மாயனின் நாள்காட்டி ........ ......

அன்றைய நாளுக்கான தூரம்
அதிகமில்லை....21.12 .2012
நெருங்க நெருங்க மக்களின்
மனதில் பீதி அதிகரித்தது....!
பலர் திரையரங்குகளில்
திரைப்படங்களைப் பார்த்து
இன்பமாய் பொழுதுபோக்கினர் !
பலர் தனுக்குப் பிடித்த
உணவு வகைகளை
ஒரு கை பிடித்தனர் !
இன்னும் பலர் சேமித்து வைத்திருந்த
பணத்தில் வித விதமான
வண்ண ஆடைகளை வாங்கி
உடுத்தி மகிழ்ந்தனர் !
இளவட்டங்கள் தத்தம் காதலன்
காதலிகளோடு உல்லாசமாய்
நேரங்களை அனுபவித்தனர்!
வயதில் பெரியோர்கள் தங்கள்
மத நூல்களைப் படித்து
இறைவழிபாட்டில் ஈடுபட்டனர்!
வட்டிக்கு பணம் கொடுத்தவர்கள்
வட்டிச் சலுகை கொடுத்து
முதலை வசூலித்தனர்!
ஆசிரியர்கள் மாணவர்களிடம்
அன்பாய் பேசி பாடம் நடத்தாமல்
கதை சொல்லி பட்டு பாடியே
வகுப்புகளில் நேரம் கடத்தினர்!
அனைத்து மத ஆலயங்களிலும்
தொடர்ந்து வழிபாடுகள்!
வானத்தையும் கடலையும்
பூமியின் மேற்பரப்பையும்
ஆராய்ச்சி செய்தவண்ணம்
விஞ்ஞானிகள் !
மக்கள் அனுபவிக்கட்டும்
என பல கட்டுப்பாடுகளை
தளர்த்தியவாறு அரசாங்கம்!
சுற்றுலா மையங்களில்
வழக்கத்துக்கு மாறான கூட்டம்!
டிசம்பர் இருபத்தி ஒன்று ......
உலகின் இறுதியென கட்டுரைகளும்
கவிதைகளும் அதிக அளவில்
ஈகரை இணையத்தில் பதிவாயின!
ஊடகங்களின் நேரலை
உரையாடல்கள் இரவு பகலாய்!
இத்துணை பரபரப்புகளும் பீதிகளும்
இயல்புநிலையை புரட்டிப்போட்டன....
ஆனால் பறவைகளும், நதிகளும்
வானும், மலையும், மேகங்களும்
பகல் இரவு சூரிய சந்திரனும்
விண்மீன் கூட்டங்களும்
வீசும் தென்றலும், மணம் பரப்பும்
மலர்களும் ..... அத்துணை இறைவனின்
இயற்கை எழில்களும்............
தன்னிலைப்பாட்டிலிருந்து விலகவே இல்லை.....!
மாயனின் நாள்காட்டி ........ நிலையிலா
மானுடத்துக்கு மட்டுமே என்பதாலோ!

............கா.ந.கல்யாணசுந்தரம்

by பாலாஜி Thu Dec 06, 2012 2:14 pm

அருமையான கவிதை ....

ஆனால் பறவைகளும், நதிகளும்
வானும், மலையும், மேகங்களும்
பகல் இரவு சூரிய சந்திரனும்
விண்மீன் கூட்டங்களும்
வீசும் தென்றலும், மணம் பரப்பும்
மலர்களும் ..... அத்துணை இறைவனின்
இயற்கை எழில்களும்............
தன்னிலைப்பாட்டிலிருந்து விலகவே இல்லை.....!
மாயனின் நாள்காட்டி ........ நிலையிலா
மானுடத்துக்கு மட்டுமே என்பதாலோ!

சூப்பருங்க