அறுவைச் சிகிச்சையில் ரோபோ

**சிவா** · **சிவா** Sun Nov 25, 2012 10:49 pm

1998-ம் ஆண்டு இந்தியாவில் இதய அறுவைச் சிகிச்சையில் முதல் முறையாக 'ரோபோ' பயன்படுத்தப்பட்டது. டெல்லி எஸ்கார்ட்ஸ் இதய மருத்துவ ஆராய்ச்சி நிலையத்தில் 16 வயது வங்காளதேச இளம்பெண்ணுக்கு நடந்த இதய அறுவைச் சிகிச்சையின்போது இந்த ரோபோ பயன்படுத்தப்பட்டது.

அறுவைச் சிகிச்சை செய்யும் டாக்டர், கணினி முன் அமர்ந்து கொண்டு நோயாளியின் இதயத்தைக் கணினியில் பார்ப்பார். அப்போது இதயம் 50 மடங்கு பெரியதாக தெரியும். அதைப் பார்த்து, ரோபோவுக்கு கொடுக்கும் கட்டளைப்படி அது அறுவைச் சிகிச்சை செய்யும்.

அமெரிக்காவிலும் ஐரோப்பாவிலும் ரோபோவே முழு அறுவைச் சிகிச்சை செய்யும் முறை, சோதனை ரீதியாகச் செயல்படுத்தப்பட்டு வருகிறது. ஆனால் மனிதர்களுக்கு இணையாக ரோபோக்களை பயன்படுத்த முடியாது என்று பல மருத்துவர்கள் கூறுகின்றனர்.