திருப்பூர் நகைக்கடைக்கு கொண்டு சென்ற போது ஓடும் ரெயிலில் இருந்து விழுந்த ரூ. 25 லட்சம் தங்க நகைகள்

by DERAR BABU Tue Nov 27, 2012 12:47 pm

கோவை வடவள்ளியை சேர்ந்தவர் நடராஜ். இவர் கோவையில் உள்ள நகை வியாபாரி ஒருவரிடம் ஊழியராக பணியாற்றி வருகிறார். இவர் கோவை, திருப்பூர், ஈரோட்டில் உள்ள நகைக்கடைகளுக்கு நகைகளை கொண்டு கொடுப்பது வழக்கம்.

நேற்று திருப்பூரில் உள்ள நகைக்கடைக்கு ரூ. 25 லட்சம் மதிப்பிலான 750 கிராம் தங்க நகைகளை ஒரு பேக்கில் வைத்து எடுத்துக்கொண்டு புறப்பட்டார். கோவை ரெயில் நிலையத்தில் இருந்து பகல் 12 மணிக்கு புறப்பட்ட டன்பாத் எக்ஸ்பிரஸ் ரெயிலில் பொது பெட்டியில் ஏறி திருப்பூர் சென்றார். ரெயிலில் கூட்டம் அதிகமாக இருந்தது. இதனால் நடராஜ் உள்ளே செல்ல முடியாமல் படிக்கட்டின் அருகிலேயே நின்று கொண்டிருந்தார்.

ரெயில் கோவை ஆவாரம் பாளையம் அருகே செல்லும் போது நடராஜ் கையில் இருந்த பை தவறி ரெயிலில் இருந்து கீழே விழுந்தது. இதனால் அதிர்ச்சி அடைந்த நடராஜ் சத்தம் போட்டார். உடனடியாக கடைக்கு தகவல் தெரிவித்தார். கடையில் இருந்து ரெயில்வே போலீசாருக்கு தகவல் தெரிவிக்கப்பட்டது.

போலீசார் நகை விழுந்ததாக கூறப்படும் இடத்திற்கு விரைந்து சென்று தேடி பார்த்தனர். ஆனால் நகை பையை காணவில்லை. இதற்கிடையே திருப்பூரில் இறங்கிய நடராஜ் மீண்டும் கோவைக்கு வந்தார். அவரிடம் போலீசார் விசாரித்தனர். அப்போது அவர் பையை எனது கையில் இருந்து யாரோ தட்டி விடுவது போல இருந்தது என்று போலீசாரிடம் நடராஜ் கூறினார். எனவே அவரை அழைத்துக் கொண்டு வடகோவையில் இருந்து சிங்காநல்லூர் வரையும் தண்டவாளம் முழுவதும் அங்கும் அங்குலமாக போலீசார் தேடி பார்த்தனர். ஆனால் நகை பையை காணவில்லை.

இதனால் கொள்ளையர்கள் யாராவது நடராஜை நோட்டமிட்டு நகை பையை கீழே தள்ளி விட்டு கொள்ளையடித்து சென்றார்களா? என போலீசார் விசாரணை நடத்தி வருகின்றனர். மேலும் சம்பவம் குறித்து நடராஜிடமும் தொடர்ந்து விசாரணை நடக்கிறது. மாலைமலர்

by **முத்துராஜ்** Tue Nov 27, 2012 2:00 pm

நடராஜரே நாடகம் ஆடுகிரோரோ என்னவோ ??

by யினியவன் Tue Nov 27, 2012 2:11 pm

துப்பு துலங்கிவிட்டால் வடவள்ளியில் (தில்லையில்)
ஆடியது நடராஜரா இல்லை கொள்ளையரா என விளங்கிவிடும்

by Sponsored content

திருப்பூர் நகைக்கடைக்கு கொண்டு சென்ற போது ஓடும் ரெயிலில் இருந்து விழுந்த ரூ. 25 லட்சம் தங்க நகைகள்

திருப்பூர் நகைக்கடைக்கு கொண்டு சென்ற போது ஓடும் ரெயிலில் இருந்து விழுந்த ரூ. 25 லட்சம் தங்க நகைகள்

Re: திருப்பூர் நகைக்கடைக்கு கொண்டு சென்ற போது ஓடும் ரெயிலில் இருந்து விழுந்த ரூ. 25 லட்சம் தங்க நகைகள்

Re: திருப்பூர் நகைக்கடைக்கு கொண்டு சென்ற போது ஓடும் ரெயிலில் இருந்து விழுந்த ரூ. 25 லட்சம் தங்க நகைகள்

Re: திருப்பூர் நகைக்கடைக்கு கொண்டு சென்ற போது ஓடும் ரெயிலில் இருந்து விழுந்த ரூ. 25 லட்சம் தங்க நகைகள்