சுவிஸ் ரகசிய வங்கி கணக்கில் அதிக பணம் வைத்து இருப்போருக்கு எதிராக கோர்ட்டில் வழக்கு வருமான வரித்துறை முடிவு

சுவிஸ் ரகசிய வங்கி கணக்கில் அதிக பணம் வைத்து இருப்போருக்கு எதிராக கோர்ட்டில் வழக்கு தொடர வருமான வரித்துறை முடிவு செய்துள்ளது.

700 பேர் பெயர் பட்டியல்

சுவிஸ் நாட்டில் ஜெனீவா நகரில் உள்ள எச்.எஸ்.பி.சி. வங்கியில் ரகசிய கணக்கு வைத்துள்ள 700 இந்தியர்களின் பெயர் பட்டியலை, பிரான்சு நாட்டு அரசு, இந்திய அரசிடம் கடந்த ஆண்டு வழங்கியது. இந்த பட்டியலில் உள்ளவர்களுக்கு எதிராக வருமான வரித்துறை விசாரணை நடத்தி வருகிறது.
இந்த விசாரணையில், சிலர் போலி பெயர்களில் வேறு கணக்குகளும் வைத்து இருப்பது கண்டுபிடிக்கப்பட்டது. எனவே, அதுபற்றிய விவரங்களை அளிக்குமாறு சுவிஸ் வருவாய் அதிகாரிகளை வருமான வரித்துறை அணுகி உள்ளது.

கோர்ட்டில் வழக்கு

இந்த பட்டியலில் உள்ள இந்தியர்களில் யாரெல்லாம் கணிசமான பணம் வைத்து இருக்கிறார்களோ, அவர்களுக்கு எதிராக கோர்ட்டில் வழக்கு தொடர வருமான வரித்துறை முடிவு செய்துள்ளது. எனவே, எவ்வளவு தொகைக்கு மேல் வைத்துள்ளவர்களுக்கு எதிராக வழக்கு தொடரலாம் என்பதற்கான தொகையை நிர்ணயிக்குமாறு மத்திய நிதி அமைச்சகத்துக்கு வருமான வரித்துறை கடிதம் எழுதி உள்ளது.தற்போதைய நிலையில், ரூ.5 கோடிக்கு மேல் பணம் போட்டு வைத்து இருப்போருக்கு எதிராக வரி ஏய்ப்பு வழக்கு தொடரலாம் என்று பரிசீலிக்கப்பட்டு வருவதாக வருமான வரி வட்டாரங்கள் தெரிவித்துள்ளன.

அபராதம்

ரூ.5 கோடிக்கு குறைவான பணம் போட்டு வைத்து இருப்போருக்கு எதிராக வழக்கு தொடரப்பட மாட்டாது. வருமான வரி சட்டங்களின் கீழ், அபராதம் வசூலிக்கப்படும்.ரகசிய கணக்கு வைத்துள்ள இந்தியர்களில் தனிநபர்கள் மற்றும் சில நிறுவனங்கள், சில ஆயிரங்கள் முதல் சில லட்சங்கள் வரை என குறைவான தொகையை போட்டு வைத்துள்ளனர்.எனவே, எத்தனை பேர் மீது வழக்கு தொடரலாம், எத்தனை பேருக்கு அபராதம் விதிக்கலாம் என்பது குறித்து ஒரு கொள்கை திட்டம் வகுக்கப்படும் என்றும், அதன் அடிப்படையில் ஒவ்வொரு நபரின் கணக்கும் ஆய்வு செய்யப்பட்டு நடவடிக்கை எடுக்கப்படும் என்றும் வருமான வரித்துறை வட்டாரங்கள் தெரிவித்தன.

-தினத்தந்தி..

இந்திய பணத்தை பதுக்கி வைத்துருப்பதே பெருங்குற்றம்.இதில் குறிப்பாக எவ்வளவு பணம் வைத்திருப்பவர்கள் மேல் வழக்கு போடலாம் என ஆலோசனையா? சத்தியமா சொல்றேன் இந்தியா முன்னேறவே முன்னேறாது இப்படி இருந்தால்.

கொடுமையிலும் கொடுமை

கரூர் கவியன்பன் wrote:இந்திய பணத்தை பதுக்கி வைத்துருப்பதே பெருங்குற்றம்.இதில் குறிப்பாக எவ்வளவு பணம் வைத்திருப்பவர்கள் மேல் வழக்கு போடலாம் என ஆலோசனையா? சத்தியமா சொல்றேன் இந்தியா முன்னேறவே முன்னேறாது இப்படி இருந்தால்.

கொடுமையிலும் கொடுமை

நன்றி உந்தன் பதிலுக்கு..
என்ன செய்து தோழா..எல்லாம் பணம் செய்யும் கொடுமை..
வாழ்வை வாழ பணம்,அதே பணம் இப்படியும் கூட..

ரூ.5 கோடிக்கு குறைவான பணம் போட்டு வைத்து இருப்போருக்கு எதிராக வழக்கு தொடரப்பட மாட்டாது.

அப்ப 5 கோடி கருப்புப்பணம் இல்லையா?
நான் தப்பினேன்....,

ஹர்ஷித் wrote:

ரூ.5 கோடிக்கு குறைவான பணம் போட்டு வைத்து இருப்போருக்கு எதிராக வழக்கு தொடரப்பட மாட்டாது.

அப்ப 5 கோடி கருப்புப்பணம் இல்லையா?
நான் தப்பினேன்....,

உங்களிடம் எவ்வளவு உள்ளது..என் காதுகிட்ட மாத்திரம் சொல்லுங்க...

உடனே எல்லோரும் கணக்கைக் மூடிவிடுங்கப்பா?

றினா wrote:உடனே எல்லோரும் கணக்கைக் மூடிவிடுங்கப்பா?

நீங்க ஏன் நிக்கிருங்க..ஓடி மூடுங்க சீர்க்கிரம்..