2012 டிசம்பர் 21, 11 மணி 11 நிமிடம் 11 நொடிகள் ???!!!

**Aathira** · **Aathira** Sun Nov 25, 2012 11:25 pm

First topic message reminder :

2012 டிசம்பர் 21, 11 மணி 11 நிமிடம் 11 நொடிகள் ???!!! - Page 4 Maya-calendar

198 days
4758 hours
285503 minutes
17130227 seconds

இது என்ன என்று கண்களை அகல விரிப்பது புரிகிறது. எனக்கும் கூட அச்சம் கலந்த ஆச்சரியம்தான். இந்தக் கட்டுரையை நான் எழுதத் தொடங்கிய போது, உலகம் அழிய இன்னும் இருக்கக் கூடியதாக காட்டிய காலம் இது. 198 நாட்கள் 4758 மணிகள் 285503 நிமிடங்கள் 17130227 நொடிகள். டிசம்பர் மாதம் 21 ஆம் நாள் 11 மணி 11 நிமிடம் 11 நொடிகளில் உலகம் அழிய இருப்பதாக மாயன் காலண்டர் அறிவித்த செய்தி

அன்று இரவு கடந்து, பொழுது விடியாது. கதிரவன் வானில் உதிக்காது. உலகம் தன் முடிவைச் சந்தித்தே தீரும்; பூமியில் மரண ஒலியும் அழுகையும் கேட்கும், என்று இன்று உள்ள கிரேக்க புராதன கலாச்சார அடையாளங்களில் சில குறிப்புகள் பதிவு செய்யப் பெற்றுள்ளன என்கின்றனர்.

இவை பரவலாக, தொலைக்காட்சியில், இதழ்களில் எல்லாம் வலம் வந்து கொண்டுஇருக்கின்றது. இது எந்த அளவு உண்மை என்பதை அறிய என்னோடு உங்களுக்கும் ஆவலாக இருக்கும்.

காலச்சக்கரம் தன் சுழற்சியை நிறுத்திக் கொள்ளுமா? நாட்கள் முடிந்து நாமும் முடிந்து விடுவோமா? அப்படியென்றால் அழிவு எப்படி நிகழும்? இப்படிப்பட்ட வினாக்கள் அடுக்கடுக்காக நம்மில் எழுந்து சற்று அச்சுறுத்துகின்றன.

உலகம் அழியப் போகிறது என்று கடந்த 12 ஆண்டுகளுக்கு முன்பு பலர் கூறினர். அதாவது 2000ம் ஆண்டில் ஏசு கிறிஸ்து திரும்பவும் உலகில் வருவார் என்றும், அத்துடன் உலகம் அழிந்து போய் விடும் என்றும் ஒரு சாரர் கூறினர். அப்போது அந்த அச்சத்தால், பீதியால் அழிந்தவர்கள் பலர்.

இதே போலத்தான் 2000ம் ஆண்டிலும் பெரும் பிரளயங்களோ, வேறு வகையான மாபெரும் இயற்கை சீற்றங்களோ நேர்ந்திடும்; அதன் மூலம் உலகம் அழிந்து விடும் என்று கிளம்பிய புரளியால் இருக்கும்போதே அனுபவித்து விடுவோம் என்று பலரும், அதற்கு முன் நானே அழிந்து விடுகிறேன் என்று பலரும், பீதி முகத்தோடு பலரும் அலைந்ததை நாம் கண்கூடாகக் கண்டோம். இப்போதும் சற்றேறக்குறைய அதே நிலைதான்.
அறிவியலாரும் சில பிரச்சனைகளுக்கு விடை தேடி, அது கிடைக்காத வேளையில் பண்டைய அல்லது புராதனத்தில் என்ன இருக்கிறது என்று தேட ஆரம்பிக்கின்றனர்.
இப்போது உலகம் அழிவதாக பீதியைக் கிளப்பி விட்டது மாயன் காலண்டர். நமக்குத் தெரிந்ததெல்லாம் ஆங்கில நாளிதழ் விட்டால் பாம்பு பஞ்சாங்கம். அது என்ன மாயன் காலண்டர். இந்த காலண்டரைக் கணித்தவர் யார்? பிரிண்ட் பண்ணியவர் யார்? எங்கு விற்கப்படுகின்றன? என்பதைப் பற்றியெல்லாம் தெரிந்து கொள்ள வேண்டும்.

