பெருங்களத்தூர்:பெருங்களத்தூர், பீர்க்கண்காரணை பேரூராட்சி பகுதிகளில், புதர்கள் மண்டி காணப்படும், காலி மனைகள், பாம்புகளின் புகலிடமாக மாறிவிட்டன. பாம்புகள், இரவில் அருகேயுள்ள குடியிருப்புகளில் புகுந்துவிடுவதால், குழந்தைகள், பெண்கள் வெளியே வர பயப்படுகின்றனர்.காலி மனைகள்தாம்பரத்தை அடுத்துள்ள, பெருங்களத்தூர், பீர்க்கன்காரணை பேரூராட்சி பகுதிகள், கடந்த சில ஆண்டுகளாக, அசுர வளர்ச்சியடைந்து வருகின்றன. கடந்த, 10 ஆண்டுகளுக்கு முன், இப்பகுதிகளில் மனை வாங்க தயங்கிய காலம் மாறி, தற்போது, எங்கு பார்த்தாலும், வீடுகளாக உள்ளன.
அடுக்குமாடி குடியிருப்புகளும் அதிக அளவில் கட்டப்பட்டுள்ளன. சென்னையில் நிலவும் போக்குவரத்து நெரிசல், மாசு ஆகியற்றின் காரணமாக, புறநகர் பகுதிகளுக்கு இடம்பெயர விரும்புவோரில் பெரும்பாலானோர், பெருங்களத்தூர், பீர்க்கன்காரணை பகுதிகளையே தேர்வு செய்கின்றனர்.
ஒரு பக்கம் குடியிருப்புகள் அதிகரித்தாலும், காலி மனைகளும் பரவலாக காணப்படுகின்றன. மனைகளை வாங்கும் உரிமையாளர்கள், முறையாக பராமரிக்காமல், அலட்சியமாக விட்டு விடுகின்றனர்.
கண்ணன் அவென்யூ, சடகோபன் நகர், கண்ணன் அவென்யூ ஐந்தாவது தெரு, சரவணபவ நகர், சக்தி நகர், டி.டி.கே., நகர், அமுதம் நகர் பகுதிகளில், காலி மனைகள் அதிகமாக உள்ளன. சமீபகாலமாக காலி மனைகளில் புதர்கள் மண்டி காணப்படுவதோடு, மழைநீர் தேங்கி, காலப்போக்கில் பாசி படிந்து துர்நாற்றம் வீசுகிறது. இதனால், கொசு தொல்லை அதிகரித்து விட்டதோடு, பாம்பு, விஷ வண்டுகளின் புகலிடமாகவும் மாறிவிட்டது.புதர்கள் அகற்றப்படுமா?புதர்களில் பதுங்கியிருக்கும் பாம்புகள், இரவில் அருகேயுள்ள வீடுகளில் புகுந்து விடுகின்றன. பாம்புகளை பார்த்து, பயந்துபோகும் குழந்தைகள், பெண்கள், வீட்டிலிருந்து வெளியே வரமுடியாமல், உள்ளேயே முடங்கி கிடக்கின்றனர்.மாலை, 5.00 மணிக்கே கதவுகளை மூடிக்கொள்ளும் நிலையும் உள்ளது. எனவே, காலி மனைகளில் உள்ள, புதர்களை அகற்ற வேண்டும் என, அப்பகுதி மக்கள் நீண்ட நாட்களாக, கோரிக்கை விடுத்து வருகின்றனர்.பீர்க்கன்காரணை, பெருங்களத்தூரில் பாம்புகளின் தொல்லையை கட்டுப்படுத்த, சம்பந்தப்பட்ட அதிகாரிகள் உடனடியாக நடவடிக்கை எடுக்க வேண்டும்.

-தினமலர்

பாம்பு புத்து கட்றதுக்கு முன்னாடி நம்ம வீடு கட்டிடலாம் வாங்க

jenisiva wrote:பாம்பு புத்து கட்றதுக்கு முன்னாடி நம்ம வீடு கட்டிடலாம் வாங்க

உடனே போங்க..

அது இனிமேல் அவங்க ஏரியா உள்ள போககூடாது னு மறியல் பண்ண போறாங்க பாத்துகுங்க