வார்த்தைகள்

Rangarajan Sundaravadivel · Rangarajan Sundaravadivel Thu Nov 29, 2012 3:19 pm

பேனாவைப் பிடித்துக் கொண்டு
சுவரை வெறித்துக் கொண்டிருக்கிறேன்.
காற்றில் மிதக்கும் வார்த்தைகளைப்
பிடிக்க முயன்று தோற்கிறேன்.

வார்த்தைகள் பறந்து கொண்டிருக்கின்றன;
அறையில் சுழலும் மின்விசிறியின் வேகத்தில்
சுழன்றாடி ஓரங்களில் விழுகின்றன.

சுதந்திரமான வார்த்தைகள்
காற்றில் குமிழிகளாய் மிதக்கின்றன;
நான் தொட்டால் உடைந்து விடக்கூடும்.

கட்டுண்ட வார்த்தைகள்
எனது விரல்களில் கட்டுண்டிருந்து
பேனாவுடன் சண்டையிடுகின்றன.

நான் இன்னும் அறியாத வார்த்தைகள்
உலகைச் சுற்றி ஓடும் வாக்கிய நதியில்
மீன்களாய் ஓடிக் கொண்டிருக்கின்றன.
நான் எடுத்தால் இறந்துவிடக்கூடும்.

வார்த்தைகள் இங்கும் அங்கும் எங்கும் இருக்கின்றன.
ஆனால் இல்லை.

jenisiva · jenisiva Thu Nov 29, 2012 4:13 pm

"கட்டுண்ட வார்த்தைகள்
எனது விரல்களில் கட்டுண்டிருந்து
பேனாவுடன் சண்டையிடுகின்றன."

சண்டையிட்டு
சரணடைய செய்து
இங்கு கவிதையாய்
வார்த்தைகளை
அடிமை படுத்தி.........
உங்கள் கவிதைக்கு
என்னை அடிமை ஆக்கிவிட்டீர்களே !!!
நன்று
நன்றி

**ஜாஹீதாபானு** · **ஜாஹீதாபானு** Thu Nov 29, 2012 4:52 pm

கவிதை அருமை சூப்பருங்க

Guest · Guest Thu Nov 29, 2012 5:06 pm

அருமை நண்பா ... எங்கே சிறிது நாட்களாக உங்களை காணவில்லை .. புன்னகை

யினியவன் · யினியவன் Thu Nov 29, 2012 5:08 pm

புரட்சி wrote:அருமை நண்பா ... எங்கே சிறிது நாட்களாக உங்களை காணவில்லை ..

வார்த்தைகள் இன்றி தவித்ததை தான் கவிதை
ஆக்கி வந்து விட்டாரே நம் ரங்கராஜன்.

கவிதை அருமை ரங்கராஜன்.

**பார்த்திபன்** · 24/07/2011

அழகான கவிதை. ரசித்து மகிழ்ந்தேன்! சூப்பருங்க

இந்த பதிவைத் துவங்கியவர் நன்றி கூறியுள்ளார் பார்த்திபன்

Rangarajan Sundaravadivel · Rangarajan Sundaravadivel Thu Nov 29, 2012 7:21 pm

யினியவன் wrote:
புரட்சி wrote:அருமை நண்பா ... எங்கே சிறிது நாட்களாக உங்களை காணவில்லை ..
வார்த்தைகள் இன்றி தவித்ததை தான் கவிதை
ஆக்கி வந்து விட்டாரே நம் ரங்கராஜன்.

கவிதை அருமை ரங்கராஜன்.