டீன் ஏஜ் வயதில் உடல் பருமன்

**சிவா** · **சிவா** Thu Feb 05, 2009 3:59 am

அமெரிக்க இதய அமைப்பு அண்மையில் விடுத்துள்ள ஒரு எச்சரிக்கை அந்நாட்டு மக்களை அதிர்ச்சி அடையச் செய்து உள்ளது. அந்நாட்டில் முன் எப்போதும் இல்லாத அளவுக்கு ஏராளமான குழந்தைகள் இதய நோயாளிகளாக மாறும் ஆபத்து இருப்பதாக அதில் கூறப்பட்டு உள்ளது. இதற்கு காரணம் என்ன தெரியுமா? உடல் பருமன் தான்.

அமெரிக்காவில் 12 முதல் 19 வயது வரையிலான டீன் ஏஜ் பருவத்தில் உடல் பருமனான குழந்தைகளின் எண்ணிக்கை நாளுக்கு நாள் அதிகரித்துக் கொண்டே போகிறது. உடல் பருமன் நீரழிவு மற்றும் இதய நோய்களுக்கு மிகப்பெரிய காரணி என்று ஏற்கனவே பல்வேறு ஆராய்ச்சிகள் மூலம் நிரூபித்து உள்ளனர். இந்நிலையில் உடல் பருமன் அதிகரிக்கும் போது அங்கே இதய நோய் ஆபத்துக்களும் அதிகரிப்ப தில் ஆச்சரியம் எதுவும் இல்லை. அங்கு ஒரு சில மாகாணங்களில் குண்டு குழந்தைகளின் எண்ணிக்கை கவலைப்படும்படியாக இருப்பது குறிப்பிடத்தக்கது.

உடல் பருமன் அதிகரிப்பதால் உடலின் இன்சூலின் செயல்பாடு பாதிக்கப்படுவதால் ரத்தத்தில் சர்க்கரை அளவு மிகுந்த நீரழிவு வியாதி உண்டாகிறது. மற்றொன்று, இதய ரத்த நாளங்களில் அடைப்புகள், கடினமாதல், செயல்திறன் குறைந்து விடுதல் என பல பிரச்சினைகள் உண்டாவதால், அது கொடி இதய நோய்களுக்கு வித்திடுகிறது. டீன் ஏஜ் பருவம் என்று இல்லாமல் அதற்கு முந்தைய குழந்தைப் பருவத்திலும் காணப்படும் உடல் பருமன் அந்தக் குழந்தைகள் வயது வந்த காலத்தில் தீராத நோயாளிகளாக மாற்றி விடுகிறது.

நம் ஊரில் பெரும்பாலான மக்களுக்கு இன்னமும் விவரம் புரியவில்லை. கொழுக் மொழுக் என்று தளதளவென இருந்தால் தான் அழகு. அதுதான் ஆரோக்கியம் என்ற நினைக்கிறார்கள். ஆனால் உண்மை அதற்கு நேர்மாறாக உள்ளது.

டீன் ஏஜ் வயதில் உடல் பருமன்

டீன் ஏஜ் வயதில் உடல் பருமன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக