"எங்களை வாழவிடு" - கொசுவுக்கு சிலை வைத்துக் கும்பிட்ட மக்கள்!

DERAR BABU · DERAR BABU Wed Nov 28, 2012 5:01 pm

டெங்கு, மலேரியா, சிக்குன்குனியா போன்ற விஷக்காய்ச்சல்களுக்குக் காரணமாகும் கொசுக்களை ஒழிக்க அரசிடம் முறையிட்டு முறையிட்டு சோர்ந்து போன ஜார்கண்ட்டில் உள்ள சாஸ் கிராம மக்கள் கொசுவையே தெய்வமாக்கி வழிபடத் தொடங்கி வினோத போராட்டம் நடத்தி வருகிறார்கள்.

கொசுவுக்கு சிலை வைத்து ஜார்கண்ட், பொகாரோ மாவட்டத்தில் உள்ள சாஸ் கிராம மக்கள் கும்பிட்டு வருகின்றனர்.

தேங்கும் நீர், குட்டை, மற்றும் குப்பைக் கூளங்களை அகற்றக் கோரியும், டெங்கு, மலேரியா, சிக்குன்குனியாவை ஒழிக்கக் கோரியும் கொசுக்களை விரட்டக்கோரியும் அவர்கள் அரசிடம் மன்றாடி விட்டனர். ஆனால் அரசு எதையும் காதில் போட்டுக் கொண்டதாகத் தெரியவில்லை. இதனையடுத்து அந்த மக்கள் இந்த நூதன போராட்டத்தில் குதித்துள்ளனர்.

'டெங்கு, மலேரியா, ஆகிய விஷக்காய்ச்சல்கள் சாஸ் பகுதி முழுதும் பரவி வருகிறது. ஒருவரும் எந்த நடவடிக்கையும் எடுக்கவில்லை. எனவே கடைசித் தஞ்சமாக் கொசுவுக்குச் சிலை வைத்து தயவு செய்து எங்களை கடிக்காதே, காட்டுக்குப் போய்விடு என்று கையெடுத்துக் கும்பிட்டு வருகிறோம். கொசுவலை உள்ளவர்கள் பிழைக்கிறார்கள், ஏழைகளை டெங்கு அதிகம் பாதித்து வருகிறது" என்று கூறுகின்றனர் சாஸ் கிராம மக்கள்.

கொசுவிக்கு சிலை வைத்து ஆர்த்தி எடுத்து, சூடம் காட்டி, ஊதுபத்தி கொளுத்தி, அகல் விளக்கேற்றி கொசுவை மன்றாடிக் கும்பிட்டு வருகின்றனர் இந்த கிராம மக்கள்.

கடந்த 50 ஆண்டுகளில் டெங்குவால் பாதிக்கப்படும் மக்களின் எண்ணிக்கை 30 மடங்கு அதிகரித்துள்ளதாம்.............. வெப்துனியா ...........

**சிவா** · **சிவா** Wed Nov 28, 2012 5:11 pm

கொசுக்களை ஒழிக்க அதற்கு சிலை வைக்க வேண்டியதில்லை, மக்கள் தாங்கள் வசிக்கும் பகுதியை நீர்தேங்காமலும், குப்பைக் காடாக இல்லாமலும் சுத்தமாக வைத்திருந்தாலே போதுமானது!

பொதுஜனக் குரல்: சுத்தமா அப்படின்னா என்னங்கடா டேய்....!!!