கிமு 2000 ஆண்டுகளுக்கு முன்பு தென் அமெரிக்காவில் மாயா (மாயன்) என்ற ஓர் இனம் இருந்தது. சுமார் 3500 ஆண்டுகள் வாழ்ந்த இந்த இனம் 15-ம் நூற்றாண்டில் அழிந்ததாகக் கூறப்படுகின்றது. இந்த இனத்தினர் விஞ்ஞானிகளைவிடவும் புத்திசாலியாக வாழ்ந்ததாகச் வரலாற்றுச் சான்றுகள் உள்ளன. மாயன் இனத்தவர் கட்டிடக் கலை, வான சாஸ்திரம், ஜோதிடம், அமானுஷ்யம், கணித சூத்திரம் போன்ற அனைத்துக் கலைகளிலும் தேர்ச்சி பெற்ற வித்தகர்களாக இருந்திருக்கின்றனர் என்கிறது வராலாறு.

நம் மகாபாரதத்திலும் மயன் என்று கட்டடக்கலை வல்லுநன் இருந்ததாகவும் அவனே பாண்டவர்களின் மாளிகையைக் கட்டியதாகவும் கேட்டிருக்கிறோம். மாயன் இனத்தாருக்கும் இந்த மகாபாரத மயனுக்கும் ஏதேனும் தொடர்பு இருக்குமா என்பது ஆராயத்தக்கது. இது ஒருபுறம் இருக்கட்டும்.

மாயன் நாகரிகம நம் ஆதிவாசிகள் என்றழைக்கப்பெறும் பழங்குடியினரின் நாகரிகம் போன்றது எனலாம். ஆனால் இவர்களது நாகரிகத்தில் மனிதனைப் பலிகொடுக்கும் முறை இருந்து வந்துள்ளது என்பதை அறிய முடிகிறது. அறிவியல் தொலைநோக்குப் பார்வையும் அதே வேளையில் காட்டுமிராண்டித் தனமும் நிறைந்தவர்கள் இந்த மாயன்கள். கி.மு.2600 ல் தோன்றி உச்சத்தை அடைந்த இவர்களின் நாகரிகம் ஸ்பெயின் நாட்டவர் குடியேற்றத்தாலும், சில மூட நம்பிக்கைகளாலும் அங்காளி பங்காளி சண்டைகளாலும் முறையற்ற விவசாயம் முதலிய காரணிகளாலும் அழிந்து இருக்கலாம் என்கின்றனர் ஆய்வாளர்கள். ஆனால் இன்றும் சுமார் 6 இலட்சத்திற்கும் மேல் மாயன்கள் மெக்சிகோ, குவாத்திமாலா ஆகிய நாடுகளில் வசிப்பதாக கூறப்படுகின்றது.

இந்த மாயன் இனத்தினர் முக்காலமும் காட்டக்கூடிய நாட்காட்டியைப் பயன்படுத்தி வந்துள்ளனர்.

மாயன் காலண்டர் என்றழைக்கப்படும் இந்த நாட்காட்டி இன்றும் மெக்ஸிகோவில் உள்ள அருங்காட்சியகத்தில் (MUSEO NATIONAL DE ANTROPOLOGIA) பார்வைக்கு வைக்கப்பட்டிருக்கிறது.

மிகவும் வியக்கத்தக்க விஷயம் இந்த நாட்காட்டியில் ஒவ்வொரு வருடமும் நாட்காட்டியில் வராத நாட்கள் என்று சில நாட்களை, வாழ்க்கையைச் சுதந்திரமாக ரசிக்க, கொண்டாட என்று ஒதுக்கி வைத்துக் கொண்டிருந்தனர். மாயன் நாட்காட்டியில் சூரிய வருடத்தின் கடைசி 5 நாட்கள் அடுத்த வருடத்திற்கான மாற்றத்திற்கும் அதற்காகத் தயார் படுத்துவதற்காகவும் என்று கணக்கிடப் பட்டு அவை “பெயரில்லாத நாட்கள்” என்று பெயரிடப்பட்டுள்ளன. பூமியின் அசைவைக் கணக்கிட்டு இந்தக் காலண்டரைக் கணித்துள்ளனர் என்பதும் ஆயிரக்கணக்கான ஆண்டுகளுக்கானது இக்காலண்டர் என்பதும் அறிந்து கொள்ள வேண்டிய ஒரு அதிசயத் தகவல்.

கி.மு. 313 ல் தொடங்கிய இந்நாட்காட்டி டிசம்பர் 2012ஆம் ஆண்டு 21ம் தேதியுடன் முடிவடைவதாக உள்ளது. உடனே நம் நாட்காட்டியும் ஒரு ஆண்டு முடிந்ததும் முடிவடைகிறதே. அப்போது ஒவ்வொரு ஆண்டும் உலகம் அழிகிறது என்று கூறலாமா என்றெல்லாம் அறிவார்ந்த கேள்விகளைக் கேட்கக் கூடாது.

