அகத்தியர் ஒருவரல்ல… பலர்!

**சாமி** · **சாமி** Thu Nov 22, 2012 3:01 pm

1 ) ஒரு அகத்தியர் தென்னாட்டில் பொதிகை மலையில் வசிப்பிடம் கொண்டு வண்டமிழ் வளர்த்தார். இவரது இயற்பெயர் தெரியவில்லை. அகத்தியர் என்பது காரணப்பெயர். அகத்தீயர் என்பது அகத்தியர் என்று குறுகியது. யோக நிலையில் பயிற்சிகள் மேற்கொண்டு உள்ளொளியைப் பெருக்கியவர், அகத்துள்ளே யோகத்தீயை வளர்த்த காரணத்தால், அகத்தீயர் எனப்பெயர் பெற்றார். அப்பெயர் மருவி அகத்தியர் என்று ஆயிற்று. இந்தச் செய்தி திருமந்திரத்தில் இரண்டாந்தந்திரத்தில் முதல் பாடலில் குறிப்பிடப்பட்டிருக்கிறது.

அகத்தீயை வளர்த்து அருள்நிலை ஏற்றம் பெற்ற அகத்தியர் சிவனுக்கு நிகராக வைத்து எண்ணப்பட்டார். ‘சிவனை நிகர் பொதியவரை முனிவன்’ என்று இவரை அருணகிரியார் குறிப்பிடுகிறார்.

2 ) இந்த அகத்தியர் வடநாட்டிலிருந்து தென்னாட்டிற்கு சிவனால் அனுப்பி வைக்கப்பட்டார். அகத்தீயை வளர்த்து நெற்றிக்கண் பார்வை பெற்றவர்கள் தென்தமிழ்நாட்டில் ஏற்கனவே பலர் இருந்தனர். அதனால் தமிழ்நாட்டின் ஒரு பகுதிக்கு ஒளிநாடு என்ற பெயர் உண்டு. அங்கிருந்தவர்களுக்கு ஒளியர் என்று பெயர். அங்கே சென்று ஒளிநிலை ஏற்றம் பெறுக என்று வடநாட்டு அகத்தியர் தென்னாட்டிற்கு அனுப்பப்பட்டார்.

அகத்தியர் வடக்கிலிருந்து தென்னாட்டிற்கு வருவதற்கு முன்பே இன்தமிழ் ஆய்ந்து கேள்வி உடைய சான்றோர் பலர் தமிழ்நாட்டில் இருந்தனர் என்று திருவிளையாடற்புராணம் கூறுகிறது.

(தொடரும்)

யினியவன் · யினியவன் Thu Nov 22, 2012 3:09 pm

பகிர்வுக்கு நன்றி சாமி.

அவ்வையாரும் அதேபோல் தான் வேறு வேறு கால கட்டத்தில் - மூன்று பேர் இருந்ததாக படித்திருக்கிறேன்.

றினா · றினா Thu Nov 22, 2012 4:37 pm

யாம் அறியா இலக்கியம் தந்தமைக்கு நன்றிகள்.

ஆரூரன் · ஆரூரன் Thu Nov 22, 2012 9:43 pm

சாமி wrote:அகத்தியர் வடக்கிலிருந்து தென்னாட்டிற்கு வருவதற்கு முன்பே இன்தமிழ் ஆய்ந்து கேள்வி உடைய சான்றோர் பலர் தமிழ்நாட்டில் இருந்தனர் என்று திருவிளையாடற்புராணம் கூறுகிறது.

நல்ல தகவல்!!!
இந்த அகத்தியர் தமிழை கற்றுக்கொள்ள வந்திருக்கிறார் அல்லவா?

Sponsored content · Sponsored content

அகத்தியர் ஒருவரல்ல… பலர்!

அகத்தியர் ஒருவரல்ல… பலர்!

Re: அகத்தியர் ஒருவரல்ல… பலர்!

Re: அகத்தியர் ஒருவரல்ல… பலர்!

Re: அகத்தியர் ஒருவரல்ல… பலர்!

Re: அகத்தியர் ஒருவரல்ல… பலர்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக