செங்கல் சேம்பர் அக்கிரமங்கள்

**சிவா** · **சிவா** Thu Nov 22, 2012 4:50 pm

https://fbcdn-sphotos-c-a.akamaihd.net/hphotos-ak-prn1/18115_172418649569832_673409990_n.jpg

கிரானைட் குவாரிகள் போல் மணிகட்டபடாத திருட்டு பூனைகள் இந்த செங்கல சூளைகள். இங்கு அரங்கேறும் சட்ட/சமூக விரோத செயல்ப
ாடுகள்தான் எத்தனை..? பட்டியல் கீழே,

1. வரி ஏய்ப்பு: இரண்டு கோடி ஆரம்ப முதலீடு; வருடம் ஏழு கோடி டர்ன்ஓவர். மூன்றரை கோடி வருட லாபம். குறைந்த பட்சம் 300 பேர் வேலை. ஆனால் விற்பனை வரி இல்லை; வருமான வரி கட்டுவது சில ஆயிரனங்களோடு சரி.

2.கனிம வள சுரண்டல்: விவசாய நிலம்/ஏரி/குளம் போன்றவற்றில் பெரும்பாலும் சட்ட விரோதமாக களிமண் திருடபடுகிறது. மாவட்ட நிர்வாகத்திற்கு கட்டவேண்டிய கனிம கட்டணங்கள் மிக மிக சொற்பம். ஒவ்வொரு செங்கல சூலையிலும் மலை போல் குவிந்திருக்கும் களிமண் அழிக்கப்பட்ட விவசாயத்தின் கதையை சொல்லும். புயல் வேகத்தில் ஒட்டப்படும் இந்த வண்டிகளில் அடிபட்டு இறந்தோர் எத்தனை பேர்.

3.கொத்தடிமை/தொழிலாளர் சுரண்டல்: இங்கு வேலை செய்வோர் பெரும்பாலும் கொத்தடிமை முறையில் பிடித்து வரப்படுவோர். தொழிலாளர் நலன்/தொழிற்சங்கங்கள்/மனித உரிமை என எதுவும் இங்கே அனுமதிக்கபடுவதில்லை. ஊரோடு ஒட்டாத தனிதீவுகளாகவே சூளைகள் உள்ளன.

4. சுற்று சூழல் சீர்கேடு: செங்கல்களை சுட கட்டைகளை பயன்படுத்தினர். பின்னர் நிலக்கரி. தற்போது பிளாஸ்டிக் கழிவுகளை விலை குறைவென்று எரிக்கிறார்கள். இது எவ்வளவு பெரிய தவறு என்று தெரியாமல்.

இவை மட்டும் இல்லாமல் குழந்தைகள் கல்வி மறுப்பு, பெண்கள் வன்கொடுமை பாலியல் கொடுமைகள் என போனஸ்களும் உண்டு.