உலகின் மிகப் பழமையான விலங்கு! (நகைச்சுவை)

ஆரூரன் · ஆரூரன் Sat 24 Nov 2012 - 8:50

ஒருவர்: தூங்கும்போது கொசு கடிக்காம இருக்கணும்னா என்ன செய்யணும்?
மற்றவர்: எல்லாக் கொசுவும் தூங்கின பிறகு தூங்கணும்..!

ஆசிரியர்: ஏய் முட்டாள், என்ன சாக்ஸ் போட்டுருக்கே நீ? ஒரு கால்ல நீலக்கலர் சாக்ஸ், இன்னொரு கால்ல கருப்பு நிற சாக்ஸ்... அறிவிருக்கா உனக்கு?
மாணவன்: அதான் சார்... எனக்கும் ஆச்சரியமா இருக்கு! இதே மாதிரி இன்னொரு ஜோடி வேற எங்க வீட்டுல இருக்கு... என்ன பண்றதுன்னு தெரியலே...

பாபு: இரக்கம் உள்ள கிழங்கு எது, சொல்லு பார்க்கலாம்..?
கோபு: தெரியலையே... என்ன கிழங்கு?
பாபு: கருணைக் கிழங்கு..!

சஞ்சு: வெய்யிலை விட மழைதாண்டா உயர்வு...
பஞ்சு: எப்படிடா..?
சஞ்சு: கடுமையான மழை வந்தால் ஸ்கூல் லீவு விடறாங்க... எவ்வளவு வெயில் அடிச்சாலும் கண்டுக்கிறதே இல்லையே!

ஆசிரியர்: உலகின் மிகப் பழமையான விலங்கு எது?
மாணவன்: வரிக்குதிரைதான்...
ஆசிரியர்: எப்படி?
மாணவன்: அதுமட்டும்தான் இன்னும் ப்ளாக் அண்ட் ஒயிட்லேயே இருக்கின்றது..!

தந்தை: டாக்டர் பல்லைப் புடுங்கறப்போ, கத்தினியா..?
மகன்: நான் கத்தலை அப்பா... டாக்டர் கையைக் கடிச்சுட்டேன், அதனால அவருதான் கத்தினாரு..!
(நன்றி - சிறுவர் மணி)