சிவ வழிபாடே உலகில் மிகப்பழமையானது!

**சாமி** · **சாமி** Thu Nov 29, 2012 9:25 pm

சிவ வழிபாடே உலகில் மிகப்பழமையானது’ என்பர் சர்.ஜான் மார்சல். சிவம் என்ற சொல் தமிழ்ச்சொல் என்று டாக்டர் கிரையர்சன் கூறுகிறார். சைவத்தின் மேல் சமயம் வேறில்லை; அதிற்சார் சிவமாம் தெய்வத்தின் மேல் தெய்வமில்லை என்பது ஆன்றோர் வாக்கு. தென்னாடுடைய சிவன் எந்நாட்டவர்க்கும் இறைவனாக விளங்கும் பெற்றியன். இத்தொன்மையான வழிபாடானது உலகின் பல்வேறு இடங்களில் காணப்படுகின்றது. அவை…

 ஜாவாத்தீவில் பல சிவன் கோயில்கள் அழிவுற்ற நிலையில் உள்ளன. இங்குள்ள டெகால் என்ற ஆற்றிலிருந்து சிவபெருமானின் செப்புச்சிலை ஒன்று கண்டெடுக்கப்பட்டிருக்கிறது. ஜாவாவில் உள்ள கோயில்களில் இன்றும் திருவாசகம் ஓதப்படுகிறது.அங்கிருப்பவர்களுக்குத் தமிழ் மொழி தெரியாததால் ஏதோ மந்திரம் போல் உச்சரித்து வருகின்றனர். மேலும் இங்குள்ள பெரம்பானம் என்ற இடத்தில் உள்ள சிவன் கோயிலில் சிவதாண்டவத்தின் 32 முத்திரைகளைக் குறிக்கும் சிற்பங்கள் உள்ளன.

 சுமத்திராவில் அழிபாடுற்ற சிவன் கோயில் உள்ளது. இங்கே உமைபங்கன், கணபதி மற்றும் நந்தி சிலைகள் உள்ளன.

 போர்னியாவில் ஒரு மலைக் குகையில் சிவன், விநாயகர் சிலைகள் உள்ளன.

 சியாம் நாட்டிலும், கம்போடியாவிலும் சிவலிங்கத்தின் உருவங்கள் கிடைத்துள்ளன. சியாமில் பழைய சிவன் கோயில் இருக்கிறது. இக்கோயில் உள்ள இடத்தில் இப்போதும் பொங்கல் விழா கொண்டாடப்படுகிறது.

(தொடரும்)