ஆரக்கில் மெய்நிகர் கணினியின் பெட்டி(oracle vm virtual box)

by **முத்துராஜ்** Mon Nov 26, 2012 5:19 pm

தற்போது நாமனைவரும் நம்முடைய அன்றாட அலுவலக பணிகளின்போது ஒன்றிற்குமேற்பட்ட இயக்கமுறைமைகளில் அனுகி பணிபுரியவேண்டிய சூழல் ஏற்பட்டுவருகின்றது அதற்காக நம்முடைய கணினியில் மெய்நிகர் கணினி என்ற அடிப்படையில் ஒன்றிற்கு மேற்பட்ட இயக்கமுறைமைகளை கணினியின் ஒரே வன்தட்டில் வெவ்வேறு பகுதியில் நிறுவுகை செய்தபின் அவைகளை ஏதேனுமொன்றை மட்டுமே ஒருசமயத்தில் பயன்படுத்திடமுடியும் என்ற நிலை உள்ளது அதனால் ஏராளமான கணினியின் வளங்களை படன்படுத்திடமுடியாமல் வீனாகின்றன.இதனை தவிர்த்து ஒரே சமயத்தில் நம்முடைய கணினியில் நிறுவப்பட்டுள்ள ஒன்றிற்கு மேற்பட்ட விண்டோ, லினக்ஸ், மேக்ஸ், சோலாரிஸ் போன்ற இயக்கமுறைமைகளை பயன்படுத்தி கொள்ளுமாறு செயல்படுத்திட உதவுவதுதான இந்த oracle vm virtual box ஆகும்

இதனை இண்டெல் அல்லது ஏஎம்டி அடிப்படையில் இயங்கும் அனைத்து கணினிகளிலும் 32வகையான மெய்நிகர் சிபியுவரை இயங்கிடுமாறு நிறுவுகை செய்து செயல்படுத்திட முடியும் அதனைதொடர்ந்து அவைகளில் தனித்தனியாக செயல்படும் யூஎஸ்பி சாதனங்களை இணைத்து அதற்கென தனியான இயக்கிகள் இல்லாமலேயே இதிலுள்ள யூஎஸ்பி கட்டுபாட்டாளர் மூலம் செயல்படுத்திடமுடியும்

அவ்வாறே கணினித்திரைகளும் ஒவ்வொரு மெய்நிகர் இயக்கமுறைமைக்கேற்றவகையில் திரைத்துல்லியத்தை மாற்றியமைத்துகொள்கின்றது

இதனை https://www.virtualbox.org என்ற தளத்திற்கு சென்று நமக்குத்தேவையான வகையை தெரிவுசெய்து பதிவிறக்கம்செய்தபின் நிறுவுகைசெய்து இயக்குக பின் இடதுபுறமூலையில் உள்ள newஎன்ற பொத்தானை தெரிவுசெய்து சொடுக்குக உடன் New virtual machine என்ற வழிகாட்டி திரை தோன்றிடும் அதில் உள்ள வாய்ப்புகளில் நாம்விரும்பும் இயக்கமுறைமையை அதற்கான பட்டியலிலிருந்து தெரிவுசெய்து சொடுக்குக.

அதன்பின்னர் நம்முடைய கணினியில் உள்ள ரேமின் அளவை மெய்நிகர் கணினியில் நிறுவுகை செய்யவிருக்கும் இயக்கமுறைமைகளின் எண்ணிக்கைக்கு ஏற்ப பிரித்து அமைத்து கொள்க

பிறகு இந்த இயக்கமுறைமை செயல்படுவதற்கான புதிய வன்தட்டினை இணைத்து கொள்வது அல்லது தற்போது கணினியில் உள்ள வன்தட்டினையே புதியதற்கும் குறைந்தது 8ஜிபி அளவுஒதுக்கிகொள்வது ஆகிய இரு வாய்ப்புகளில் நம் விருப்பபடி தெரிவுசெய்துகொண்டு create new hard disc என்ற பொத்தானை தெரிவுசெய்து சொடுக்கியவுடன் Virtual Disk Image(VDI),Virtual Machine Disk(VMD),Virtual hard Disk(VHD),Parallels Hard Disks(HDD) ஆகிய நான்குவாய்ப்புகளில் ஒன்றை தெரிவுசெய்து(முதல் வாய்ப்பினை தெரிவுசெய்துகொள்ளுமாறு பரிந்துரைக்கபடுகின்றது) கொள்க

பின் Dynamically allocated என்பதை தெரிவுசெய்து கொள்க இதன்மூலம் மெய்நிகர் கணினிசெயல்படும்போது மட்டும் தேவைப்படும் வன்தட்டு நினைகத்தை எடுத்துகொள்ளும் செயல்படாதபோது வன்தட்டு நினைவகத்தை ஆக்கிரமிப்பு செய்துகொள்ளாது

அடுத்து தோன்றிடும் திரையில் இதுவரையில் செய்தவந்த செயலின் விவரங்களை சுருக்கமாக காண்பிக்கும் உடன் create disk என்ற பொத்தானை தெரிவுசெய்து சொடுக்குக

அதன்பின் create virtual machine என்ற பொத்தானை தெரிவுசெய்து சொடுக்கியவுடன் virtual box manager என்ற முதல் திரைக்கு செல்லும் அங்கு நாம் உருவாக்கிய முதல் மெய்நிகர் கணினிஇருப்பதை காணலாம் அதில் Settings என்ற தாவியின் திரையில் தேவையான அமைவிற்கான வாய்ப்புகளை தெரிவுசெய்து சொடுக்கி இந்த செயலை முடிவிற்கு கொண்டுவருக.

பின் இதனுடைய start என்ற பொத்தானை தெரிவுசெய்து சொடுக்கியவுடன் தோன்றிடும் திரையில் நாம் நிறுவுகை செய்யவிரும்பும் இயக்கமுறைமைக்கான குறுவட்டினை அதற்கான வாயிலில் உள்நுழைவுசெய்து வழக்கமான இயக்கமுறைமையை நிறுவுகை செய்வதை போன்றே நிறுவுகை செய்து கொள்க

இவ்வாறே ஒன்றிற்கு மேற்பட்ட மெய்நிகர்கணினியையும் அதில் தேவையான இயக்கமுறைமைகளையும் நிறுவகை செய்து ஒரேசமயத்தில் அனைத்து இயக்கமுறைமைகளையும் செயல்படுத்தி பயன்படுத்திகொள்க

நன்றி : விக்கி