காலமாற்றத்திற்கு ஏற்ற தமிழ் வளர்ச்சி நிகண்டுகளை தொகுத்து அகராதி தயாரிப்பு பணி மும்முரம்

அச்சலா · அச்சலா Fri Nov 30, 2012 2:29 pm

சென்னை:சொற்களுக்கு பொருள் விளக்கும், செய்யுள் வடிவில் உள்ள நூலான நிகண்டுகளை, கால மாற்றத்திற்கேற்ப அகராதி வடிவில் உருவாக்கும் பணி நடந்து வருகிறது. இப்பணிக்காக, 20 லட்சம் ரூபாயை, சென்னை பல்கலைக்கழகத்திற்கு தமிழக அரசு வழங்கியுள்ளது.

சொற்களுக்கு பொருள் விளக்கும், செய்யுள் வடிவில் உள்ள நூல் நிகண்டுகள். அவை, கி.பி., 8ம் ஆண்டு முதல் கி.பி., 20ம் ஆண்டு வரை பயன்பாட்டில் இருந்தன.
அன்றைய கல்வி முறையில், நிகண்டுகளை முதலில் படிப்பர். பின் இலக்கணங்களையும், இலக்கியங்களையும் படிப்பர்.உரையாசிரியர்கள் நூல்கள் எழுத, நிகண்டுகளை பயன்படுத்தி வந்தனர்.

பண்பாட்டு பேழை
திவாகர் இயற்றிய சேந்தன் திவாகரம் (கி.பி., 8ம் நூற்றாண்டு) கவிராச பண்டித ராமசுப்பிரமணிய நாவலர் இயற்றிய தமிழ் உரிசொற் பனுவல் (கி.பி., 20ம் நூற்றாண்டு) வரை, 24 நிகண்டுகள் தமிழில் கிடைத்து உள்ளன. தமிழ் மொழியின் அரிய ஆவணமாகவும், பண்பாட்டு பேழையாகவும்,சொற்கருவூலமாகவும் நிகண்டுகள்திகழ்கின்றன.
நிகண்டுகளை, மனப்பாடம் செய்தால் மட்டுமே பயன்படுத்த முடியும். அன்றைய காலத்தில் முழு நிகண்டுகளையும் மனப்பாடம் செய்தே பயன்படுத்தி வந்தனர்.

ஐரோப்பியர் வருகையால், அகராதிகள் தமிழுக்கு அறிமுகமாகின. அகராதிகள் பயன்பாட்டு வந்த பின், நிகண்டுகளை மனப்பாடம் செய்து பயன்படுத்த யாரும் முன்வரவில்லை. காலமாற்றத்தால் நிகண்டுகள் புறக்கணிக்கப்பட்டன.தமிழ் மரபின் சொத்தான நிகண்டுகளை பாதுகாக்கும் வகையிலும், தமிழ் மொழி வளர்ச்சிக்கு பயன்படுத்தும் வகையிலும், அகராதி வடிவில் அவற்றை உருவாக்கும் பணியை, சென்னை பல்கலைக்கழகம் மேற்கொண்டு வருகிறது.

மொழிசார் நிகண்டுகளில் உள்ளது போல, சொற்களையும், சொற்பொருள் விளக்கங்களையும் தொகுத்து, அவற்றை அகர வரிசைப்படுத்தி உருவாக்குவது, தமிழ் நிகண்டு சொற்களஞ்சியத்தின் நோக்கம். இதற்காக, 20 லட்சம் ரூபாயை, சென்னை பல்கலைக்கழகத்திற்கு, தமிழ் வளர்ச்சி இயக்ககம் வழங்கியுள்ளது.
நான்கு மாதங்களில்...தமிழ் பேரகராதி திருத்தப் பணி முதன்மை பதிப்பாசிரியர் ஜெயதேவன் கூறியதாவது:

கி.பி., 8ம் நூற்றாண்டு முதல் 20ம் நூற்றாண்டு வரை பயன்படுத்தப்பட்ட சொற்கள் தெரியாமலே மறைந்து விடும். எனவே, இவற்றை அகராதி வடிவில் மாற்றினால், எளிதாக ஒரு சொல்லை பார்த்து, அதன் பொருளை தெரிந்து கொள்ள முடியும்.தமிழ் பேரகராதி திருத்த பணியில், நிகண்டுகளில் இருக்கும் சொற்களை சேர்ப்பதன் மூலம், அந்த காலக்கட்ட சொற்கள்
மறையாமல் பாதுகாக்கப்படும்.

பணிகள் முடியும் நிலையில் உள்ளன. நான்கு மாதங்களுக்குள் இந்த அகராதி வெளியிடப்படும்.
இவ்வாறு, ஜெயதேவன் கூறினார்.

நன்றி:யாகுத்தமிழ்

**கரூர் கவியன்பன்** · 23/09/2012

அரிய செயல்.அந்த அகராதியை நானும் எதிர்பார்த்துக் காத்துக்கொண்டிருக்கிறேன்

அச்சலா · அச்சலா Sat Dec 01, 2012 12:23 am

கரூர் கவியன்பன் wrote:அரிய செயல்.அந்த அகராதியை நானும் எதிர்பார்த்துக் காத்துக்கொண்டிருக்கிறேன்

நன்றிகள் பல.....நானும் யோசிக்கிறேன்... மகிழ்ச்சி

Sponsored content · Sponsored content

காலமாற்றத்திற்கு ஏற்ற தமிழ் வளர்ச்சி நிகண்டுகளை தொகுத்து அகராதி தயாரிப்பு பணி மும்முரம்

காலமாற்றத்திற்கு ஏற்ற தமிழ் வளர்ச்சி நிகண்டுகளை தொகுத்து அகராதி தயாரிப்பு பணி மும்முரம்

Re: காலமாற்றத்திற்கு ஏற்ற தமிழ் வளர்ச்சி நிகண்டுகளை தொகுத்து அகராதி தயாரிப்பு பணி மும்முரம்

www.karurkaviyanban.blogspot.in

Re: காலமாற்றத்திற்கு ஏற்ற தமிழ் வளர்ச்சி நிகண்டுகளை தொகுத்து அகராதி தயாரிப்பு பணி மும்முரம்

Re: காலமாற்றத்திற்கு ஏற்ற தமிழ் வளர்ச்சி நிகண்டுகளை தொகுத்து அகராதி தயாரிப்பு பணி மும்முரம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக