கதவு திடீரென திறந்து விழுந்தார் டயரில் சிக்கி பஸ் டிரைவர் பலி

கிருஷ்ணகிரி அருகே அரசு டவுன் பஸ்சில் பக்கவாட்டு கதவு திடீரென திறந்து கொண்டதால் நிலைதடுமாறிய டிரைவர் ரோட்டில் விழுந்தார். பஸ்சின் பின் பக்க டயர் ஏறியதில் அவர் பரிதாபமாக உயிரிழந்தார்.தர்மபுரி மாவட்டம் அரியகுளம் கிராமத்தைச் சேர்ந்தவர் ஷாஜகான் (53). அரசு பஸ் டிரைவர். இவர் கிருஷ்ணகிரியில் இருந்து காவேரிப்பட்டணம் வழியாக கருத்தமாரம்பட்டிக்கு செல்லும் அரசு டவுன் பஸ்சில் டிரைவராக இருந்தார். நேற்று முன்தினம் இரவு 9 மணியளவில்கருத்தமாரம்பட்டிக்கு பஸ்ஸை ஓட்டிச் சென்றார். கண்டக்டராக மாது என்பவர் இருந்தார். சுமார் 15 பயணிகள் பஸ்சில் பயணம் செய்தனர். கிருஷ்ணகிரி அணை அருகே பழைய பையனப்பள்ளியில் பஸ் சென்று கொண்டிருந்த போது எதிரே ஒரு மோட்டார் சைக்கிள் வந்தது.ரோட்டின் இடது பக்கம் ஒகேனக்கல் குடிநீர் திட்டத்திற்கு குழாய் பதிப்பதற்காக பள்ளம் தோண்டி மண் கொட்டி வைக்கப்பட்டிருந்தது. பைக் மீது மோதாமல் இருப்பதற்காக ரோட்டோரம் ஒதுங்கிய போது இடது பக்கம் இருந்த மண் திட்டின் மீது பஸ்சின் டயர்ஏறியது. வலது பக்கம் சாய்ந்தபடி பஸ் சென்றது. அப்போது, டிரைவர் சீட் அருகேயுள்ள பக்கவாட்டு கதவு தானாக திறந்து கொண்டது. அதன் வழியாக டிரைவர் ஷாஜகான் நிலை தடுமாறி ரோட்டில் விழுந்தார். அவர் மீது பஸ்சின் பின் பக்க டயர் ஏறியது. இதில் உடல் நசுங்கி சம்பவ இடத்திலேயே டிரைவர் ஷாஜகான் பரிதாபமாக உயிரிழந்தார். கட்டுப்பாட்டை இழந்த பஸ் சிறிது தூரம் சென்று நின்றுவிட்டது. பஸ்சில் இருந்த பயணிகள் லேசான காயத்துடன் தப்பினர். விபத்தில் டிரைவர் உயிரிழந்ததை கண்டு பயணிகள் அதிர்ச்சி அடைந்தனர். இதுகுறித்து கிருஷ்ணகிரி அணை போலீசார் விசாரித்து வருகின்றனர்.

அரசு பஸ்களின் அவலநிலை ,அரசாங்கத்தின் அவலநிலையால் ஒரு உயிர் பறிபோனது ,

அடகடவுளே .....

சங்ககால மன்னர்கள் ஆட்சி செய்த நாடு ,இன்று அரசியல்வாதிகள் , அதிகாரிகள் கையிலும் படாதபாடு படுகிறது . மனிதர்கள் உயிருக்கு மதிப்பில்லை . பாவம் அவரது குடும்பத்தினர் . ஆழ்ந்த அனுதாபங்கள் .

இவரின் உயிர் இவ்வாறுதான் போக வேண்டும் என்று இறைவனின் ஏற்பாடு.

அவரின் ஆத்மா சாந்தியடையட்டும்.