எஸ்.ஐ. ஆல்வின் சுதன் கொலை வழக்கு : இருவர் என்கவுன்டரில் சுட்டுக் கொலை

காவல்துறை உதவி ஆய்வாளர் ஆல்வின் சுதன் கொலை வழக்கில் முக்கிய
குற்றவாளிகளாக கருதப்படும் பிரபு மற்றும் பாரதி இருவரும் தப்பி ஓட
முயன்றபோது, அவர்கள் என்கவுன்டரில் சுட்டுக் கொல்லப்பட்டதாக காவ்ல்துறை
தரப்பில் தெரிவிக்கப்பட்டுள்ளது.
கடந்த மாதம் 27ம் தேதி சிவகங்கை மாவட்டத்தில் மருதுபாண்டியர்
குருபூஜையின்போது அவர்கள்து உருவப்படத்திற்கு மாலை அணிவிப்பது தொடர்பாக
செல்லப்பாண்டியன் என்பவரது தரப்புக்கும், பிரபு தரப்பிற்கும் இடையே மோதல்
ஏற்பட்டது.

அப்போது செல்லப்பாண்டியனை தாக்கிவிட்டு தப்பிச்சென்ற பிரபுவை,
காவல்துறையினர் வழிமறித்தபோது,அவர் கத்தியால் குத்தியதில் காவல்துறை உதவி
ஆய்வாளர் ஆல்வின் சுதன் உயிரிழந்தார். இது தொடர்பாக பிரபுவும், பாரதி
என்பவரையும் கைது செய்யப்பட்டு மதுரை சிறையில் அடைக்கப்பட்டனர்.

இந்நிலையில், அங்கிருந்து சிவகங்கை நீதிமன்றத்தில் ஆஜர்படுத்துவதற்காக
அவர்கள் இருவரும் நேற்று வேனில் கொண்டு செல்லப்பட்டதாகவும்,அப்போது
நெஞ்சுவலிப்பதாக பிரபு கூறியதால், காவல்துறையினர் வேனை நிறுத்தியபோது, அந்த
இருவரும் காவலர்களை தாக்கிவிட்டு தப்பிவிட்டதாகவும், இதில் சித்திரைவேல்
என்கிற காவலர் உள்பட இரண்டு காவலர்கள் படுகாயமடைந்ததாகவும் காவல்துறை
தரப்பில் கூறப்படுகிறது.

இந்நிலையில்,தப்பிச்சென்ற இருவரும் தீர்த்தான்பேட்டை என்ற கிராமத்தின்
அருகே இரு சக்கர வாகனத்தில் சென்று கொண்டிருப்பதாக கிடைத்த தகவலையடுத்து,
மானாமதுரை காவல்துறை துணை கண்காணிப்பாளர் வெள்ளைத்துரை தலைமையில் காவலர்கள்
அங்கு விரைந்து சென்றனர்.

அப்போது காவல்துறையினர் வந்த வாகனம் மீது, பிரபுவும், பாரதியும் பெட்ரோல்
குண்டுகளை வீசி தாக்கிவிட்டு தப்ப முயன்றதாகவும்,இதனால் காவல்துறையினர்
தங்களை தற்காத்துக்கொள்ள அந்த இருவரையும் சுட்டுக்கொன்றதாகவும் காவல்துறை
தரப்பில் தெரிவிக்கப்பட்டுள்ளது.


விகடன் செய்திகள்

காவல் துறை பொதுமக்களை முட்டாள்கள் என நினைத்துக் கொண்டிருக்கிறது!

இதற்குக் காரணமானவர்கள் விரைவில் தண்டிக்கப்படுவார்கள். (யார் தண்டிப்பது என்று கேட்கக் கூடாது)

காவல் துறை பொதுமக்களை முட்டாள்கள் என நினைத்துக் கொண்டிருக்கிறது!

உண்மை சிவா !...ஓய்வு பெற்ற நீதிபதியால் ஒரு கமிஷன் போடப்படும்

அப்புறம் வழக்கம் போல் ......

தங்களை தற்காத்துக்கொள்ள அந்த இருவரையும் சுட்டுக்கொன்றதாகவும் காவல்துறை தரப்பில் தெரிவிக்கப்பட்டுள்ளது.

இந்த காரணத்தை தான் ஆரம்ப காலமாக சொல்லி வருகிறார்கள்.தற்காப்பு என்ற வார்த்தைக்கு என்ன பொருள் உயிரை பறிப்பதா?
தொலைத்தொடர்பு துறை வேகமாக முன்னேறி வருகிறது விரைவில் கண்காணிப்பு பலப்படுத்தப்படும் பிறகு தான் தெரியும் இந்த காக்கிச்சட்டைகளின் உரிமை இன்றி உயிரை பறிக்கும் அதர்மச்செயல்.
ஒரு புறம் பார்த்தால் இவர்கள் இருவரும் தியாகிகள் இல்லை இருப்பினும் இவர்கள் தான் குற்றவாளிகள் என தீர்ப்பு வந்து சட்டப்படி தண்டிக்கப்படவேண்டும்.

இப்படி செய்ய வேண்டும் இவர்களை