ஆண்டுக்கொருமுறை அச்சடிக்கும் காலண்டர் போல அல்ல மாயன் காலண்டர். தேர்ந்த ஞானத்தால் பல்லாயிரம் ஆண்டுகளுக்கு முன்னரே எதிர்காலத்தைக் கண்டு சொன்னது. அதனால் அன்றோடு உலகமும் முடிந்துவிடும் என்கின்றனர். இதையும் அவர்கள் சும்மா ஏனோ தானோ என்று கூறவில்லை. கணக்குப் போட்டே கூறியுள்ளனர் என்றும் கூறுகின்றனர் ஆய்வாளர்கள்.

அதாவது சூரிய மண்டலத்திற்கு ஒரு வாரம் என்பது பூமியைப் பொறுத்தவரை 25,625 வருடங்களாம்.. கிருத யுகம், திரேதாயுகம், துவாபர யுகம், கலியுகம் என்று நம்மவர்கள் நான்காகப் பிரித்துள்ளது போல மாயன் காலண்டரும் சூரியனின் ஒரு வாரத்தின் அல்லது பூமியின் 25,625 வருடங்களை ஐந்து காலக் கட்டங்களாகப் பிரிக்கிறது. நம்மவர்களின் கணக்குப் படி தற்போது கலியுகம் நடைபெறுகிறது. கலியுகம் முடிந்து மீண்டும் கிருத யுகம் தோன்றும் என்கிறது.

இவை ஒவ்வொன்றும் வெவ்வேறு கால அளவுகளைக் கொண்டன. இவற்றுட் சிறிய யுகமான கலியுகம் நான்கு இலட்சத்து முப்பத்து இரண்டாயிரம் (4,32,000) ஆண்டுகள் கொண்டது. துவாபர யுகம் கலியுகத்திலும் இரண்டு மடங்கு கால அளவு கொண்டது. இது 8,64,000 ஆண்டுகளையும், கலியுகத்திலும் மூன்று மடங்கு பெரியதான திரேதா யுகம் 12,96,000 ஆண்டுகளையும் கொண்டன. கிருத யுகம் மொத்தம் 17,28,000 ஆண்டுகள் கொண்டது. இது கலியுகத்தின் நான்கு மடங்கு பெரியதாகும்.என்றும் கூறப்படுகின்றது. (நன்றி விக்கிபீடியா)

நாம் இப்போது இறுதி யுகமாகிய கலியுகம் நடைபெறுகின்றது என்று கூறுவது போலவே, மாயன் காலண்டரும் இப்போது அவர்கள் கணக்குப்படி இறுதி யுகமான ஐந்தாவது யுகம் நடைபெறுகின்றது என்கின்றனர். அந்த ஐந்தாவது யுகத்தின் முடிவு நாள் தான் மேற்கூறிய 21.12.2012, 11.11.11.
(கலியுகம் அடுத்த இதழில் தொடரும்)

(இந்தக் கட்டுரை சோழ நாடு ஜுலை மாத இதழில் இடம்பெற்றது. நன்றி சோழநாடு)

**ரா.ரா3275** · **ரா.ரா3275** Sun Nov 25, 2012 11:54 pm

யினியவன் wrote:
ரா.ரா3275 wrote:அவரு கொலவெறியா குத்தாட்டம் போட்டுட்டுத்தான் இப்போ இனியவனா குனிஞ்சிட்டார்...இல்ல திரிஞ்சிட்டார்...இந்தப் பால் திரிஞ்சிப் போகுமே அது மாதிரி...
பால் திரிஞ்சா தயிர்
திராட்சை திரிஞ்சா வொயின்
நா திரிஞ்சா ஊர் சுத்தறேன்னு சொல்லணும் ராரா

அண்ணா...நீங்க எம்.ஜி.ஆர். வாரிசு...உலகம் சுற்றும் வாலி'பன்'...

அசுரன் · அசுரன் Sun Nov 25, 2012 11:55 pm

பூவன் wrote:
யினியவன் wrote:
அசுரன் wrote: நீங்க தேவின்னு சொன்னது சாமியை தானே இனியவன் அங்கிள்
உங்களுக்கு உங்க பசங்களே பெட்டர்ப்பா - இப்படி வெள்ளந்தியான வாத்தியாரா?

அவரு கொஞ்சம் லேட் பிக் அப்

என்னாது பிக்அப்பா!... எங்கப்பா
2012 டிசம்பர் 21, 11 மணி 11 நிமிடம் 11 நொடிகள் ???!!! - Page 4 Resize_20110317132651

**ரா.ரா3275** · **ரா.ரா3275** Sun Nov 25, 2012 11:56 pm

Aathira wrote:
பூவன் wrote:
ரா.ரா3275 wrote:
Aathira wrote:
ரா.ரா3275 wrote:ஆராய்ச்சிக் கட்டுரை அசத்தல் ஆரம்பம்...2012 படம் மாதிரி பயமால்ல இருக்கு உங்க கட்டுரை...
நிறைமதியாளர் என்றால் சும்மாவா...பேரக் கேட்டாலே சும்மா அதிருதில்ல...
ரா.ரா. வேண்டாம். நா அழுதுடுவேன்.

