இனிய வாழ்விற்கு அடிப்படை எது?

by அச்சலா Sat Dec 01, 2012 2:08 am

இனிய வாழ்விற்கு அடிப்படை எது?

கடவுள் சந்நிதிக்குள் நுழைந்தாலே போதும், ஏம்ப்பா! பக்கத்து வீட்டு பரமசிவம் கோடி கோடியா வச்சிருக்கான். நான் அவ்வளவாடா உன்கிட்டே கேட்கிறேன். ஏதோ அஞ்சு லட்சம் பத்து லட்சம் கேக்கிறேன். தரமாட்டாங்கிறியே! அவன் காரிலே போறான், எனக்கு ஒரு பைக் தரக்கூடாதா! ஏ முருகா! கண்ணைத் தொறந்து பாருடா, என்று கதறுபவர்கள் பலர்!

ஒருத்தன் இப்படித்தான் கடவுளைப் பாடாய் படுத்தினான். ஒருநாள், கடவுளே அவன் முன்னால் வந்து விட்டார். என்னப்பா வேணும்னார். வேறென்ன கேக்கப்போறேன்! ஒரு முப்பது லட்சம், தங்க நகை, வைர வைடுரியங்கள் வேணும்னான். அவர் மூன்று தேங்காயைக் கொடுத்தார். என்ன சொல்லி உடைக்கிறாயோ, அது இதில் இருந்து வரும், என்றார். அவன் முப்பது லட்சம் வரட்டும் என்று சொல்ல வாயெடுத்த வேளையில், அவன் மனைவி வந்து என்னங்க! டீ போடட்டுமா! என்றாள். ஆங்...முக்கியமான வேலையா இருக்கேன்லே! உன் தலையிலே இடிவிழ என்றான். திடீரென மேகக்கூட்டம்...இடி இடித்தது. அவன் மனைவி தலையில் விழுந்து விட்டது.

ஐயோ இறைவா! விளையாட்டா சொன்னது வினையாப் போச்சே! அவளுக்கு உயிர் பெற்று எழட்டும், என்று சொல்லியபடியே இன்னொரு தேங்காயை உடைத்தான். அவள் எழுந்தாள். ஆனால், இடி விழுந்ததில் முகம் விகாரமாகி விட்டது. இவளோடு எப்படி குடுத்தனம் நடத்துறது! பழைய முகம் திரும்பி வரட்டும், என்றான். அவளுக்கு முந்தைய முகம் கிடைத்தது. ஆக, முப்பது லட்சம் போச்சு! ஒருவருக்கு என்ன கிடைக்கிற வேண்டுமென இருக்கிறதோ, அதுதான் கிடைக்கும். கடவுள் கொடுத்திருக்கிற சவுகரியத்தோட வாழ கத்துக்கணும். அதுவே இனிய வாழ்வை தரும்.

-தினமலர்..

by ஹர்ஷித் Sat Dec 01, 2012 2:14 am

பதிவு.வரம் வாங்குற நமக்கே இவ்ளோ இருந்தா,அதை அளிக்கும் இறைவனுக்கு?

by Rajan Hamanthkumar Sat Dec 01, 2012 5:22 am

ஹாஹா அவன் கோவிலுக்கு போய்ட்டு வந்தத முதல்லயே மனைவிகிட்ட சொல்லியிருக்கலாம் பா...

by அச்சலா Sat Dec 01, 2012 10:49 am

ஹர்ஷித் wrote: பதிவு.வரம் வாங்குற நமக்கே இவ்ளோ இருந்தா,அதை அளிக்கும் இறைவனுக்கு?

நன்றிகள் பல..
ஆமாம் பல மடங்கு இருக்கும்..

by அச்சலா Sat Dec 01, 2012 10:49 am

Rajan Hamanthkumar wrote:ஹாஹா அவன் கோவிலுக்கு போய்ட்டு வந்தத முதல்லயே மனைவிகிட்ட சொல்லியிருக்கலாம் பா...

ஆமாம்..நீங்கள் நினைப்பதும் சரி..

by MYTHILY JAYABALAN Sat Dec 01, 2012 1:31 pm

நல்ல கதை.

பழமொழி:
என்னதான் உடம்பெல்லாம் எண்ணையை தடவிக்கிட்டு
உருண்டு புரண்டாலும் ஒட்டுறதுதான் ஓட்டும்.

கம்பராமாயணம்:

வருந்தி அழைத்தாலும் வாராத வாரா.
பொருந்துமன போமே என்றால் போகா.

by றினா Sat Dec 01, 2012 1:46 pm

கட்டாயம் அனைவரும் படிக்க வேண்டியது.

by யினியவன் Sat Dec 01, 2012 1:55 pm

சூப்பர் ஸ்டார் பஞ்ச்:

கிடைக்கிறது கிடைக்காம இருக்காது
கிடைக்காதது கிடைக்கவே கிடைக்காது

நல்ல எண்ணத்துடன் உயரிய உழைப்பில்
கிடைப்பது கண்டிப்பாக கிடைக்கும்

by பூவன் Sat Dec 01, 2012 1:58 pm

ஏன் இதை விட்டுவிட்டீங்க .....அண்ணா

ஆண்டவன் ....கெட்டவங்களுக்கு நிறைய கொடுப்பார்
ஆனால் கைவிட்டுவிடுவார் ,
நல்லவங்களை நிறைய சோதிப்பார்
ஆனால் கைவிடமாட்டார் ....

by அச்சலா Sat Dec 01, 2012 2:25 pm

பூவன் wrote:ஏன் இதை விட்டுவிட்டீங்க .....அண்ணா

ஆண்டவன் ....கெட்டவங்களுக்கு நிறைய கொடுப்பார்
ஆனால் கைவிட்டுவிடுவார் ,
நல்லவங்களை நிறைய சோதிப்பார்
ஆனால் கைவிடமாட்டார் ....

பஞ்சு பாபு இல்ல..பஞ்சு பூவன்...