காசா பகுதியில் சாவு எண்ணிக்கை 116 ஆக உயர்வு இஸ்ரேல் குண்டு வீச்சை நிறுத்துமா?

காசா பகுதியில் இஸ்ரேல் நடத்திய குண்டு வீச்சில் பலியானோர் எண்ணிக்கை 111 ஆக உயர்ந்தது. எனவே சமாதானம் பேச இஸ்ரேலுக்கு அமெரிக்க வெளியுறவுத்துறை மந்திரி ஹிலாரி கிளிண்டன் விரைந்தார். அங்கு இஸ்ரேல் பிரதமரை அவர் இன்று சந்தித்து பேசுகிறார்.

சாவு 116 ஆக உயர்வு

பாலஸ்தீன பகுதியிலுள்ள ஹமாஸ் இயக்கத்தினருக்கும், இஸ்ரேலுக்கும் இடையே கடந்த புதன்கிழமை மீண்டும் மோதல் ஏற்பட்டது. இதனால் இஸ்ரேல் போர் விமானங்கள் காசா பகுதியில் கடும் தாக்குதலில் ஈடுபட்டு வருகிறது. கடைசியாக நடத்திய குண்டு வீச்சில் மேலும் 30 பாலஸ்தீனியர் கொல்லப்பட்டனர்.

இதனால் இதுவரையில் குண்டு வீச்சுக்கு பலியானோர் எண்ணிக்கை 116 பேர் ஆக உயர்ந்தது. மேலும் 700–க்கும் மேற்பட்டோர் காயம் அடைந்தனர். ஏராளமான கட்டிடங்கள் இடிந்து தரைமட்டமாயின.

அத்துடன் தரைவழி தாக்குதலுக்காக இஸ்ரேல் எல்லைப்பகுதியில் 75 ஆயிரம் வீரர்களை குவித்துள்ளது. இதனால் கடும் சண்டை மூளும் அபாயம் நிலவுகிறது. மத்திய கிழக்கு நாடுகளில் பதற்றம் ஏற்பட்டுள்ளது.

சமாதான முயற்சி

எனவே காசா பகுதியில் சண்டை நிறுத்தம் ஏற்படுத்த எகிப்து ஜனாதிபதி முகமது முர்சி தீவிர முயற்சியில் ஈடுபட்டு வருகிறார். அரபு நாட்டு வெளியுறவு துறை மந்திரிகளும் காசா பகுதிக்கு சென்று சமாதான பேச்சு நடத்தி வருகிறார்கள்.

ஹமாஸ் இயக்கத்தினர் தாக்குதலை முதலில் நிறுத்தினால் தான் நாங்கள் குண்டு வீச்சை நிறுத்துவோம் என இஸ்ரேல் திட்டவட்டமாக கூறி விட்டது. ஆனால் இதை ஹமாஸ் ஏற்குமா? என்பது தெரியவில்லை.

பான் கி மூன் எச்சரிக்கை

இதற்கிடையில் இஸ்ரேல் தரைவழி தாக்குதல் நடத்த தயார் ஆவதற்கு ஐ.நா.சபை பொதுச்செயலாளர் பான் கி மூன் எச்சரிக்கை விடுத்துள்ளார். ‘இது சண்டையை மேலும் தீவிரப்படுத்தும், அபாயகரமானது. ஆகவே இது தவிர்க்கப்பட வேண்டும். இரு தரப்பினரும் உடனே குண்டு வீச்சை நிறுத்த வேண்டும்’ என அவர் குறிப்பிட்டுள்ளார்.

இத்துடன் அவர் கெய்ரோவில் அரபு லீக் தலைவர் நபில் எலாராபியை சந்தித்து பேச்சு நடத்தினார். பின்னர் இஸ்ரேல் சென்று பிரதமர் பெஞ்சமினையும் சந்திக்க இருக்கிறார். பாலஸ்தீன ஜனாதிபதி முகமூத் அப்பாசையும் சந்தித்து பேசுவார்.

இஸ்ரேல் மந்திரிசபை ஆலோசனை

ரஷியாவும் குண்டு வீச்சை உடனே நிறுத்த வேண்டும் என கோரிக்கை விடுத்துள்ளது. இதனை அடுத்து இஸ்ரேல் பிரதமர் பெஞ்சமின் நெதான்யாஹூ தலைமையில் மந்திரிசபை அவசர கூட்டம் நடந்தது. அதில் தற்போதைய நிலவரம் குறித்து விவாதித்தனர்.

அப்போது எகிப்தின் சமரசத்துக்கு மேலும் அவகாசம் கொடுக்கும் வகையில் தரைவழி தாக்குதல் எதையும் நடத்துவதில்லை என முடிவு செய்யப்பட்டது.

ஹிலாரி விரைந்தார்

கம்போடியாவில் நடைபெற்ற மாநாட்டில் அமெரிக்க ஜனாதிபதி ஒபாமாவுடன் வெளியுறவுத்துறை மந்திரி ஹிலாரி கிளிண்டன் கலந்து கொண்டார். ஒபாமாவின் உத்தரவின்பேரில் ஹிலாரி நேற்று மாலை இஸ்ரேலுக்கு அவசரமாக புறப்பட்டு சென்றார். அங்கு ஜெருசலேம் நகரில் அவர் இஸ்ரேல் பிரதமர் பெஞ்சமினை சந்தித்து சாமாதான நடவடிக்கை குறித்து பேசுகிறார்.

பின்னர் ஹிலாரி பாலஸ்தீனத்திலுள்ள ராமலா சென்று பாலஸ்தீன தலைவர்களையும், கெய்ரோவுக்கு சென்று எகிப்து ஜனாதிபதி முர்சியையும் சந்தித்து பேச்சு நடத்துகிறார்.

தாக்குதல் நிற்குமா?

காசா பகுதியில் சண்டை நிறுத்தம் ஏற்பட ஹிலாரி கிளிண்டனும், ஐ.நா.சபை பொதுச்செயலாளர் பான் கி மூனும் தீவிரமாக ஈடுபட்டு வருகிறார்கள். எனவே இஸ்ரேல் குண்டு வீச்சை நிறுத்துமா? என்பது ஓரிரு நாளில் தெரியவரும்.

தினத்தந்தி

அடடா பரிதாபம்...

அந்த படங்கள் மிக கொடூரமாக உள்ளன ... காண்க

இதயம் பலகீனம் உள்ளவர்கள் பார்க்க வேண்டாம்

Spoiler:

உங்கள் கருத்து என்ன ?

இது போன்ற படங்களை spoiler tag மூலம் பதிவிடு மதன் , விருப்பப்பட்டவங்க பார்த்துகொள்ளலாம்.

எப்படி தான் இப்படி முடியுது தெரியல..
அப்பாவி மக்களை தாக்குவதற்கு எப்படி தான் மனசு வருது
என்னால் சகிக்க முடியல....

Spoiler இல் படத்தை குடுத்த மாமாவுக்கு நன்றிகள் ....

அப்ப ..நன்றி முன்பே செய்து இருந்தால் நானும் பயந்து இருக்கமாட்டேன்..

இந்த சண்டை இஸ்ரேலுக்கும் பாலஸ்தீனத்திற்கும் நடப்பதா ? இந்த ஹமாஸ் இயக்கம் என்பது பாலஸ்தீன அரசின் அமைப்பா ?
தெரிந்தவர்கள் சொல்லுங்கப்பா