சிறப்பான கவிதையில் என்ன என்ன இருக்க வேண்டும்

by சதாசிவம் Thu 22 Nov 2012 - 12:12

First topic message reminder :

புதுக்கவிதைக்கு இலக்கணம் என்ன என்ற தேடுதலில் இறங்கும் போது, ரசிக்கப்படும் அனைத்தும் சிறந்த கவிதைகளே என்ற விடையே மேலோங்கி இருக்கிறது. ஆயினும் கவிதை எழுத வேண்டும் என்று கற்பனையுடன் கற்க நினைக்கும் மாணவனுக்கு இது நிறைவில்லாத பதில் தான்.

புதுக்கவிதை சென்ற நுற்றாண்டின் மத்தியில் தழைத்து, செழித்து, படர்ந்து, வளர்ந்து வந்த போதிலும் ஆரம்ப காலக் கவிதைகளில் ஓர் ஒழுங்கு இருந்ததாகத் தெரிகிறது. தளை இலக்கணத்துக்கு கட்டுப்படாமல் இருப்பினும் அடி, சீர் எண்ணிகையில் ஒழுங்கு, மொழிப்புலமை, கற்பனைவளம் ஆகியவை உள்ளங்கை நெல்லிக்கனி போல் உணர முடிந்தது.

புலமை பெற்றவரை புலவர் என்று அழைக்கும் போது, கவிதை எழுதுபவரை கவிஞர் என்று அழைப்பதும் சரி என்ற நிலையில் இன்று நாம் இருப்பதாகத் தோன்றுகிறது. இந்நிலையில், கருத்து மட்டும் இருந்தால், அது கவிதை ஆகிவிடுமா? சரியான அல்லது சிறப்பான கவிதை எது என்ற கேள்விக்கு விடை, கைக்கெட்டா கனியாகவே உள்ளது.

தமிழ் இணையதளங்கள் பெருகி, கவிதைகளும் பெருகிவிட்டது. தினசரி செய்திகளைப் போல், கவிதைகளும் புற்றீசல் போல் வந்துகொண்டே இருக்கிறது. ஈசல்கள் போல் குறைந்த ஆயுளை கொண்டுள்ளது. உரைநடைகளை மடக்கி எழுதி கவிதையாய் செய்யும் வித்தையே காலூன்றி நிற்கிறது.

சிறப்பான கவிதையில் என்ன என்ன இருக்க வேண்டும், உறவுகள் தங்களின் மேலான கருத்தை தெரிவித்தால் கவிதை கற்க நினைப்பவனுக்கு மேலும் தெளிவு பிறக்கும்.

ஆவலுடன்....

by சதாசிவம் Sat 24 Nov 2012 - 12:40

இப்படி சொல்லிக்கொடுக்க முடிவு செய்தால் என்ன என்ன சொல்லிக் கொடுக்கலாம் என்ற தேடலே இத்திரியின் நோக்கம்.

கட்டுபாடுகள், வரைமுறைகள் ஒருவரின் சிந்தனையை சிறைபிடிக்கும் என்ற வாதம் நம் காதுகளில் ஒலித்துக் கொண்டிருந்தாலும், இதில் ஒளிந்து கொண்டிருக்கும் உண்மை குறைவு என்பதற்கு நம் சங்கப் பாடல்களே சாட்சி.

இத்திரியை அடுத்து என்ன என்ன பார்க்கலாம்

1. இன்றைய புதுக்கவிதையில் ஈர்ப்பை தாண்டி வேறு என்ன என்ன இருக்க வேண்டும்.
2. வளரும் கவிஞர், இடைநிலைக் கவிஞர், சிறப்புக் கவிஞர் இவர்களுக்குள்ளான வேறுபாடு என்ன, அல்லது கவிதையின் தரத்தை உயர்த்தச் செல்லும் படிகள் என்ன?

கவிதையை கற்போம்
கவியாய் நிற்போம்

சிறப்பான கவிதையில் என்ன என்ன இருக்க வேண்டும்

சிறப்பான கவிதையில் என்ன என்ன இருக்க வேண்டும்

Re: சிறப்பான கவிதையில் என்ன என்ன இருக்க வேண்டும்