வீரபாண்டி ஆறுமுகம் மரணம்

by **ரா.ரா3275** Fri Nov 23, 2012 12:48 pm

திமுகவின் முக்கிய தலைவரும், முன்னாள் அமைச்சருமான வீரபாண்டி ஆறுமுகம் இன்று காலை மரணமடைந்தார். 75 வயதாகும் வீரபாண்டி ஆறுமுகம், உடல்நல குறைவு காரணமாக கடந்த சில வாரங்களாக சென்னையில் சிகிச்சை பெற்று வந்தார். சேலம் மாவட்ட திமுக தலைவராகவும் இருக்கும் வீரபாண்டி ஆறுமுகத்தின் மரணம் திமுகவினருக்கு அதிர்ச்சியை அளித்துள்ளது.

தற்போதைய அதிமுக ஆட்சியில், பல்வேறு வழக்குகள் தொடரப்பட்டு சில காலம் சிறையில் அடைக்கப்பட்டு இருந்தார். திமுகவின் சார்பாக 6 முறை சட்டமண்ற உறுப்பினராக தேர்ந்தெடுக்கப்பட்ட ஆறுமுகம், முக்கிய அமைச்சராகவும் இருந்துள்ளார். இவரது மரணத்தையடுத்து 3 நாட்கள் கட்சி ரீதியான துக்கம் அனுஷ்டிக்கப்படுவதாக திமுக அறிக்கை வெளியிட்டுள்ளது.

நன்றி : http://www.inneram.com/news/tamilnadu-நியூஸ்

by யினியவன் Fri Nov 23, 2012 12:49 pm

குடும்பத்தினருக்கு இரங்கல்கள்.

by **ரா.ரா3275** Fri Nov 23, 2012 12:57 pm

ஏறக்குறைய 30 ஆண்டுகளுக்கும் மேலாக தி.மு.க.வின் சேலம் மாவட்டச் செயலாளராக இருந்து வந்தவர்(இன்று காலை வரை).

முரண்பாடுகள் இருந்தாலும் சேலம் மாவட்டத்தில் இவர்தான் தி.மு.க. என்ற நிலையே இதுவரை இருந்து வந்தது.

கடும் கோபக்காரர் என்றாலும் தொண்டர்களுடன் நல்ல தொடர்பில் இருந்தவர்.

கலைஞரையே எதிர்த்துப் பேசும் தைரியம் கொண்ட தி.மு.க.வினரில் மிக முக்கியமானவர்களில் இவரும் ஒருவர் என்பது குறிப்பிடத்தக்கது.

அரசியல் ரீதியான குற்றச்சாட்டுகள் மாச்சர்யங்கள் இருந்தாலும் எங்கள் சேலம் மாவட்ட அரசியலுக்கு இது மிகப்பெரும் இழப்பே.