புதுடில்லி: "டில்லி அரசு சரண்டர் செய்யும் கூடுதல் மின்சாரத்தை, தமிழகத்திற்கு ஒதுக்க முடியாது' என, சுப்ரீம் கோர்ட்டில் நேற்று மத்திய அரசு தெரிவித்தது.தமிழகத்தில் கடும் மின் பற்றாக்குறை நிலவுகிறது. இந்நிலையில், சுப்ரீம் கோர்ட்டில், தமிழக அரசு சார்பில், மனு ஒன்று தாக்கல் செய்யப்பட்டது.அந்த மனுவில் கூறியிருந்ததாவது:
தமிழகத்தில், தென்மேற்கு பருவமழை பொய்த்ததால், தற்போது கடும் மின் பற்றாக்குறை நிலவுகிறது. தமிழக மக்கள், நாள் ஒன்றுக்கு, 12 மணி நேரத்திற்கு மேலாக மின் வெட்டை எதிர்கொள்கின்றனர். எனவே, டில்லி மாநில அரசு சரண்டர் செய்யும், கூடுதல் மின்சாரத்தை தமிழகத்திற்கு வழங்க, மத்திய அரசுக்கு உத்தரவிட வேண்டும்.
ஒரு மாநில அரசு, சரண்டர் செய்யும் மின்சாரத்தை, மற்ற மாநில அரசுகளுக்கு ஒதுக்கீடு செய்யும் அதிகாரம், மத்திய அரசிடம்தான் உள்ளது. அத்துடன், தமிழகத்திற்கு மின்சாரம் கிடைக்கும் வகையில், மின் பரிமாற்ற லைன்களையும் அமைத்து தர உத்தரவிட வேண்டும்.இவ்வாறு தமிழக அரசின் மனுவில் தெரிவிக்கப்பட்டிருந்தது.
தமிழகத்திற்கு ஒதுக்க முடியாதுஇந்த மனு, தலைமை நீதிபதி, அல்தமஸ் கபீர், நீதிபதி செலமேஸ்வர் அடங்கிய, சுப்ரீம் கோர்ட், "பெஞ்ச்' முன், நேற்று விசாரணைக்கு வந்தது. அப்போது, தமிழக அரசின் மனுவுக்கு, மத்திய அரசு சார்பில், தாக்கல் செய்யப்பட்ட, பதில் மனுவில் கூறப்பட்டதாவது:டில்லி மாநில அரசு, சரண்டர் செய்யும் கூடுதல் மின்சாரத்தை, தமிழகத்திற்கு ஒதுக்க முடியாது. ஏனெனில், டில்லி மாநில அரசு சரண்டர் செய்யும், மின்சாரத்தை தங்களுக்கு வழங்க வேண்டும் என, அசாம், தமிழகம், உத்திர பிரதேசம், கேரளா, ஆந்திரா, கர்நாடகா, ராஜஸ்தான், தாத்ரா நாகர் ஹவேலி போன்ற மாநிலங்களும் கோரிக்கை விடுத்துள்ளன.
அதனால், இந்த விஷயத்தில், எந்த உத்தரவும் பிறப்பிக்கும் முன், மத்திய அரசின் கருத்தை, சுப்ரீம் கோர்ட் கேட்க வேண்டும்.
-தினமலர்

சீக்கிரம் கோர்ட்டை முடிவு பண்ண சொல்லுங்க - இது பணம் இல்ல யாருக்கும் குடுக்காம கஜானாலையே வெச்சுக்கறதுக்கு.

( திருவிளையாடம் பாலையா ஸ்டைல் இல் படிக்கவும் )

என்னடா இது .................

ஒருத்தன் தண்ணி இல்லேங்கறான்................ஒருத்தன் மின்சாரம் இல்லேங்கறான்.... என்னடா இது தமிழ்நாட்டுக்கு வந்த சோதனை ???????????

ஹும்...................

கொடுமையா இருக்கே அக்கா, எங்க ஊருள இந்த மாதிரி எந்த சிக்களும் இல்ல.

கருணாநிதி அனுமதித்தால் தானே கிடைக்கும் .... அவர் அனுமதித்தால் நாடாளு மன்ற தேதியில் அவருக்கு ஒட்டு விழாது.. உங்கள் அரசியல் கூத்துக்கு பாதிக்கபடுபவர்கள் மக்கள் ..

உங்கள எல்லாம் என்னடா செய்யலாம்

மாணிக்கம் நடேசன் wrote:கொடுமையா இருக்கே அக்கா, எங்க ஊருள இந்த மாதிரி எந்த சிக்களும் இல்ல.

நல்ல ஊர்...நான் வாழும் ஊரும் மாறி வருகிறது...

மத்திய அரசுக்கு ஆதரவு தரும் தி.மு.கவும் இந்த சதியில் உடந்தை.

எல்லாம் கூட்டு சதிகாரனுங்க