இங்கிலீஷ் தெரியலையாம் : இங்கிலாந்து ஆஸ்பத்திரியில் இந்திய ஊழியர் பணி நீக்கம்

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

இங்கிலீஷ் தெரியலையாம் : இங்கிலாந்து ஆஸ்பத்திரியில் இந்திய ஊழியர் பணி நீக்கம்

#875409

Muthumohamed
சிறப்புப் பதிவாளர்: பதிவுகள் : 15768
இணைந்தது : 04/10/2012

Post Muthumohamed Mon 26 Nov 2012 - 19:05

லண்டன்: ஆங்கிலம் தெரியவில்லை என்ற புகாரின்படி, இந்திய ரேடியோகிராபரை இங்கிலாந்து மருத்துவமனை நிர்வாகம் பணி நீக்கம் செய்துள்ளது. இதனால் பரபரப்பு ஏற்பட்டுள்ளது. இங்கிலாந்தின் மான்செஸ்டர் நகரில் உள்ளது ''தி கிறிஸ்டி ஹாஸ்பிடல்''. இங்கு ரமணி ராமசாமி என்பவர் ரேடியோகிராபராக பணியாற்றி வந்தார். ஆறு ஆண்டுகளாக மருத்துவமனையில் பணிபுரிந்த ராமசாமியை திடீரென மருத்துவமனை நிர்வாகம் பணி நீக்கம் செய்தது. சக ஊழியர்கள், நோயாளிகளுடன் அவரால் சரளமாக ஆங்கிலத்தில் பேச முடியவில்லை. தவறான ஆங்கிலத்தில் பேசுகிறார் என்று தொடர்ந்து குற்றச்சாட்டுகள் வந்தன. அவர் பேசுவதை மற்றவர்களால் புரிந்து கொள்ள முடியவில்லை.

அதனால் வேலையில் இருந்து நீக்கப்பட்டதாக நிர்வாகத் தரப்பில் கூறப்பட்டது. மருத்துவமனை நிர்வாகம் அளித்த தகவலின்படி, தேசிய ரேடியோகிராபி பதிவேட்டில் இருந்தும் ரமணி ராமசாமியின் பெயர் நீக்கப்பட்டது. கடந்த 2005ம் ஆண்டு ஆகஸ்ட் மாதம் கிறிஸ்டி மருத்துவமனை வேலைக்கு தேர்ந்தெடுக்கப்பட்டார். ஆறு ஆண்டுகள் கழிந்த நிலையில் வேலையில் இருந்து இந்தியர் நீக்கப்பட்டது பெரும் அதிர்ச்சியை ஏற்படுத்தி உள்ளது. இதுகுறித்து ராமசாமி கூறுகையில், என் மீதான புகார் நியாயமற்றது. எனக்கு எதிராக கதை கட்டப்பட்டுள்ளது. இதற்கு முன்பு மலேசியாவில் வேலை செய்தேன். அங்கு என்னை கவுரமாக வைத்திருந்தனர். இனிமேல் இங்கு வேலை செய்யும் எண்ணம் இல்லை என்றார்.

தினகரன்