு, அப்புக்காம்பட்டி, ஜம்புருட்டு, மாறுகொட்டாய், ஆலம்பாடி உள்ளிட்ட கிராமங்கள் உள்ளன. இங்கு 600க்கும் மேற்பட்ட குடியிருப்புகள் உள்ளன. கர்நாடகத்திற்கு சொந்தமான இந்த பகுதியில் முற்றிலும் தமிழர்கள் வசித்து வருகின்றனர். 3 தலைமுறைக்கு மேலாக இப்பகுதியில் வசித்து வரும் இவர்களுக்கு சோலார் விளக்கு, அஞ்சல் அலுவலகம், பள்ளிகள், ரேஷன் கடைகள் அமைக்கப்பட்டுள்ளன. வாக்காளர் அடையாள அட்டையும், ரேஷன் கார்டும் வழங்கப்பட்டுள்ளன.

இந்நிலையில் நேற்று முன்தினம் அப்புக்காம்பட்டி கிராமத்திற்கு கர்நாடக வனத்துறையைச் சேர்ந்த உதவி வனப்பாதுகாவலர் நாகராஜ், ரேஞ்சர் சாமி, பாரஸ்டர் கேசவன் மற்றும் போலீசார் திடீரென வந்து விவசாய நிலத்தில் பள்ளம் தோண்டியுள்ளனர். கூலி வேலைக்கு சென்றிருந்த கிராம மக்கள் இதை அறிந்து அங்கு ஓடி வந்தனர். குழி தோண்டுவதற்கு பயன்படுத்திய இயந்திரத்தின் முன்படுத்து, எதற்காக தோண்டுகிறீர்கள் என்று கேட்டனர். உடனே கர்நாடக அதிகாரிகள், ‘நீங்கள் தமிழ் பேசுவதால் இங்கு இடம் கிடையாது. தமிழகத்திற்கு சென்று விடுங்கள்‘ என்று கூறியுள்ளனர். பிறகு கால்நடைகளை அடைக்கும் பட்டிகள், கொட்டகைகளை சேதப்படுத்தி தீ வைத்துள்ளனர். நள்ளிரவு வரை நின்றிருந்த போலீசார் அதன்பிறகு கிராம மக்களிடம், ‘ஒருநாள் அவகாசம் தருகிறோம். அதற்குள் இந்த இடத்தை காலி செய்து விட்டு ஓடி விடுங்கள்‘ என எச்சரித்து விட்டு சென்றனர். கர்நாடக வனத்துறை அதிகாரிகளின் கெடுபிடி யால், இந்த கிராமங்களில் பதட்டமும், மக்களிடையே அச்சமும் ஏற்பட்டுள்ளது.

நன்றி:தினகரன்..

நாலா புறமிருந்தும் தமிழர்களை தாக்க தொடங்கி இருக்கிறார்கள் விழித்திருங்கள் தமிழக அரசே ???????

Muthumohamed wrote:நாலா புறமிருந்தும் தமிழர்களை தாக்க தொடங்கி இருக்கிறார்கள் விழித்திருங்கள் தமிழக அரசே ???????

நன்றிகள்....