பொற்கோயிலுக்கு ஆபத்து: உளவுத்துறை எச்சரிக்கை

அமிர்தசரஸ்: பஞ்சாப் மாநிலத்தில் அமைந்துள்ள அமிர்தசரஸ் பொற்கோவில் தீவிரவாதிகளின் தாக்குதல் அபாயத்தில் உள்ளதாக உளவுத்துறை எச்சரிக்க‌ை விடுத்துள்ளதையடுத்து பாதுகாப்பு பலப்படுத்தப்பட்டுள்ளது. இது குறித்து மாநில போலீசார் கூறியதாவது: மும்பை தாக்குதலில் ஈடுபட்ட அஜ்மல் கசாப் தூக்கிலிடப்பட்டதையடுத்து தாலிபான் தீவிரவாதிகளால் பஞ்சாப் மாநிலத்தில் உள்ள பொற்கோவிலுக்கு ஆபத்து ஏற்பட்டுள்ளதாக உளவுத்துறை எச்சரிக்கை விடுத்துள்ளது. இதனையடுத்து முன்னெச்சரிக்கையாக பாதுகாப்பு நடவடிக்கைகள் தீவிரப்படுத்தப்பட்டுள்ளது. பொற்கோவில் மட்டுமல்லாது ஜாலியன்வாலாபாக், மற்றும் துர்கையானா கோவிலுக்கும் பாதுகாப்பு அளிக்கப்பட்டுள்ளது. கடந்த 21ம் தேதி முதல் 24-ம் தேதி வரையிலான நான்கு நாட்கள் இடைவெளியில் அமிர்தசரஸ் மற்றும் பெர்ரோஸ்பூருக்கு பாகிஸ்தானில் இருந்து சுமார் ஆயிரத்து 950 தொலைப்பேசி அழைப்புக்களை இடைமறித்து கேட்டபோது இது குறித்த தகவல் தெரியவந்துள்ளதாக அவர் கூறினார். மேலும் இந்த அழைப்புக்களில் பெரும்பாலானவை பஞ்சாப்பில் உள்ள உறவினர்கள், வியாபாரிகளுக்கே சென்றுள்ளன எனவும், அந்த குறிப்பிட்ட அழைப்புக்கள் தொடர்ந்து கண்காணிக்கப்பட்டு வருவதாகவும் அவர் தெரிவித்துள்ளார்.

பாதுகாப்பு நடவடிக்கை :

பஞ்சாப் மாநில துணை முதல்வர் சுக்பீ்ர் சிங் கூறுகையில் மாநிலம் முழுவதும் பாதுகாப்பு பலப்படுத்தப்பட்டுள்ளது என ‌தெரிவித்துள்ளார். இருப்பினும் இதுவரை பஞ்சாப் மாநில போலீசார் உள்துறை அமைச்சகத்திடம் இருந்து எவ்வித எச்சரிக்கை தகவலும் பெறவில்லை என திட்டவட்டமாக மறுத்துள்ளார்.பதற்றமான பகுதிகளில் கூடுதல் பாதுகாப்பு போடப்பட்டுள்ளதாகவும், தீவிரவாத தாக்குதலை எதிர்கொள்ளும் அளவில் தங்களிடன் போதிய திறன் இருப்பதாகவும் சுக்பீர் சிங் தெரிவித்துள்ளார். பஞ்சாப் மற்றும் ராஜஸ்தான் மாநிலங்களில் மட்டும் கடந்த இரண்டு ஆண்டுகளில் சுமார் 350க்கும் மேற்பட்ட பதிவு செய்யப்படாத பாகிஸ்தானிய சிம்கார்டுகள் கண்டு எடுக்கப்பட்டுள்ளது குறிப்பிடத்தக்கது. மாநிலத்தின் எல்லைப்பகுதிகளில் தாலிபான்களின் நடமாட்டம் குறித்து தீவிரமாக கண்காணிக்கப்பட்டு வருதாகவும், உளவுத்துறையின் எச்சரிக்கை தொடர்பாக பாகிஸ்தானிய பாதுகாப்பு அதிகாரிகளுடன் பேச்சுவார்த்தை நடத்தி வருவதாகவும் எல்லை பாதுகாப்பு ப‌டை போலீஸ் அதிகாரி ஆதித்ய மிஸ்ரா தெரிவித்துள்ளார்.
-தினமலர்

சீக்கியர்கள் என்ன தமிழர்களைப் போல் கையாளாகாதவர்களா? தன் இனத்தைப் பற்றியே கேவலமாகப் பேசித் திரியும் வழக்கம் அவர்களுக்கு இல்லை!

உலகில் எங்கு வாழ்ந்தாலும் ஒற்றுமையுடன் வாழ்கிறார்கள். எந்தச் சூழலையும் எதிர்த்து நிற்கும் நெஞ்சுறுதியும், மன உறுதியும் பெற்றவர்கள்!

ஒற்றுமையும்,எதையும் தாங்கும் மனமும்தான் இவர்களின் மூலமாக உள்ளது..
நமக்கும் இவைகள் அவசியம்..