நேருவின் ஆதிவாசி மனைவி

by **கேசவன்** Wed 21 Nov 2012 - 22:57

கர்பானா கிராமத்தைச் சேர்ந்த 15 வயது ஆதிவாசிச் சிறுமி புத்னி மெஜான். சந்தல் என்கிற ஆதிவாசிகள் இனத்தை சேர்ந்தவர். பஞ்சட் அணை கட்டுமாண பணியில் ஈடுபட்டு இருந்த கூலித் தொழிலாளிகளில் ஒருத்தி.

அப்போதைய பிரதமர் ஜவகர்லால் நேரு. அணையை திறக்க 1959 ஆம் ஆண்டு டிசம்பர் 06 ஆம் திகதி வந்திருந்தார். நேருஜிக்கு அமோக வரவேற்பு வழங்கப்பட்டது. நேருஜியை வரவேற்கின்ற குழுவில் புத்னி மெஜானும் மகிழ்ச்சியுடன் சேர்ந்து இருந்தார். ஆதிவாசிப் பெண்களுக்கு உரிய பாரம்பரிய ஆடை மற்றும் அணிகலன்களுடன் வரவேற்பு விழாவில் பங்கேற்றார். நேருவுக்கு மாலை அணிவிக்கின்ற பாக்கியம் புத்னி மெஜானுக்கு கிடைக்கப் பெற்றது.

மாலை அணிவித்த புத்னி மெஜானை மிகுந்த மகிழ்ச்சியுடன் மேடைக்கு கொண்டு சென்றார் நேருஜி. அணை கட்டுமாண வேலையில் ஈடுபட்டு இருந்த கூலித் தொழிலாளிகளில் ஒருவர்தான் அணையை திறந்து விட என்பது நேருஜியின் விருப்பமாக இருந்தது. புத்னி மெஜானைக் கொண்டே அணையை திறந்துவித்தார்.

இதனால் பெரிய மகிழ்ச்சி அடைந்தார் புத்னி மெஜான். இம்மகிழ்ச்சியை குடும்பத்தினர், உறவினர் ஆகியோருடன் பகிர்ந்து கொள்கின்றமைக்காக கிராமத்துக்கு ஓடோடி வந்தார். ஆனால் இவருக்கு இங்கு பேரதிர்ச்சி காத்து இருந்தது.

நேருஜிக்கு மாலையிட்ட காரணத்தால் புத்னி மெஜான் நேருஜியின் மனைவி ஆகி விட்டார் என்றும் சந்தல் இனத்தைச் சேர்ந்து இராத ஒருவரின் மனைவி என்பதால் சந்தல் இனத்தில் இருந்து விலக்கப்படுகின்றார் என்றும் ஊர்ப் பெரியவர்கள் கூடி தீர்ப்புக் கொடுத்து விட்டனர். இதனால் சமூக கட்டுப்பாட்டை மீற முடியாது என்கிற கட்டாயத்தில் புத்னி மெஜானின் குடும்பத்தினரும் சிறுமியை கைவிட்டு விட்டனர்.
நேருவின் ஆதிவாசி மனைவி Nehru2

சிறுமி அநாதை ஆக்கப்பட்டார். குடிக்கக்கூட எவரும் தண்ணீர் கொடுக்க முன்வரவில்லை. பஞ்சட் அணை கட்டுமாண பிரதேசத்துக்கு வந்தார். சிறுமியின் சோகக் கதையை கேட்ட சுதிர் தத் என்பவர் அடைக்கலம் கொடுத்தார்.

1962 ஆம் ஆண்டு புந்த்னி மெஜானின் வேலையும் பறி போனது. சிறுசிறு வேலைகளை அன்றாடம் செய்து குடும்பத்தை ஓட்டினார்.

23 ஆண்டுகள் கழித்து ராஜிவ் காந்தியை சந்தித்தார். தாமோதர் பள்ளத்தாக்கு கழகத்தில் வேலை பெற்றுத் தர வேண்டும் என்று வேண்டுதல் விடுத்தார். ராஜிவ் காந்தியின் தயவால் இவருக்கு வேலை கிடைத்தது.

இதன் மூலம் இவரது வயிற்றுப் பசி நீங்கப் பெற்றது. ஆனால் சொந்தக் கிராமத்துக்கு திரும்பிச் செல்ல எக்காலத்திலும் இவரால் முடியவே இல்லை. இவ்வேதனையுடனேயே கடந்த வருடம் புத்னி மெஜான் இறந்து விட்டார்.

http://thainaadu.com/read.php?nid=1346122870