நோ நோ...நீங்க அழக்கூடாது...அழுதீங்கன்னா உங்கள ரொம்ப தேம்பி தேம்பி அழ வைக்க பூவன் வந்து கவிதை சொல்லுவாரு...

அவங்களுக்கும் கவிதையா நான் இல்ல அக்கா என் மேல ஒரு கொலைவெறி தாக்குதல் அதான் உங்களை தாக்குறாங்க ...இப்போ
இப்போ..என் மேலயா? நான் தாங்க மாட்டேன்னு சொல்லுங்க

பூவன் கவிதைக்கு ஆளப் பார்த்து தாக்கும் ஓரவஞ்சனைலாம் இல்லவே இல்ல...சும்மா சகட்டுமேனிக்கு சமதர்மத் தாக்குதல்தான்...அதனால நீங்க அலறினாலும் அந்தக் கவிதை விடாது...

பூவன் · பூவன் Sun Nov 25, 2012 11:56 pm

ரா.ரா3275 wrote:
யினியவன் wrote:
ரா.ரா3275 wrote:அவரு கொலவெறியா குத்தாட்டம் போட்டுட்டுத்தான் இப்போ இனியவனா குனிஞ்சிட்டார்...இல்ல திரிஞ்சிட்டார்...இந்தப் பால் திரிஞ்சிப் போகுமே அது மாதிரி...
பால் திரிஞ்சா தயிர்
திராட்சை திரிஞ்சா வொயின்
நா திரிஞ்சா ஊர் சுத்தறேன்னு சொல்லணும் ராரா

அண்ணா...நீங்க எம்.ஜி.ஆர். வாரிசு...உலகம் சுற்றும் வாலி'பன்'...

அவரு ஊரு பேரு சுற்றும் வாலிபன்

அச்சலா · அச்சலா Mon Nov 26, 2012 12:07 am

Aathira wrote:
அச்சலா wrote:அடடா...இப்பவே பயமும் ,பீதியும் உருவாகுதே!!
நான் நிலவுக்கு போக போறேன்..
அப்ப நான் எஸ்கேப் ஆகலாம் போல...
போகும் போது அந்த லேப் டாபை எடுத்துப் போங்க. அப்பப்ப சாட்டலைட் மூலமா எல்லாத்தையும் ரிலே பண்றாங்களாம். பாக்கலாம்.

ஆகா...அங்கையுமா..

அசுரன் · அசுரன் Mon Nov 26, 2012 12:11 am

அப்போ ரிலே பண்ணுற இடத்தில் ஒளிஞ்சிக்குறேன்.. மூனுக்கு போகுற செலவாச்சம் மிச்சம் ஆகும். ரிலாக்ஸ்

**Aathira** · **Aathira** Mon Nov 26, 2012 12:14 am

அசுரன் wrote:அப்போ ரிலே பண்ணுற இடத்தில் ஒளிஞ்சிக்குறேன்.. மூனுக்கு போகுற செலவாச்சம் மிச்சம் ஆகும்.

கஞ்ச பிரபு.. கஞ்ச மகா பிரபு

பூவன் · பூவன் Mon Nov 26, 2012 12:15 am

அசுரன் wrote:அப்போ ரிலே பண்ணுற இடத்தில் ஒளிஞ்சிக்குறேன்.. மூனுக்கு போகுற செலவாச்சம் மிச்சம் ஆகும்.

2012 டிசம்பர் 21, 11 மணி 11 நிமிடம் 11 நொடிகள் ???!!! - Page 4 -moon-a

எங்க இங்கயா

அச்சலா · அச்சலா Mon Nov 26, 2012 12:16 am

அசுரன் wrote:அப்போ ரிலே பண்ணுற இடத்தில் ஒளிஞ்சிக்குறேன்.. மூனுக்கு போகுற செலவாச்சம் மிச்சம் ஆகும்.

அது சரி..,மூன் ஒன்னும் சிறியது கிடையாது...

அசுரன் · அசுரன் Mon Nov 26, 2012 12:16 am

Aathira wrote:
அசுரன் wrote:அப்போ ரிலே பண்ணுற இடத்தில் ஒளிஞ்சிக்குறேன்.. மூனுக்கு போகுற செலவாச்சம் மிச்சம் ஆகும்.
கஞ்ச பிரபு.. கஞ்ச மகா பிரபு

Sponsored content · Sponsored content

2012 டிசம்பர் 21, 11 மணி 11 நிமிடம் 11 நொடிகள் ???!!!

2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

Re: 2012 டிசம்பர் 21, 11 மணி 11 நிமிடம் 11 நொடிகள் ???!!!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக