கார் விளம்பரத்திற்காக பிகினி உடையில் 5 வயது சிறுமிகளை பயன்படுத்திய சீன கார் கம்பெனிக்கு எதிர்ப்பு.

கார் விற்பனை கண்காட்சியில், பிகினி உடையில் சிறுமிகளை பயன்படுத்துவதற்கு சீனாவில் கடும் எதிர்ப்பு கிளம்பி உள்ளது. சீனாவின் மத்திய பகுதியில் உள்ள ஹுபேய் மாகாணத்தின் உஹான் நகரில், கடந்த 16ம் தேதி, சுடியான் ஆட்டோ கல்சர் பெஸ்டிவல் நடந்தது. இதில் பிரபல நிறுவனம் தனது சொகுசு கார்களை அறிமுகப்படுத்தியது. இதில் இளம் மாடல் அழகிகளுடன், சிறுமிகளும் பிகினி உடையில் வளைந்து நெளிந்து கார் பக்கத்தில் நின்றபடி போஸ் கொடுத்தனர். அந்த காட்சிகள் இன்டர்நெட்டில் வெளியாயின.

இதனால் பெரும் பரபரப்பு ஏற்பட்டது. சொகுசு கார்களை பிரபலப்படுத்தவும், விற்பனையை அதிகரிக்கவும் பிகினி உடையில் சிறுமிகளை பயன்படுத்துவதற்கு கடும் எதிர்ப்பு கிளம்பி உள்ளது. இதுகுறித்து நூற்றுக்கணக்கானோர் டுவிட்டரில் காரசாரமாக எழுதி தள்ளி வருகின்றனர். ஆனால், பிகினி உடையில் சிறுமிகளை மாடல்களாக பயன்படுத்துவதை கம்பெனி நியாயப்படுத்தி உள்ளது. சிறுவயதிலேயே அவர்களுக்கு தன்னம்பிக்கை வளரும். இந்த பிரச்னையை விரிவாக விவாதிக்க விரும்பவில்லை. கொஞ்ச நாட்களில் இந்த பரபரப்பு அடங்கி விடும் என்று கூறியுள்ளது. எனினும், சீனாவில் கலாசாரம், பாரம்பரியம் என்ன ஆனது?.

பிகினி உடையில் சிறுமிகள் போஸ் கொடுப்பதற்கும் கார் விற்பனைக்கும் என்ன சம்பந்தம்? பணம் மட்டுமே சீனாவில் இப்போது குறிக்கோளாக மாறிவிட்டதா? சமூக கண்ணியம் காற்றில் பறக்க விடப்பட்டுள்ளது என்றெல்லாம் விமர்சனம் எழுந்துள்ளது. ஆனால், கம்பெனி டைரக்டர் ஜாங் பிங் கூறுகையில், இன்டர்நெட்டில் சில்ட்ரன் அல்லது பிகினி என்று டைப் செய்து பாருங்கள். ஆயிரக்கணக்கான குழந்தைகள் பிகினி உடையில் மாடல்களாக இருப்பது தெரியும். மாடல்களாக வரும் குழந்தைகள், அவர்களுடைய பெற்றோரின் சம்மதத்துடன்தான் வருகின்றனர் என்கிறார். எனினும், சீனாவில் கடும் எதிர்ப்பு கிளம்பி உள்ளதால் பெரும் பரபரப்பு ஏற்பட்டுள்ளது.

நன்றி தமிழ் source

காசு பார்க்க என்ன வேணா செய்ய ரெடியா இருக்காங்க மக்கள். என்னத்த சொல்றது!!!