மற்றவர்களுக்கு முன்னுதாரணம் கழிவுகளை அகற்ற களமிறங்கிய கிராம பஞ்சாயத்து தலைவர்

திருவில்லிபுத்தூர் : சுகாதாரப் பணியாளர் பற்றாக்குறையால் அத்திகுளம் செங்குளம் பஞ்சாயத்து தலைவர் நேரடியாக களமிறங்கி சாக்கடை கழிவுகளை சுத்தம் செய்து வருகிறார்.
விருதுநகர் மாவட்டம், திருவில்லிபுத்தூர் அருகே உள்ளது அத்திகுளம் செங்குளம் பஞ்சாயத்து. செங்குளம், சித்தாலம்புத்தூர், ராஜீவ் காந்தி நகர், அத்திகுளம், சின்ன அத்திகுளம் உள்ளிட்ட பகுதிகளை கொண்ட இப்பஞ்சாயத்தில், கழிவுநீர் கால்வாய்களை சுத்தம் செய்ய போதிய அளவில் துப்புரவு பணியாளர் இல்லை. இதனால், பல இடங்களில் கழிவுநீர் தேங்கி சுகாதாரக்கேடு ஏற்பட்டது. கொசுத்தொல்லை, சாக்கடை துர்நாற்றத்தால் பொதுமக்கள் சிரமப்பட்டனர்.

இது குறித்து பஞ்சாயத்து தலைவர் காசியிடம் பொதுமக்கள் தெரிவித்தனர். இதையடுத்து அவர் மண்வெட்டியை எடுத்துக் கொண்டு சுகாதார பணியில் களமிறங்கிவிட்டார். கடந்த இரு நாட்களாக செங்குளம் பகுதியில் கழிவுநீர் வாய்க்கால்களை சுத்தம் செய்யும் பணியில் அவரே ஈடுபட்டுள்ளார். காசி கூறுகையில், `எனது பஞ்சாயத்தில் ஒரே ஒரு பெண் சுகாதாரப் பணியாளர் மட்டுமே உள்ளார். கூடுதலாக பணியாளர் நியமிக்க கூறியுள்ளோம். அதுவரை சமூக ஆர்வம் கொண்ட வாலிபர்கள் மூலம், தினமும் ஒரு பகுதியில் சுகாதாரப் பணி செய்து வருகிறோம். அவர்களை உற்சாகப்படுத்தும் வகையில் நானும் இப்பணியில் ஈடுபட்டுள்ளேன்,’’ என்றார்...............

தினகரன்

உண்மையான காந்தியவாதி என்று சொல்லலாம். அவருக்கு எனது வாழ்த்துக்கள்.

பலம்பெருச்சளிகளை தவிர்த்து புதியவர்களையும் , நல்ல மனிதர்களையும் குறைந்தபட்சம் ஊராட்சி , பேரூராட்சிகளில் ஆவது மக்கள் தேர்வு செய்ய வேண்டும் .