வேப்பம்பூ

இந்த உலகில் எத்தனையோ வகையான மரங்களும், செடி கொடிகளும் இருந்தாலும்... அவை எல்லாம் வேப்பமரத்துக்கு ஈடாகாது. வேப்பமரத்திலிருந்து கிடைக்கும் வேப்பிலை, வேப்பம்பூ, வேப்பங்கொட்டை, வேப்ப எண்ணை, வேப்பம்பட்டை என அனைத்தும் நமக்கு உணவாக... மருத்துவப் பொருட்களாக பயன்படுகின்றன.

பொதுவாகவே, தமிழ் மருத்துவத்தில் தட்பவெப்ப நிலைக்கு ஏற்ப, அந்தந்த சூழலுக்கு ஏற்ப... உணவுப் பழக்க வழக்கமும் மாறும். தட்ப வெப்பநிலைக்கு அந்தந்த பருவத்தில் கிடைக்கும் உணவுகளையே நாம் சாப்பிட வேண்டும். கோடை காலம் ஆரம்பிக்கும் இந்த சித்திரை மாதத்தில் வேப்பம்பூ பூத்து... காற்றில் ஒருவித நறுமணத்தை பரப்பிக் கொண்டிருக்கும். கிருமி நாசினியான வேப்பம்பூவில் பல மருத்துவ குணங்கள் பொதிந்துள்ளன.

வெயில் காலத்தில் ஏற்படும் நாவறட்சி, தோல் வியாதி, அரிப்பு, வயிற்றுப்பிரட்டல் போன்ற பிரச்சினைகளுக்கு வேப்பம்பூ சிறந்த மருந்தாகின்றது. கபம், பித்தம் சம்பந்தப்பட்ட வியாதிகளை வேப்பம்பூ கட்டுப்படுத்தும்.

குடலில் தங்கியுள்ள கிருமிகளை அழிக்கும் ஆற்றல் வேப்பம்பூவுக்கு உண்டு. பாங்காக்கில் உள்ள தேசிய புற்று நோய் ஆராய்ச்சி நிறுவனம், `புற்று நோயை உருவாக்கக்கூடிய செல்களை வேப்பம்பூ அழிக்கும் தன்மை வாய்ந்தது' எனக் கண்டறிந்து நிரூபித்துள்ளனர். `அரோமா தெரபி' எனப்படும் சிகிச்சையில் மன அமைதியையும், சாந்தமான மனநிலையை உண்டாக்க வேப்பம்பூவை பயன்படுத்துகின்றனர்.

கோடை காலத்தில் அதிகமாக கிடைக்கும் வேப்பம்பூவை சேகரித்து, நிழலில் உலர்த்தி வைத்து, அதை சில வாரங்கள் பயன்படுத்தலாம். பழங்காலத்தில் வேப்பம்பூ பச்சடி சமைத்து சாப்பிட்டனர். இப்போதும் சித்திரை மாதத்தில் கிராமங்களில் வேப்பம்பூ பச்சடி சாப்பிடுகின்றனர். நீங்களும் தயாரித்து சாப்பிடுங்கள்.

நன்றி:கனவி

நல்ல பதிவு நன்றி

நீங்களும் தயாரித்து சாப்பிடுங்கள்.

எப்படி சமைப்பது?

வேம்பு - அனைத்து வியாதிக்கும் மருந்து!

பகிர்வுக்கு நன்றி அச்சலா!

krishnaamma wrote:நல்ல பதிவு நன்றி

krishnaamma wrote:நல்ல பதிவு நன்றி

நன்றி நண்பரே!!

சமையலா... மருந்து தயாரித்து உண்ணலாம்.. :idea:

சிவா wrote:வேம்பு - அனைத்து வியாதிக்கும் மருந்து!

பகிர்வுக்கு நன்றி அச்சலா!

நன்றி சிவா..

காரக்கொழம்பு செய்யும் பொழுது எங்கள் வீட்டில் கொஞ்சம் வேப்பம் பூவையும், வெந்தயமும் தூள் செய்து தாளிக்கும் போது போடுவாங்க கொழம்பு நல்ல வாசனையாகவும், சாப்பிட நன்றாகவும் இருக்கும்.

Kuzhali wrote:காரக்கொழம்பு செய்யும் பொழுது எங்கள் வீட்டில் கொஞ்சம் வேப்பம் பூவையும், வெந்தயமும் தூள் செய்து தாளிக்கும் போது போடுவாங்க கொழம்பு நல்ல வாசனையாகவும், சாப்பிட நன்றாகவும் இருக்கும்.

நன்றிகள் பல....தொடர்ந்து நீங்களும் நல்ல பதிவுகளையும் இடுங்க..

வேப்பம்பூ ஒரு அருமையான மருந்து மற்றும் கிருமி நாசினி.

வேப்பம்பழம் நான் விரும்பிச் சாப்பிடும் ஒன்று.