Latest topics

21 குண்டுகள் முழங்க குஜ்ரால் உடல் தகனம் தலைவர்கள் இறுதி அஞ்சலி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

21 குண்டுகள் முழங்க குஜ்ரால் உடல் தகனம் தலைவர்கள் இறுதி அஞ்சலி

Post by அச்சலா Sun Dec 02, 2012 11:06 am

புதுடெல்லி: முன்னாள் பிரதமர் குஜ்ரால் உடல் நேற்று மாலை 21 குண்டுகள் முழங்க முழு அரசு மரியாதையுடன் தகனம் செய்யப்பட்டது. அவரது உடலுக்கு ஜனாதிபதி பிரணாப் முகர்ஜி, பிரதமர் மன்மோகன் சிங் உள்ளிட்ட தலைவர்கள் இறுதி அஞ்சலி செலுத்தினர். குர்கானில் உள்ள தனியார் மருத்துவமனையில் சிகிச்சை பெற்று வந்த முன்னாள் பிரதமர் குஜ்ரால் நேற்றுமுன்தினம் காலமானார். குஜ்ராலின் உடல் பொது மக்கள் இறுதி அஞ்சலி செலுத்துவதற்காக டெல்லி ஜன்பாத்தில் உள்ள அவரது வீட்டில் நேற்று காலை வைக்கப்பட்டது. அவரது உடலுக்கு ஜனாதிபதி பிரணாப் முகர்ஜி, பிரதமர் மன்மோகன் சிங் ஆகியோர் மலர் வளையம் வைத்து இறுதி அஞ்சலி செலுத்தினர். மேலும், பஞ்சாப் முதல்வர் பிரகாஷ் சிங் பாதல், அரியானா முதல்வர் பூபிந்தர் சிங் ஹூடா, மத்திய அமைச்சர்கள் சுசில்குமார் ஷிண்டே, அந்தோணி, ஆனந்த் சர்மா, பரூக் அப்துல்லா, பா.ஜ மூத்த தலைவர்கள் அத்வானி, அருண் ஜெட்லி உள்ளிட்டோரும் அஞ்சலி செலுத்தினர். நேற்று மாலை குஜ்ராலின் இறுதி ஊர்வலம் நடந்தது. ராணுவ வண்டியில் குஜ்ராலின் உடல் தேசிய கொடி போர்த்தப்பட்டு எடுத்துச் செல்லப்பட்டது. யமுனை நதிக் கரையில் உள்ள ஸ்மிர்தி ஸ்தலில் இறுதி சடங்குகள் நடந்தது. பின்னர், 21 குண்டுகள் முழங்க முழு அரசு மரியாதையுடன் உடல் தகனம் செய்யப்பட்டது.

21 குண்டுகள் முழங்க குஜ்ரால் உடல் தகனம் தலைவர்கள் இறுதி அஞ்சலி Paard105xz

அச்சலா
என் தளம்:அதிசயகவி

அச்சலா: வி.ஐ.பி; பதிவுகள் : 4103
இணைந்தது : 30/10/2012